പെർത്ത്: ഇന്ത്യയുടെ രോഹൻ ബൊപ്പണ്ണ- ടിമിയ ബാബോസ്(ഹംഗറി) സഖ്യം ഓസ്ട്രേലിയൻ ഓപ്പണ്‍ മിക്സഡ് ഡബിൾസിൽ ഫൈനലിൽ കടന്നു. സ്പാനിഷ്-ബ്രസീൽ ജോഡിയായ മാർട്ടിനസ് സാഞ്ചെസ്-മാഴ്സൽ ഡെമോളിനർ സഖ്യത്തെ പരാജയപ്പെടുത്തിയാണ് ബൊപ്പണ്ണ സഖ്യം കലാശപ്പോരാട്ടത്തിനു യോഗ്യത നേടിയത്. സ്കോർ: 7-5, 5-7, 10-6. മത്സരം ഒരു മണിക്കൂറും 25 മിനിറ്റും നീണ്ടു.
കാനഡയുടെ ഗബ്രിയേല ദബ്രോസ്കി-ക്രൊയേഷ്യയുടെ മാറ്റ് പാവിക് സഖ്യത്തെയാണ് ഫൈനലിൽ ബൊപ്പണ്ണ സഖ്യം നേടിടേണ്ടത്. ഇതിൽ ദബ്രോസ്കിക്കൊപ്പം ചേർന്നാണ് ബൊപ്പണ്ണ ഫ്രഞ്ച് ഓപ്പണ്‍ കിരീടം നേടിയതെന്ന സവിശേഷതയുമുണ്ട്.
അമേരിക്കയുടെ അബിഗെയിൽ സ്പിയേഴ്സ്-കൊളംബിയയുടെ യുവാൻ സെബാസ്റ്റ്യൻ സഖ്യത്തെ 6-4, 7-6ന് പരാജയപ്പെടുത്തിയാണ്് ബൊപ്പണ്ണ-ബാബോസ് സഖ്യം അവസാന നാലിൽ ഇടം പിടിച്ചത്.
