മാ​വേ​ലി​ക്ക​ര പോ​ലീ​സ് സ്റ്റേ​ഷ​നി​ൽ  വ​നി​താ ജ​ന​പ്ര​തി​നി​ധി​ക്കു നേ​രേ എ​സ്ഐ​യു​ടെ കൈ​യേ​റ്റ ശ്ര​മ​മെ​ന്ന് പ​രാ​തി;  എസ്ഐ അസഭ്യം പറ‍യുകയും ജാതിവിളിച്ച് ആക്ഷേപിക്കുകയും ചെയ്തതായി ഡി​ജി​പിക്ക് നൽകിയ പരാതിയിൽ പറ‍യുന്നു

മാ​വേ​ലി​ക്ക​ര : പോ​ലീ​സ് സ്റ്റേ​ഷ​നി​ൽ പ്ര​തി​യെ കാ​ണു​വാ​നെ​ത്തി​യ വ​നി​താ ജ​ന​പ്ര​തി​നി​ധി​യെ കൈ​യേ​റ്റം ചെ​യ്യാ​ൻ എ​സ്ഐ ശ്ര​മി​ച്ച​താ​യി പ​രാ​തി. മാ​വേ​ലി​ക്ക​ര പോ​ലീ​സ് സ്റ്റേ​ഷ​നി​ൽ ബു​ധ​നാ​ഴ്ച ഉ​ച്ച​ക്ക് 12.45 നാ​ണ് സം​ഭ​വം.

സി​പി​എം നേ​താ​ക്ക​ളാ​യ മാ​വേ​ലി​ക്ക​ര ബ്ലോ​ക്ക് പ​ഞ്ചാ​യ​ത്തം​ഗം ശോ​ഭാ രാ​ജു​വും ചെ​ട്ടി​കു​ള​ങ്ങ​ര ഗ്രാ​മ​പ​ഞ്ചാ​യ​ത്ത് സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ ജി.​രാ​ജു​വും ക​ണ്ണ​മം​ഗ​ല​ത്ത് നാ​ല് പേ​രെ കു​ത്തി പ​രി​ക്കേ​ൽ​പ്പി​ച്ച കേ​സി​ലെ പ്ര​തി​യാ​യ മ​നു എ​ന്ന യു​വാ​വി​നെ പോ​ലീ​സ് ക​സ്റ്റ​ഡി​യി​ൽ വാ​ങ്ങി​യ​ത് അ​റി​ഞ്ഞാ​ണ് സ്റ്റേ​ഷ​നി​ൽ എ​ത്തി​യ​ത്.

ഇ​വ​ർ സെ​ല്ലി​ൽ കി​ട​ക്കു​ന്ന മ​നു​വി​നെ കാ​ണാ​ൻ ശ്ര​മി​ച്ചു. ഇ​തി​നി​ട​യി​ൽ സ്റ്റേ​ഷ​നി​ലേ​ക്ക് ക​യ​റി​വ​ന്ന എ​സ്ഐ ജി​ജി​ൻ ജേ​ക്ക​ബ് ശോ​ഭ​യോ​ട് അ​പ​മ​ര്യാ​ദ​യാ​യി പെ​രു​മാ​റു​ക​യും കൈ​യേ​റ്റം ചെ​യ്യാ​ൻ ശ്ര​മി​ക്കു​ക​യു​മാ​യി​രു​ന്നു.

കൂ​ടെ​യു​ണ്ടാ​യി​രു​ന്ന രാ​ജു​വി​നെ എ​സ്ഐ, അ​സ​ഭ്യം പ​റ​യു​ക​യും പ​ട്ടി​ക​ജാ​തി​ക്കാ​ര​നെ​ന്ന് അ​റി​ഞ്ഞു കൊ​ണ്ടു ത​ന്നെ ജാ​തി വി​ളി​ച്ച് ആ​ക്ഷേ​പി​ക്കു​ക​യും ചെ​യ്തു​വെ​ന്നാ​ണ് പ​രാ​തി. ഇ​തു സം​ബ​ന്ധി​ച്ച് ഡി​ജി​പി, ജി​ല്ലാ പോ​ലീ​സ് മേ​ധാ​വി എ​ന്നി​വ​ർ​ക്ക് പ​രാ​തി ന​ൽ​കി​യ​താ​യും ഇ​വ​ർ പ​റ​ഞ്ഞു.

ശോ​ഭ​യും രാ​ജു​വും പ്ര​തി​യെ കാ​ണു​വാ​നും സം​സാ​രി​ക്കാ​നു​മാ​യാ​ണ് സ്റ്റേ​ഷ​നി​ൽ എ​ത്തി​യ​ത്. പ്ര​തി​യെ ക​സ്റ്റ​ഡി​യി​ൽ വാ​ങ്ങി​യ​താ​ണെ​ന്നും അ​യാ​ളെ കാ​ണു​വാ​ൻ സാ​ധി​ക്കി​ല്ലെ​ന്നും എ​സ്ഐ പ​റ​ഞ്ഞു. ഇ​തു കേ​ട്ട് പ്ര​കോ​പി​ത​രാ​യ ശോ​ഭ​യും, രാ​ജു​വും എ​സ്ഐ​യു​മാ​യി വാ​ക്കു​ത​ർ​ക്ക​ത്തി​ൽ ഏ​ർ​പ്പെ​ടു​ക​യാ​ണു​ണ്ടാ​യ​തെ​ന്ന് പോ​ലീ​സും പ​റ​യു​ന്നു. ക​സ്റ്റ​ഡി​യി​ൽ വാ​ങ്ങി​യ മ​നു എ​ക്സൈ​സ് ഉ​ദ്യോ​ഗ​സ്ഥ​നെ ആ​ക്ര​മി​ച്ച​തു​ൾ​പ്പ​ടെ നി​ര​വ​ധി കേ​സു​ക​ളി​ലെ പ്ര​തി​യു​മാ​ണെ​ന്നും പോ​ലീ​സ് പ​റ​ഞ്ഞു.