നേമം : ബാർ ജീവനക്കാരെ ആക്രമിച്ച അഞ്ചംഗ സംഘത്തെ നേമം പോലീസ് അറസ്റ്റുചെയ്തു. വെള്ളായണി വാറുവിളാകത്ത് വീട്ടിൽ അനീഷ് (24), വള്ളക്കടവ് സുലൈമാനി സ്ട്രീറ്റിൽ നവാസ് (22) , പൂഴിക്കുന്ന് പറങ്കിമാംവിള കോളനിയിൽ ഷെമീർ (30) , തിരുവല്ലം മേനിലം ഋതുഭവനിൽ രതീഷ് (24), നേമം കുളക്കുടിയൂർകോണം തുഷാരഭവനിൽ തുബിൻ രാജ് (24) എന്നിവരെയാണ് നേമം സിഐ കെ.പ്രദീപ്, എസ്ഐമാരായ എസ്.എസ്. സജി,എസ്. വിമൽ, സീനിയർ സിവിൽ പോലീസ് ഓഫീസർ അനിൽകുമാർ, സിപിഒ അരുണ്‍ എന്നിവരടങ്ങിയ സംഘമാണ് അറസ്റ്റുചെയ്തത്.
കഴിഞ്ഞ ആഴ്ചയാണ് പ്രതികൾ പാപ്പനംകോട് വൈറ്റ് ഡാമർ ഹോട്ടലിലെ ബാറിലെത്തി കൗണ്ടർ തല്ലി പൊളിക്കുകയും കുപ്പികൾ അടിച്ചു തകർക്കുകയും ജീവനക്കാരെ തലയ്ക്കടിച്ചു പരിക്കേല്പിക്കുകയും ചെയ്തത്. മുൻവൈരാഗ്യമാണ് ആക്രമണത്തിന് പിന്നിലെന്ന് പോലീസ് പറഞ്ഞു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
