ചവറ: കരുനാഗപ്പള്ളിയിൽ ബൈക്കിടിച്ച് അജ്ഞാതൻ മരിച്ചു. രണ്ടുപേർക്ക് പരിക്കേറ്റു. എഴുപത് വയസ് പ്രായം തോന്നിക്കുന്ന വൃദ്ധനാണ് മരിച്ചത്. ബൈക്ക് യാത്രികരായ അഭിജിത്ത്, എബിൻ എന്നിവർക്കാണ് പരിക്കേറ്റത്.
പുലർച്ചെ കരുനാഗപ്പള്ളി താലൂക്ക് കച്ചേരി ജംഗ്ഷനിലായിരുന്നു അപകടം. മൃതദേഹം കരുനാഗപ്പള്ളി താലൂക്ക് ആശുപത്രി മോർച്ചറിയിൽ. പരിക്കേറ്റവർ താലൂക്ക് ആശുപത്രിയിൽ ചികിത്സയിലാണ്. കരുനാഗപ്പള്ളി പോലീസ് കേസെടുത്തു.
