നാട്ടിലെ ഉത്‌സവത്തിന്  അനുജനെ ക്ഷണിക്കാനെത്തിയാൾ ഭാ​ര​ത​പ്പു​ഴ​ക​ട​വി​ൽ ഒഴുക്കിൽപ്പെട്ടു മരിച്ചു;  മ​ര​ണ​ത്തി​ലും കൈ​വി​ടാ​തെ കൈ​യി​ൽ മുറുകെ പിടിച്ച  പ്ലാ​സ്റ്റി​ക് കവർ തുറന്ന അനുജൻ പൊട്ടിക്കരഞ്ഞു

തി​രു​വി​ല്വാ​മ​ല: കു​ത്താ​ന്പു​ള്ളി ഭാ​ര​ത​പ്പു​ഴ​ക​ട​വി​ൽ മു​ങ്ങി​പോ​യി കാ​ണാ​താ​യ ത​മി​ഴ്നാ​ട് സ്വ​ദേ​ശി​യു​ടെ മൃ​ത​ദേ​ഹം ക​ണ്ടെ​ത്തി. ഈ​റോ​ഡ് പു​ളി​യം​പ​ട്ടി സ്വ​ദേ​ശി ശെ​ൽ​വ​രാ​ജി​ന്‍റെ മൃ​ത​ദേ​ഹം ഇ​ന്നു​രാ​വി​ലെ ആ​റോ​ടെ​യാ​ണ് പു​ഴ​യു​ടെ ന​ടു​ഭാ​ഗ​ത്ത് കാ​ണാ​താ​യ സ്ഥ​ല​ത്തു​ത​ന്നെ പൊ​ന്തി​യ​ത്.

നാ​ട്ടി​ൽ​നി​ന്ന് എ​ത്തി​യ ബ​ന്ധു​ക്ക​ളും നാ​ട്ടു​കാ​രു​മാ​ണ് ആ​ദ്യം ക​ണ്ട​ത്. ബ​ന്ധു​ക്ക​ൾ പു​ല​ർ​ച്ചെ മു​ത​ൽ ത​ന്നെ പു​ഴ​യോ​ര​ത്ത് നി​ന്നി​രു​ന്നു. ഇ​ന്ന​ലെ വൈ​കു​ന്നേ​രം നാ​ലോ​ടെ​യാ​ണ് ശെ​ൽ​വ​രാ​ജും കൂ​ട്ടു​കാ​ര​ൻ ജ​യ​പ്ര​കാ​ശും നാ​ട്ടി​ൽ​നി​ന്ന് വ​രു​ന്ന​വ​ഴി പു​ഴ മു​റി​ച്ച് ക​ട​ക്കു​ന്ന​തി​നി​ടെ മു​ങ്ങി​പോ​യ​ത്. ജ​യ​പ്ര​കാ​ശി​നെ നാ​ട്ടു​കാ​ർ ര​ക്ഷ​പ്പെ​ടു​ത്തി ക​ര​യ്ക്ക് എ​ത്തി​ച്ചെ​ങ്കി​ലും ശെ​ൽ​വ​രാ​ജി​നെ ര​ക്ഷ​പ്പെ​ടു​ത്താ​നാ​യി​ല്ല. പി​ന്നീ​ട് ഫ​യ​ർ​ഫോ​ഴ്സ് എ​ത്തി രാ​ത്രി വൈ​കും​വ​രെ തെ​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്തിയിരുന്നി​ല്ല.

മ​ര​ണ​ത്തി​ലും കൈ​വി​ടാ​തെ കൈ​യി​ലെ പ്ലാ​സ്റ്റി​ക് സ​ഞ്ചി
തി​രു​വി​ല്വാ​മ​ല: മ​ര​ണ​ത്തി​ലും കൈ​വി​ടാ​തെ കൈ​യി​ലെ പ്ലാ​സ്റ്റി​ക് സ​ഞ്ചി മു​റു​കെ പി​ടി​ച്ചാ​ണ് ശെ​ൽ​വ​രാ​ജ് പു​ഴ​യു​ടെ ആ​ഴ​ങ്ങ​ളി​ലേ​ക്ക് പോ​യ​ത്. കു​ത്താ​ന്പു​ള്ളി​യി​ൽ നെ​യ്ത്ത് തൊ​ഴി​ലാ​ളി​യാ​യ സ​ഹോ​ദ​ര​നെ കൂ​ട്ടി​ക്കൊ​ണ്ടു​പോ​കു​വാ​നും നാ​ട്ടി​ലെ ഉ​ത്സ​വ​മാ​യ കും​ഭാ​ഭി​ഷേ​ക​ത്തി​ന് ക്ഷ​ണി​ക്കാ​നു​ള്ള ക്ഷ​ണ​പ​ത്രി​ക​യ​ട​ങ്ങി​യ പ്ലാ​സ്റ്റി​ക് സ​ഞ്ചി അ​വ​സാ​നം​വ​രെ​യും കൈ​വി​ട്ടി​ല്ല.

മൃ​ത​ദേ​ഹം ക​ര​യ്ക്കു​ക​യ​റ്റി​യ​ശേ​ഷ​മാ​ണ് മു​റു​കെ പി​ടി​ച്ചി​രു​ന്ന സ​ഞ്ചി കൈ​യി​ൽ​നി​ന്ന് ബ​ന്ധു​ക്ക​ൾ എ​ടു​ത്തു​മാ​റ്റി​യ​ത്. അ​നി​യ​നെ കാ​ണാ​ൻ ക​ഴി​ഞ്ഞി​ല്ലെ​ങ്കി​ലും ന​ന​ഞ്ഞ് കു​തി​ർ​ന്ന കും​ഭാ​ഭി​ഷേ​ക​ത്തി​ന്‍റെ ക്ഷ​ണ​ക​ത്ത് അ​നി​യ​ൻ ഷ​ണ്‍​മു​ഖ​ത്തി​ന് കാ​ണാ​നാ​യി.

ഈ​റോ​ഡ് ജി​ല്ല​യി​ലെ പ​ന​യം​പ​ള്ളി പ​ഞ്ചാ​യ​ത്ത് മു​ൻ വൈ​സ് പ്ര​സി​ഡ​ന്‍റാ​യ ശെ​ൽ​വ​രാ​ജി​ന്‍റെ മൃ​ത​ദേ​ഹം തൃ​ശൂ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പോ​സ്റ്റു​മോ​ർ​ട്ടം ന​ട​ത്തി​യ​ശേ​ഷം ബ​ന്ധു​ക്ക​ഗ​ൾ ഏ​റ്റു​വാ​ങ്ങി നാ​ട്ടി​ൽ കൊ​ണ്ടു​പോ​യി സം​സ്ക​രി​ക്കും.

ക​ര​യ്ക്കെ​ത്തി​യ​തു ജ​യ​പ്ര​കാ​ശി​നു  വി​ശ്വ​സി​ക്കാ​നാ​വു​ന്നി​ല്ല
തി​രു​വി​ല്വാ​മ​ല: പു​ഴ​യി​ൽ മ​ര​ണ​ത്തെ മു​ഖാ​മു​ഖം​ക​ണ്ട ജ​യ​പ്ര​കാ​ശി​നു താ​ൻ ക​ര​യ്ക്കെ​ത്തി​യ​ത് വി​ശ്വ​സി​ക്കാ​നാ​വു​ന്നി​ല്ല. സം​ഭ​വി​ച്ച കാ​ര്യ​ങ്ങ​ൾ സം​സാ​രി​ക്കാ​ൻ പോ​ലു​മാ​വാ​തെ വി​തു​ന്പി. ത​മി​ഴി​ൽ ഒ​രു​വി​ധം സം​ഭ​വ​ങ്ങ​ൾ പ​റ​ഞ്ഞു. സ്ത്രീ​ക​ളു​ടെ നി​ല​വി​ളി കേ​ട്ട് ഓ​ടി​യെ​ത്തി​യ എ​ഴു​പ​ത്തി​ര​ണ്ടു​കാ​ര​നാ​യ ഷ​ണ്‍​മു​ഖ​വും സു​രേ​ഷും ചേ​ർ​ന്നാ​ണ് മു​ങ്ങി​പ്പോ​യ ജ​യ​പ്ര​കാ​ശി​നെ ക​ര​യ്ക്കെ​ത്തി​ച്ച​ത്.

നെ​യ്ത്തു​തൊ​ഴി​ലാ​ളി​ക​ളാ​യ ഇ​രു​വ​രും സം​ഭ​വം അ​റി​ഞ്ഞ​യു​ട​നെ പു​ഴ​യി​ലേ​ക്ക് എ​ടു​ത്തു​ചാ​ടു​ക​യാ​യി​രു​ന്നു. പോ​ലീ​സും ഫ​യ​ർ​ഫോ​ഴ്സും എ​ത്തു​ന്പോ​ഴേ​യ്ക്കും ഇ​വ​ർ ഇ​യാ​ളെ ക​ര​യ്ക്കെ​ത്തി​ച്ചി​രു​ന്നു. പു​ഴ​യി​ൽ ഒ​ഴു​ക്കു കു​റ​വാ​ണെ​ങ്കി​ലും ചെ​ക്ക് ഡാ​മി​ൽ വെ​ള്ളം നി​റ​ഞ്ഞ് നി​ൽ​ക്കു​ന്നു​ണ്ട്.