നയൻസിന്‍റെ ക്ഷേത്രദർശനത്തെ കുറിച്ചാണ് തമിഴകത്തെങ്ങും ഇപ്പോൾ ചർച്ചാ വിഷയം. പ്രണയ ഗോസിപ്പ് കോളങ്ങളിൽ പലതവണ സ്ഥാനം പിടിച്ചിട്ടുള്ള നയൻതാര പക്ഷേ ഈ അടുത്തായി തെരഞ്ഞെടുക്കപ്പെടുന്ന സിനിമകളുടെ പേരിലാണ് ശ്രദ്ധനേടിയിരുന്നത്.
പക്ഷേ വീണ്ടും ഗോസിപ്പ് കോളങ്ങളിൽ വിഘ്നേഷിന്‍റെ പേരുമായി നയൻസിന്‍റെ പേര് കൂട്ടി വായിക്കുകയാണ് പപ്പരാസികൾ. നയൻസ് തന്നെയാണ് അതിനുള്ള വഴിമരുന്നും ഇട്ടു കൊടുത്തിരിക്കുന്നത്. സോഷ്യൽ മീഡിയയിൽ പ്രചരിക്കുന്ന ഫോട്ടോകളാണ് ഇതിന്‍റെ കാരണം.
സംവിധായകൻ വിഘ്നേശുമൊത്ത് നടത്തിയ ക്ഷേത്ര ദർശന ഫോട്ടോകൾ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്. ക്ഷേത്രത്തിൽ നിന്ന് ആരാധകൻ നയൻതാരയ്ക്കൊപ്പം നിന്ന് പകർത്തിയ ചിത്രമാണ് ഇപ്പോൾ വൈറലാകുന്നത്. സെൽഫിയുടെ പുറകിലായി വിഘ്നേശിന്‍റെ വ്യക്തമല്ലാത്ത മുഖം കാണാൻ കഴിയും. ഈ ചിത്രം കണ്ടതോടെയാണ് നയൻതാര വിഘ്നേശിനൊപ്പമാണ് ക്ഷേത്ര ദർശനം നടത്തിയതെന്ന് പപ്പരാസികൾ ഉറപ്പിച്ചത്.
സംവിധായകൻ വിഘ്നേശിനെ നയന്‍സ് പോകുന്നിടത്തെല്ലാം കാണാൻ തുടങ്ങിയതോടെ ഇവർ തമ്മിൽ പ്രണയത്തിലാണെന്ന് ഉറപ്പിക്കുകയാണ് പപ്പരാസികൾ. ക്ഷേത്ര ദർശനം ആയിക്കോട്ടെ ആഘോഷമായിക്കോട്ടെ വിഘ്നേശില്ലാതെ നയൻസ് എങ്ങും പോകില്ലായെന്നാണ് പപ്പരാസികൾ പറയുന്നത്.
