പാലക്കാട്: പാലക്കാട് മുണ്ടൂരിൽ കെഎസ്ആര്‍ടിസി ബസ് ഡ്രൈവറെ യുവാവ് ക്രൂരമായി ആക്രമിച്ചു. പാലക്കാട്ടുനിന്നു കോഴിക്കോട്ടേക്കു പോകുകയായിരുന്ന കെഎസ്ആര്‍ടിസി ബസ് ഡ്രൈവർ അബൂബക്കറിനാണു മർദ്ദനമേറ്റത്.
ഒലവക്കോടിനു സമീപം പന്നിയം പാടത്തുവച്ചായിരുന്നു സംഭവം. വിവാഹ സംഘത്തിന്‍റെ വാഹനത്തെ മറികടക്കുന്നതു സംബന്ധിച്ചുണ്ടായ തർക്കമാണ് മർദനത്തിൽ കലാശിച്ചതെന്നാണു റിപ്പോർട്ട്.
ഡ്രൈവർ സീറ്റിൽ കയറിയ അക്രമി പ്രായംചെന്ന ഡ്രൈവറെ തുടർച്ചയായി മർദിക്കുകയായിരുന്നു. യാത്രക്കാർ നോക്കിനിൽക്കേയായിരുന്നു മർദനം. പരിക്കേറ്റ ഡ്രൈവർ അബൂബക്കർ മണ്ണാർക്കാട് താലൂക്ക് ആശുപത്രിയിൽ പ്രവേശിപ്പിച്ചു.
