കേരള ബ്ലാസ്റ്റേഴ്‌സ് ഫുട്‌ബോള്‍ ടീമില്‍ ഇടം നേടി സലീം കുമാറും, ദില്‍മന്‍ ഇടക്കൊച്ചിയും,ലയണല്‍ മെസിയും ദാസപ്പന്‍ കട്ടപ്പനയും. ഞെട്ടേണ്ട സംഭവം ഏറെക്കുറെ സത്യമാണ്. കേരളാ ബ്ലാസ്റ്റേഴ്സിന്റെ താരങ്ങളുടെ വിക്കീപീഡിയായിലെ ലിസ്റ്റിലാണ് ഇവരുടെ പേരും കയറിപ്പറ്റിയത്. ഫുട്‌ബോള്‍ മത്സരത്തിനായി ഗ്രൗണ്ടില്‍ പന്തുകള്‍ പായിക്കുന്നവരല്ല ഇവര്‍. മറിച്ച് ആരോ തമാശയ്ക്ക് ഒപ്പിച്ച പണിയാണ്.
വിക്കീപീഡിയയില്‍ ലഭ്യമാകുന്ന വിവരങ്ങളില്‍ ആളുകള്‍ക്ക് ഇഷ്ടാനുസരണം തങ്ങളുടെ ഇമെയില്‍ ഐഡി ഉപയോഗിച്ച് ലോഗിന്‍ ചെയ്യ്ത് തിരുത്തലുകള്‍ വരുത്താം. ഇപ്രകാരമാണ് കേരളാ ബ്ലാസ്റ്റേഴ്സിന്റെ താരങ്ങളുടെ പട്ടികയില്‍ സിനിമ താരങ്ങളുടെയും സിനിമ കഥാപാത്രങ്ങളുടെയും പ്രശസ്ത ഫുട്്‌ബോള്‍ താരത്തിന്റെയും പേര് എഴുതി ചേര്‍ത്ത് വായനക്കാരെ ചിരിപ്പിക്കുന്നത്.
ഇതിനു മുമ്പും സമൂഹത്തില്‍ പ്രശസ്തരായവരെ കുറിച്ച് വിക്കീപീഡിയയില്‍ തെറ്റായ വിവരങ്ങള്‍ നല്‍കി വായനക്കാര്‍ക്ക് ചിരിക്കാനുള്ള അവസാരം ചില വിരുതന്മാര്‍ നല്‍കിയിട്ടുണ്ട്. രാഷ്ട്രിയ പ്രവര്‍ത്തകരും സിനിമ മേഖലയില്‍ പ്രവര്‍ത്തിക്കുന്നവരുമാണ് ഇതില്‍ പ്രധാനമായും ഇരയായവര്‍. ബ്ലാസ്റ്റേഴ്സിന്റെ താരങ്ങളുടെ പട്ടികയില്‍ തങ്ങളുടെ ഇഷ്ടതാരങ്ങളുടെയും കഥാപാത്രങ്ങളുടെയും പേര് കണ്ട് ചിരിക്കുകയാണ് സോഷ്യല്‍മീഡിയ
