ഉ​റ​ക്ക​ത്തി​ൽ പാ​മ്പുക​ടി​യേ​റ്റ ആ​റു​വ​യ​സു​കാ​രി​ക്ക് ര​ണ്ടാം ജന്മം

ഉ​റ​ക്ക​ത്തി​ൽ ഉ​ഗ്ര​വി​ഷ​മു​ള്ള പാ​മ്പി​ന്‍റെ ക​ടി​യേ​റ്റ ബാ​ലി​ക അ​ത്ഭു​ത​ക​ര​മാ​യി ര​ക്ഷ​പെ​ട്ടു. ദ​ക്ഷി​ണാ​ഫ്രി​ക്ക​യി​ലെ ക്വാ​സു​ലു നാ​താ​ൽ പ്ര​വ​ശ്യ​യി​ൽ താ​മ​സി​ക്കു​ന്ന ആ​റു​വ​യ​സു​കാ​രി മി​ക​യ്‌ലാ സൂ ​ഗ്രോ​വാ​ണ് മരണത്തിന്‍റെ വക്കിൽ നിന്നു തിരിച്ചെത്തി​യ​ത്. രാ​വി​ലെ ഉ​റ​ക്ക​മെ​ണീ​റ്റ​പ്പോ​ൾ ക്വാ​സു​ലു പ​ല്ലു വേ​ദ​ന​യു​ണ്ടെ​ന്ന് അ​മ്മ​യോ​ട് പ​റ​ഞ്ഞി​രു​ന്നു. എ​ന്നാ​ൽ താ​ടി​യി​ൽ മാ​ത്രം നീ​രു ക​ണ്ട​തോ​ടെ അ​മ്മ​യ്ക്ക് സം​ശ​യം തോ​ന്നി. തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ൽ ശ​രീ​ര​ത്ത് ഏ​തോ ജീ​വി ക​ടി​ച്ച​തു പോ​ലെ​യു​ള്ള പാ​ടും അ​മ്മ ക​ണ്ട​ത്തി. മാ​ത്ര​മ​ല്ല അ​പ്പോ​ഴേ​ക്കും കു​ട്ടി​യു​ടെ ഒ​രു ക​ണ്ണി​ന്‍റെ കാ​ഴ്ച ശ​ക്തി​യും ന​ഷ്ട​പ്പെ​ട്ടി​രു​ന്നു.

ഒ​ട്ടും വൈ​കി​ക്കാ​തെ മാ​താ​പി​താ​ക്ക​ൾ കു​ട്ടി​യെ ആ​ശു​പ​ത്രി​യി​ൽ എ​ത്തി​ച്ചു. ഡോ​ക്ട​ർ​മാ​ർ ന​ട​ത്തി​യ പ​രി​ശോ​ധ​ന​യി​ൽ കു​ട്ടി​യു​ടെ ആ​രോ​ഗ്യ നി​ല ഗു​രു​ത​ര​മാ​ണെ​ന്ന് ക​ണ്ടെ​ത്തി. ഇ​വ​ർ അ​ടു​ത്ത പ​ത്തു​മ​ണി​ക്കൂ​റി​നു​ള്ളി​ൽ പ്ര​തി​വി​ഷം പ​തി​നേ​ഴ് ഡോ​സ് കു​ത്തി​വെ​ച്ച് കു​ട്ടി​യു​ടെ ജീ​വ​ൻ ര​ക്ഷി​ക്കു​ക​യാ​യി​രു​ന്നു. കു​റ​ച്ചു സ​മ​യ​ത്തി​നു ശേ​ഷം കു​ട്ടി അപകടനി​ല ത​ര​ണം ചെ​യ്തതായി ഡോ​ക്ട​ർ​മാ​ർ അ​റി​യി​ച്ചു. മാ​ത്ര​മ​ല്ല അ​പ്പോ​ഴേ​ക്കും കു​ട്ടി​യു​ടെ കാ​ഴ്ച ശ​ക്തി​യും തി​രി​കെ ല​ഭി​ച്ചി​രു​ന്നു.

മൊ​സാം​ബി​ക് സ്പി​റ്റിം​ഗ് കോ​ബ്രാ എ​ന്ന​യി​ന​ത്തി​ൽ​പ്പെ​ട്ട കൊ​ടീ​യ​വി​ഷ​മു​ള്ള പാ​ന്പാ​ണി​തെ​ന്ന് ഡോ​ക്ട​ർ​മാ​ർ പ​റ​ഞ്ഞു. ആ​ളു​ക​ളു​ടെ ശ​രീ​ര​ത്തി​ലേ​ക്ക് വി​ഷം ചീ​റ്റാ​നും ഈ ​പാ​ന്പി​നു ക​ഴി​യും. ആ​ശു​പ​ത്രി​യി​ലേ​ക്കു​ള്ള യാ​ത്ര​യി​ൽ അ​മ്മ കു​ട്ടി​യു​ടെ ക​ണ്ണ് തു​ട​ർ​ച്ച​യാ​യി ക​ഴു​കി​യ​തി​നാ​ൽ ക​ണ്ണി​ലേ​ക്ക് തെ​റി​ച്ച വി​ഷം പു​റ​ത്തേ​ക്ക് പോ​യ​താ​ണ് കാ​ഴ്ചശ​ക്തി തി​രി​കെ ല​ഭി​ക്കാ​ൻ കാ​ര​ണ​മാ​യ​തെ​ന്ന് ഡോ​ക്ട​ർ​മാ​ർ പ​റ​ഞ്ഞു. ക​ഴു​ത്തി​ൽ നീ​ര് ഉ​ള്ള​തി​നാ​ൽ കുട്ടിക്ക് ന​ന്നാ​യി ശ്വ​സി​ക്കാ​ൻ പോ​ലും ക​ഴി​യു​ന്നി​ല്ല. ട്യൂ​ബി​ന്‍റെ സ​ഹാ​യ​ത്തോ​ടെ​യാ​ണ് മി​കാ​യ്‌ല ഇ​പ്പോ​ൾ ശ്വ​സി​ക്കു​ന്ന​ത്.