മാഡ്രിഡ്: സ്പാനിഷ് വമ്പൻമാരായ റയൽ മാഡ്രിഡ് കോപ ഡെൽ റേ ക്വാർട്ടറിൽ കടന്നുകൂടി. രണ്ടാം റൗണ്ടിൽ ന്യുമാൻസിയയോട് സമനില പാലിച്ചെങ്കിലും ആദ്യ പാദത്തിലെ എതിരില്ലാത്ത മൂന്നു ഗോൾ ജയം റയലിനു രക്ഷയായി. റയലിന്‍റെ തട്ടകത്തിൽ നടന്ന മത്സരത്തിൽ രണ്ടാം ഡിവിഷൻ ക്ലബാ‍യ ന്യുമാൻസിയ രണ്ടു ഗോൾ അടിച്ചാണ് സമനില പാലിച്ചത്.
ലൂക്കാസ് വാസ്ഗ്വസിന്‍റെ (10, 59) ഇരട്ടഗോളിൽ ലീഡു നേടിയ റയലിനെ ന്യുമാൻസിയയുടെ ഫർണാണ്ടസ് ഹിറോ ഇരട്ട ഗോളിലൂടെ സമനിലയിൽ പിടിക്കുകയായിരുന്നു. കളിയുടെ അധിക സമയത്ത് ന്യുമാൻസിയയുടെ കാൽവോ സാൻറോമൻ ചുവപ്പുകാർഡ് കണ്ട് പുറത്തുപോകുകയും ചെയ്തു.
