വനിതാദിന സന്ദേശങ്ങളും സമൂഹത്തില്‍ നേട്ടങ്ങള്‍ കൊയ്തിട്ടുള്ള സ്ത്രീകളെക്കുറിച്ചുള്ള വാര്‍ത്തകളും അഭിനന്ദനങ്ങളും മെസേജുകളുമെല്ലാമാണ് ഇപ്പോള്‍ സോഷ്യല്‍മീഡിയകളിലൂടെ പ്രചരിച്ചുകൊണ്ടിരിക്കുന്നത്.
പ്രധാനമന്ത്രിയുള്‍പ്പെടെയുള്ള നേതാക്കളും സെലിബ്രിറ്റികളും സിനിമാതരങ്ങളുമെല്ലാം സ്ത്രീ സമൂഹത്തിന് ആശംസകള്‍ നേര്‍ന്ന് രംഗത്തെത്തുന്നുണ്ട്. ഈയവസരത്തില്‍ മലയാളത്തിലെ ഹാസ്യസാമ്രാട്ടുകളായ പിഷാരടിയുടെയും ധര്‍മജന്റെയും വനിതാദിനാശംസയാണ് കേരളത്തില്‍ വ്യത്യസ്തമായിരിക്കുന്നത്.
എല്ലാ വിശേഷാവസരങ്ങളിലും വ്യത്യസ്തമായ എന്തെങ്കിലും തമാശയുമായി രംഗത്തെത്തുന്നവരാണ് പിഷാരടിയും ധര്‍മജനും. ഈ വനിതാദിനത്തിലും അവരെത്തി. രണ്ടുപേരും സാരിയുടത്ത് യഥാര്‍ത്ഥ സ്ത്രീകളെപോലെ കാണപ്പെടുന്ന ഒരു ചിത്രമാണ് പിഷാരടി തന്റെ ഫേസ്ബുക്ക് പോസ്റ്റിലൂടെ പങ്കുവയ്ക്കുന്നത്.
എല്ലാവര്‍ക്കും വനിതാദിനാശംസകള്‍. 2006 ലെടുത്ത ചിത്രമാണെന്ന് വ്യക്തമാക്കിയാണ് പിഷാരടി ചിത്രം പ്രസിദ്ധീകരിച്ചിരിക്കുന്നത്. ഏതായാലും പിഷാരടിയുടെ ചിത്രവും പോസ്റ്റും വൈറലായിരിക്കുകയാണ്.
