ഇന്ത്യന്‍ വെല്‍സ്: ഡബ്ല്യുടിഎ ഇന്ത്യന്‍ വെല്‍സ് ടെന്നീസ് ടൂര്‍ണമെന്‍റില്‍ മരിയ ഷറപ്പോവയ്ക്ക് ആദ്യ റൗണ്ടില്‍ ഞെട്ടിക്കുന്ന തോല്‍വി. ഷറപ്പോവയെ ജപ്പാന്‍റെ ഒന്നാം നമ്പര്‍ താരം നവോമി ഒസാക നേരിട്ടുള്ള സെറ്റുകള്‍ക്ക് (6-4, 6-4) അട്ടിമറിച്ചു. മുന്‍ ലോക ഒന്നാം നമ്പര്‍ ഷറപ്പോവ രണ്ടു തവണ ഇന്ത്യന്‍ വെല്‍സില്‍ ജേതാവായിട്ടുണ്ട്.
കഴിഞ്ഞ രണ്ടു തവണ ടൂര്‍ണമെന്‍റില്‍ പങ്കെടുക്കാതെയിരുന്ന ഷറപ്പോവ ടൂര്‍ണമെന്‍റില്‍ പങ്കെടുത്തത് ഇത്തവണത്തെ ടൂര്‍ണമെന്‍റിലെ പ്രധാന ആകര്‍ഷണങ്ങളില്‍ ഒന്നായിരുന്നു. എന്നാല്‍ ഷറപ്പോവുടെ പുറത്താകലോടെ ഇത് നഷ്ടമായി. 2006, 2013 വര്‍ഷങ്ങളിലാണ് ഷറപ്പോവ ഇന്ത്യന്‍ വെല്‍സ് കിരീടമുയര്‍ത്തിയത്. റാങ്കിംഗില്‍ 41ലേക്കു താഴ്ത്തപ്പെട്ടതിനാല്‍ താരത്തിന് ഈ ടൂര്‍ണമെന്‍റില്‍ സീഡ് ചെയ്യപ്പെട്ടിരുന്നില്ല.
