ടാക്സി വാഹനത്തിൽ പോയി ബാങ്ക് മോഷണം നടത്തി അതേ വാഹനത്തിൽ തിരികെ വീട്ടിലേക്കു പോയയാൾ പോലീസ് പിടിയിൽ. അമേരിക്കയിലെ ഇന്ത്യാനയിലാണ് സംഭവം. വീട്ടിൽ എത്തിയ ശേഷം താൻ മോഷ്ടിച്ച പണത്തിൽ നിന്നുമാണ് അദ്ദേഹം ഡ്രൈവർക്ക് പണം നൽകിയതും.
സംഭവം കഴിഞ്ഞ് ഏകദേശം ഒരു മണിക്കൂറിനു ശേഷം സിസിടിവി ദൃശ്യങ്ങളുടെയും ബാങ്കിലുണ്ടായിരുന്ന ദൃസാക്ഷികളുടെയും സഹായത്തോടെ അദ്ദേഹത്തെ പോലീസ് പിടികൂടുകയും ചെയ്തു. ടാക്സി ഡ്രൈവർക്ക് നൽകിയത് കഴിഞ്ഞിട്ടുള്ള ബാക്കി പണം മോഷ്ടാവിന്‍റെ പക്കൽനിന്നും പോലീസ് കണ്ടെത്തിയിട്ടുണ്ട്.
