കോട്ടയം നഗരത്തിലെ ബസ്‌‌സ്റ്റോപ്പുകളിലും ബസ്‌‌സ്റ്റാൻഡുകളിലും പോക്കറ്റടി സംഘങ്ങൾ വിലസുന്നു;  മോഷ്ടാക്കളിലധികം സ്ത്രീകൾ

കോ​ട്ട​യം: ന​ഗ​ര​ത്തി​ലെ ബ​സ്‌‌സ്റ്റാ​ൻ​ഡു​ക​ളി​ലും ബ​സ്‌‌സ്റ്റോപ്പു​ക​ളി​ലും വ​രെ പോ​ക്ക​റ്റ​ടി സം​ഘ​ങ്ങ​ൾ വി​ല​സു​ന്നു. സ്ത്രീ ​മോ​ഷ്ടാ​ക്ക​ളാ​ണ് ഏ​റെ​യും ന​ഗ​ര​ത്തി​ൽ ചു​റ്റി​ത്തി​രി​യു​ന്ന​ത്. ക​ഴി​ഞ്ഞ ദി​വ​സം തി​രു​ന​ക്ക​ര ബി​എ​സ്എ​ൻ​എ​ൽ ഓ​ഫീ​സി​നു മു​ന്നി​ലെ ബ​സ്‌‌സ്റ്റോ​പ്പി​ൽ നി​ന്ന യു​വ​തി​യു​ടെ ബാ​ഗി​ൽ നി​ന്ന് മു​പ്പ​തി​നാ​യി​രം രൂ​പ ക​വ​ർ​ച്ച ചെ​യ്തു.

ബ​സ് കാ​ത്തു നി​ന്ന യു​വ​തി​ക്കൊ​പ്പം മു​ട്ടി​യു​രു​മ്മി നി​ന്ന സ്ത്രീ​യാ​ണ് ബാ​ഗി​ന്‍റെ സി​ബ്ബ് തു​റ​ന്ന് പ​ണം ത​ട്ടി​യെ​ടു​ത്ത​ത്. യു​വ​തി ബ​സി​ൽ ക​യ​റി ടി​ക്ക​റ്റെ​ടു​ക്കാ​ൻ ബാ​ഗി​ൽ നോ​ക്കി​യ​പ്പോ​ൾ സി​ബ്ബ് തു​റ​ന്നു കി​ട​ക്കു​ന്നു. അ​പ്പോ​ഴാ​ണ് പ​ണം ന​ഷ്ട​പ്പെ​ട്ട വി​വ​രം അ​റി​ഞ്ഞ​ത്. ഇ​തു​പോ​ലെ തി​ര​ക്കേ​റി​യ ബ​സു​ക​ളി​ൽ ബാ​ഗി​ൽ നി​ന്ന് പ​ണം ത​ട്ടി​യെ​ടു​ക്കാ​ൻ അ​തി വി​ദ​ഗ്ധ​രാ​യ സ്ത്രീ ​മോ​ഷ്്ടാ​ക്ക​ൾ രം​ഗ​ത്തി​റ​ങ്ങി​യി​ട്ടു​ണ്ട്.

ക​ഴി​ഞ്ഞ ദി​വ​സം തി​രു​വ​ഞ്ചൂ​ർ സ്വ​ദേ​ശി​യു​ടെ നാ​ലു ല​ക്ഷ​വും മു​ട്ടു​ചി​റ സ്വ​ദേ​ശി​യു​ടെ 38,000 രൂ​പ​യും ത​ട്ടി​യെ​ടു​ത്ത​ത് സ്ത്രീ ​മോ​ഷ്ടാ​ക്ക​ളാ​ണെ​ന്നാ​ണു പോ​ലീ​സ് സം​ശ​യി​ക്കു​ന്ന​ത്. മു​ൻ​പ് നാ​ടോ​ടി​ക​ളെ ക​ണ്ടാ​ൽ ബ​സി​ൽ പോ​ലും ക​യ​റ്റാ​തെ പോ​കു​മാ​യി​രു​ന്നു. ഇ​പ്പോ​ൾ മോ​ഷ്ടാ​ക്ക​ൾ വേ​ഷം അ​ടി​മു​ടി മാ​റി. ഇ​വ​രെ തി​രി​ച്ച​റി​യാ​ൻ പ്ര​യാ​സ​മാ​ണ്.

വി​ല​കൂ​ടി​യ സാ​രി​യും മ​റ്റും ധ​രി​ച്ചാ​ണ് ഇ​വ​ർ എ​ത്തു​ന്ന​ത്. ക​ണ്ടാ​ൽ കു​ലീ​ന​യാ​ണെ​ന്നു തോ​ന്നും. പ​ക്ഷേ ബ​സി​ലെ തി​ര​ക്കി​ൽ ഞൊ​ടി​യി​ട​ക്കു​ള്ളി​ൽ ബാ​ഗി​ന്‍റെ സി​ബ്ബ് തു​റ​ന്ന് പ​ണം മോ​ഷ്ടി​ക്കാ​ൻ വി​രു​തു​ള്ള​വ​രാ​ണ്. മോ​ഷ​ണം ന​ട​ത്തി​യാ​ൽ തൊ​ട്ട​ടു​ത്ത സ്റ്റോ​പ്പി​ൽ ഇ​റ​ങ്ങി സ്ഥ​ലം വി​ടു​ക​യും ചെ​യ്യും. മി​ക്ക​വാ​റും ഓ​ട്ടോ​റി​ക്ഷ​ക​ളി​ലാ​ണ് സ​ഞ്ച​രി​ക്കു​ക. ര​ണ്ടോ മൂ​ന്നോ കി​ലോ​മീ​റ്റ​ർ ക​ഴി​ഞ്ഞാ​ൽ ഓ​ട്ടോ മാ​റും. ഇ​തൊ​ക്കെ​യാ​ണ് ഇ​വ​രു​ടെ ത​ന്ത്രം.

മോ​ഷ​ണം ന​ട​ന്നു​വെ​ന്നു വ്യ​ക്ത​മാ​യാ​ൽ വ​ള​രെ പെ​ട്ടെ​ന്ന് പോ​ലീ​സ് രം​ഗ​ത്തി​റ​ങ്ങി​യാ​ൽ മാ​ത്ര​മേ ഇ​വ​രെ പി​ടി​കൂ​ടാ​ൻ ക​ഴി​യു​ക​യു​ള്ളൂ. ഏ​താ​നും വ​ർ​ഷം മു​ൻ​പ് കു​റ​വി​ല​ങ്ങാ​ട്ട് ഇ​തേ രീ​തി​യി​ൽ മോ​ഷ​ണം ന​ട​ത്തി​യ ഒ​രു സം​ഘ​ത്തെ പോ​ലീ​സ് പി​ൻ​തു​ട​ർ​ന്ന് പി​ടി​കൂ​ടി​യി​രു​ന്നു. അ​ന്ന് അ​വി​ട​ത്തെ ഓ​ട്ടോ ഡ്രൈ​വ​ർ​മാ​രാ​ണ് പോ​ലീ​സി​ന് വി​വ​ര​ങ്ങ​ൾ കൈ​മാ​റി​യ​ത്.

അ​യ​ർ​ക്കു​ന്ന​ത്തു നി​ന്നു ക​യ​റി​യ യാ​ത്ര​ക്കാ​രി​യു​ടെ നാ​ലു ല​ക്ഷം ക​വ​ർ​ന്ന സ്ത്രീ ​ഒ​രു പ​ക്ഷേ മ​ണ​ർ​കാ​ട്ട് ഇ​റ​ങ്ങി കി​ഴ​ക്കോ​ട്ടു​ള്ള ഓ​ട്ടോ​യി​ലാ​വും പോ​വു​ക. മ​ണ​ർ​കാ​ട് ബ​സ് സ​റ്റാ​ൻ​ഡി​ലെ സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ചാ​ൽ ഒ​രു പ​ക്ഷേ ബ​സി​ൽ നി​ന്നി​റ​ങ്ങി​യ സ്ത്രീ​ക​ളെ​ക്കു​റി​ച്ചു​ള്ള വി​വ​ര​ങ്ങ​ൾ ല​ഭി​ക്കും. അ​വി​ട​ത്തെ ഓ​ട്ടോ​റി​ക്ഷ​ക്കാ​രി​ൽ നി​ന്നും യാ​ത്ര​ക്കാ​രി​ക​ളെ സം​ബ​ന്ധി​ച്ച തെ​ളി​വു​ക​ൾ ശേ​ഖ​രി​ക്കാ​നാ​വും.

ഇ​തൊ​ക്കെ വ​ള​രെ പെ​ട്ടെ​ന്നു ചെ​യ്തി​ല്ലെ​ങ്കി​ൽ പ്ര​തി​ക​ൾ ത​മി​ഴ്നാ​ട്ടി​ലെ​ത്തും. അ​ത​ല്ലെ​ങ്കി​ൽ പോ​ലീ​സ് പി​ടി​കൂ​ടാ​ത്ത രീ​തി​യി​ൽ ഒ​ളി​വി​ൽ പോ​കാ​ൻ സാ​ധി​ക്കും.പോ​ലീ​സ് ഉ​ണ​ർ​ന്നു പ്ര​വ​ർ​ത്തി​ച്ചാ​ൽ മാ​ത്ര​മേ ഇ​ത്ത​രം മോ​ഷ്ടാ​ക്ക​ളെ വ​ല​യി​ലാ​ക്കാ​ൻ ക​ഴി​യൂ. മോ​ഷ​ണ​ങ്ങ​ൾ വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ ബ​സ്‌‌സ​്റ്റാ​ൻ​ഡു​ക​ളി​ലും സ്റ്റോ​പ്പു​ക​ളി​ലും മ​ഫ്തി​യി​ൽ പോ​ലീ​സി​ന്‍റെ സേ​വ​നം ല​ഭ്യ​മാ​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്.