നെന്മാറ: ഇലകളും നാരുകളും അടങ്ങിയ ഭക്ഷണം ധാരാളം ഉപയോഗിക്കുന്നതിലൂടെ കാൻസറിനെ ഒരു പരിധിവരെ പ്രതിരോധിക്കാമെന്ന് പ്രമുഖ കാൻസർ രോഗവിദഗ്ദൻ ഡോ. പി.വി ഗംഗാധരൻ പറഞ്ഞു. തുടക്കത്തിൽ കണ്ടെത്തിയാൽ പൂർണ്ണമായും മാറ്റിയെടുക്കാവുന്ന അസുഖമാണ് കാൻസർ. രോഗത്തെക്കുറിച്ചുള്ള അറിവില്ലായ്മയാണ് പലപ്പോഴും കാൻസറിനെ ഗുരുതരമാക്കുന്നത്.
കയറാടി സെന്‍റ് ജോർജ് യാക്കോബായ സുറിയാനി ക്രിസ്ത്യാനി പള്ളി സംഘടിപ്പിച്ച കാൻസർ ബോധവത്ക്കരണ ക്ലാസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഇടവക വികാരി ഫാ. ബേസിൽ ബേബി തെക്കുംമഠത്തിൽ അധ്യക്ഷത വഹിച്ചു.
