പൊൻകുന്നം: സ്വകാര്യബസും ബൈക്കും കൂട്ടിയിടിച്ച് ബൈക്ക് യാത്രികനായ യുവാവിനു പരിക്ക്. ഇന്നു രാവിലെ ഏഴിന് പൊൻകുന്നം പ്രൈവറ്റ് ബസ് സ്റ്റാൻഡിനു മുൻവശത്തായിരുന്നു അപകടം. കട്ടപ്പന-കോട്ടയം റൂട്ടിൽ സർവീ സ് നടത്തുന്ന സ്വകാര്യബസ് കോട്ടയത്തിനു പോകാൻ ബസ് സ്റ്റാൻഡിലേക്ക് തിരിയുന്പോൾ എതിർദിശയിൽ വന്ന ബൈക്ക് ബസിൽ ഇടിക്കുകയായിരുന്നു.
ബസ് ഡ്രൈവർ പെട്ടെന്ന് ബ്രേക്ക് ചെയ്തതിനാൽ ബൈക്ക് യാത്രികൻ അദ്ഭുതകരമായി രക്ഷപ്പെട്ടു. പരിക്കേറ്റ യുവാവ് കാഞ്ഞിരപ്പള്ളി താലൂക്ക് ആശുപത്രിയിൽ ചികിത്സ തേടി. പൊൻകുന്നം പോലീസ് സ്ഥലത്തെത്തി.
