കൊച്ചി: മാമാങ്കമെന്ന ബിഗ്ബജറ്റ് ചിത്രത്തിന്‍റെ ഷൂട്ടിംഗിനിടെ നടൻ മമ്മൂട്ടിക്ക് പരിക്ക്. സംഘട്ടനരംഗങ്ങൾ ചിത്രീകരിക്കുന്പോഴാണ് പരിക്കേറ്റത്. പരിക്ക് സാരമുള്ളതല്ല എന്നാണ് റിപ്പോർട്ടുകൾ. മാമാങ്കം ദ മൂവി എന്ന ഫേസ്ബുക്ക് പേജിലൂടെയാണ് മമ്മൂട്ടിക്ക് പരിക്കു പറ്റിയ വിവരം അറിയിച്ചിരിക്കുന്നത്.
പഴശിരാജയ്ക്കു ശേഷം മമ്മൂട്ടി വീണ്ടും ചരിത്ര കഥാപാത്രത്തെ അവതരിപ്പിക്കുന്ന മാമാങ്കം എന്ന സിനിമയുടെ ചിത്രീകരണം മംഗലാപുരത്താണ് നടക്കുന്നത്. നവാഗതനായ സജീവ് പിള്ളയാണ് സംവിധായകൻ. സംവിധായകൻ തന്നെയാണ് ചിത്രത്തിന്‍റെ തിരക്കഥയും രചിച്ചിരിക്കുന്നത്. പത്തു ദിവസം നീണ്ടു നിൽക്കുന്നതാണ് ചിത്രത്തിന്‍റെ ആദ്യ ഷെഡ്യൂൾ.
