കരീന കപൂറിന്‍റെ പുതിയ രൂപം കണ്ട് ആരാധകർ ഞെട്ടിയിരിക്കുകയാണ്. ഇതെന്തൊരു കോലം എന്നാണ് എല്ലാവരും ചോദിക്കുന്നത്.കഴിഞ്ഞദിവസം താരം സിംഗപ്പൂർ ഫാഷൻ ഷോയിലെത്തിയത് തീരെ മെലിഞ്ഞ രൂപത്തിലായിരുന്നു. പ്രസവശേഷം മെലിയാനായി ജിമ്മിൽ പോകുന്നത് താരം പതിവാക്കിയിട്ടുണ്ട്.
പക്ഷേ ഇതൊരു വല്ലാത്ത ചെയ്ത്തായി പോയെന്നാണ് ആരാധകർ പറയുന്നത്. മനീഷ് മൽഹോത്ര സംഘടിപ്പിച്ച ഫാഷൻ ഷോയിലാണ് കരീന കപൂറും അമൃത അറോറയും ഒന്നിച്ച് ചുവടുവച്ചത്.
ഇതിന്‍റെ ചിത്രങ്ങളും താരങ്ങൾ പങ്കുവച്ചിട്ടുണ്ട്. ഈ ചിത്രത്തിന് താഴെ നിരവധി കമന്‍റുകളാണ് ആരാധകർ കുറിച്ചിട്ടിരിക്കുന്നത്. മെലിഞ്ഞപ്പോൾ കരീനയ്ക്ക് പ്രായക്കൂടുതൽ തോന്നുന്നുണ്ടെന്ന് ചിലർ അഭിപ്രായപ്പെടുന്നുണ്ട്.
