ഉ​ത്ത​ര​വു​ക​ൾ കാ​റ്റി​ൽ പ​റ​ത്തി കു​ടി​വെ​ള്ളം വി​ല്പ​ന; കുപ്പിവെള്ളം തുറന്ന വാഹനത്തിൽ കൊണ്ടുപോകുമ്പോൾ സൂ​ര്യ​ന്‍റെ ചൂ​ടേറ്റ് രാ​സ​പ്ര​വ​ർ​ത്ത​ന​ങ്ങ​ൾ​ക്ക് വി​ധേ​യ​മാ​യി കാൻസർ രോഗങ്ങൾക്ക് കാരണമാകുന്നുവെന്ന് ആരോഗ്യ വകുപ്പ്

എ​ട​ത്വ: ചു​ട്ടു​പൊ​ള്ളു​ന്ന വേ​ന​ലി​ൽ ദാ​ഹി​ച്ചു വ​ര​ളു​ന്ന​വ​ർ ഒ​രു തു​ള്ളി വെ​ള്ള​ത്തി​നാ​യി കേ​ഴു​മ്പോ​ൾ അ​വ​രെ ചൂ​ഷ​ണം ചെ​യ്ത് കു​ടി​വെ​ള്ളം വി​ല്പ​ന.

ഗു​ണ​നി​ല​വാ​ര​മി​ല്ലാ​ത്ത വെ​ള്ള​ത്തോ​ടൊ​പ്പം പ്ലാ​സ്റ്റി​ക്ക് കു​പ്പി​ക​ളി​ലും ജാ​റു​ക​ളി​ലും വെ​ള്ളം​നി​റ​ച്ച് വാ​ഹ​ന​ങ്ങ​ളി​ൽ നി​ന്ന് ഉ​പ​ഭോ​ക്താ​ക്ക​ളു​ടെ കൈ​ക​ളി​ലെ​ത്തി​ക്കു​ന്ന വെ​ള്ളം കാ​ൻ​സ​ർ​പോ​ലെ​യു​ള്ള മാ​ര​ക​രോ​ഗ​ങ്ങ​ളും അ​തു​പോ​ലെ ജ​ല​ജ​ന്യ സാം​ക്ര​മി​ക രോ​ഗ​ങ്ങ​ളും പി​ടി​പെ​ടാ​നു​ള്ള സാ​ധ്യ​ത​യു​ള്ള​താ​ണെ​ന്ന് ആ​രോ​ഗ്യ​മേ​ഖ​ല.

വേ​ന​ൽ കാ​ല​ത്ത് വാ​ഹ​ന​ങ്ങ​ളി​ൽ കു​പ്പി​വെ​ള്ളം കൊ​ണ്ടു​പോ​കു​ന്പോ​ൾ ന​ല്ല​തു​പോ​ലെ കു​പ്പി​ക​ൾ പ​ടു​ത പോ​ലെ​യു​ള്ള​വ​കൊ​ണ്ടു മൂ​ട​ണം. അ​ല്ലാ​ത്ത​പ​ക്ഷം കു​പ്പി​യി​ലു​ള്ള വെ​ള്ളം സൂ​ര്യ​ന്‍റെ ചൂ​ടേ​ൽ​ക്കു​ന്പോ​ൾ രാ​സ​പ്ര​വ​ർ​ത്ത​ന​ങ്ങ​ൾ​ക്ക് വി​ധേ​യ​മാ​കു​ക​യും ഈ ​വെ​ള്ളം ഉ​പ​യോ​ഗി​ക്കു​ന്ന​വ​ർ​ക്ക് കാ​ൻ​സ​ർ പോ​ലു​ള്ള മാ​ര​ക​രോ​ഗ​മു​ണ്ടാ​കാ​ൻ സാ​ധ്യ​ത​യു​ണ്ടെ​ന്നു​മാ​ണ് ആ​രോ​ഗ്യ​മേ​ഖ​ല​യി​ലെ വി​ദ​ഗ്ധ​ർ സാ​ക്ഷ്യ​പ്പെ​ടു​ത്തു​ന്ന​ത്.

പ​ഠ​ന റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ വാ​ഹ​ന​ങ്ങ​ളി​ൽ മൂ​ടി​യോ അ​ല്ലാ​ത്ത​പ​ക്ഷം കു​പ്പി​വെ​ള്ള​ത്തി​ൽ സൂ​ര്യ​പ്ര​കാ​ശം ഏ​ൽ​ക്കാ​തി​രി​ക്കാ​ൻ മ​റ്റെ​ന്തെ​ങ്കി​ലും സം​വി​ധാ​ന​ങ്ങ​ളോ ഏ​ർ​പ്പെ​ടു​ത്ത​ണ​മെ​ന്ന് മ​നു​ഷ്യാ​വ​കാ​ശ ക​മ്മീ​ഷ​ൻ ഉ​ത്ത​ര​വി​റ​ക്കി​യി​രു​ന്നു.

എ​ന്നാ​ൽ വി​ല്പ​ന ന​ട​ത്തു​ന്ന​വ​ർ കു​പ്പി​വെ​ള്ളം ഇ​റ​ക്കു​ന്ന​തി​ന്‍റെ കാ​ല​താ​മ​സം ഒ​ഴി​വാ​ക്കാ​ൻ മൂ​ടി​ക​ൾ ഉ​പേ​ക്ഷി​ക്കു​ക​യാ​ണ് പ​തി​വ്. നി​യ​മം കാ​റ്റി​ൽ പ​റ​ത്തി കു​പ്പി​വെ​ള്ളം നി​റ​ച്ച വാ​ഹ​ന​ങ്ങ​ൾ ചീ​റി​പ്പാ​യു​ന്പോ​ഴും ന​ട​പ​ടി​യെ​ടു​ക്കേ​ണ്ട ഭ​ക്ഷ്യ സു​ര​ക്ഷാ വ​കു​പ്പോ ആ​ഭ്യ​ന്ത​ര-​ആ​രോ​ഗ്യ വ​കു​പ്പോ ന​ട​പ​ടി​യെ​ടു​ക്കാ​തെ പ​ര​സ്പ​രം പ​ഴി​ചാ​രി ര​ക്ഷ​പ്പെ​ടു​ക​യാ​ണ്.

എ​ന്നാ​ൽ കു​ടി​വെ​ള്ളം സം​ഭ​രി​ക്കു​ന്ന സ്ഥ​ല​ങ്ങ​ളി​ലെ ഭൗ​തി​ക​സാ​ഹ​ച​ര്യ​ങ്ങ​ളോ ലൈ​സ​ൻ​സോ പ​രി​ശോ​ധ​ന ന​ട​ത്താ​നോ ബ​ന്ധ​പ്പെ​ട്ട​വ​ർ​ക്ക് ക​ഴി​ഞ്ഞി​ട്ടി​ല്ലെ​ന്നും പ​ര​ക്കെ ആ​ക്ഷേ​പ​മു​ണ്ട്. കു​പ്പി​വെ​ള്ള വി​ത​ര​ണം ന​ട​ത്തു​ന്ന​ത് കൂ​ടു​ത​ലും അം​ഗീ​കൃ​ത ഏ​ജ​ൻ​സി​ക​ള​ല്ല.

വ്യാ​ജ സ്റ്റി​ക്ക​ർ കു​പ്പി​ക​ളി​ൽ പ​തി​ച്ച് ഗു​ണ​നി​ല​വാ​ര​മി​ല്ലാ​ത്ത വെ​ള്ളം വി​ത​ര​ണം ചെ​യ്തി​ട്ടും പ​രി​ശോ​ധ​ന ന​ട​ത്തേ​ണ്ട വ​കു​പ്പു​ക​ൾ പ​ര​സ്പ​രം പ​ഴി​ചാ​രു​ന്ന​ത​ല്ലാ​തെ ഉ​ത്ത​ര​വു​ക​ൾ ലം​ഘി​ച്ച് കു​പ്പി​വെ​ള്ള വി​ത​ര​ണം ന​ട​ത്തു​ന്ന​വ​രെ നി​യ​മ​ത്തി​ന്‍റെ മു​ന്പി​ൽ കൊ​ണ്ടു​വ​രു​വാ​ൻ യാ​തൊ​രു ന​ട​പ​ടി​ക​ളും സ്വീ​ക​രി​ക്കു​ന്നി​ല്ലെ​ന്നാ​ണ് ആ​ക്ഷേ​പം.