ഗോൾഡ് കോസ്റ്റ്: കോമണ്വെൽത്ത് വനിതാ ബോക്സിംഗ് റിംഗിലെ ഇന്ത്യയുടെ സൂപ്പർ വനിതയായ മേരി കോം സെമിയിൽ പ്രവേശിച്ചു. ക്വാർട്ടറിൽ സ്കോട്ലൻഡിന്റെ മേഗൻ ഗോർഡൗണിനെ 5-0നു കീഴടക്കിയാണ് മേരി കോം സെമിയിലെത്തി മെഡൽ ഉറപ്പാക്കിയത്.
അഞ്ചു തവണ ലോകചാന്പ്യനായ ഇന്ത്യൻ താരം 45-48 കിലോഗ്രാം വിഭാഗത്തിൽ ക്വാർട്ടറിലേക്ക് നേരിട്ട് യോഗ്യത നേടുകയായിരുന്നു. പതിനെട്ടുകാരിയായ സ്കോട്ടിഷ് താരത്തിന് മുപ്പത്തഞ്ചുകാരിയായ മേരി കോമിന്റെ പഞ്ചുകൾക്ക് മറുപടിയില്ലായിരുന്നു.ബുധനാഴ്ചയാണ് സെമിഫൈനൽ.
പുരുഷ ബോക്സിംഗിൽ ഇന്ത്യയുടെ മെഡൽ പ്രതീക്ഷയായ വികാസ് കൃഷാൻ ക്വാർട്ടറിൽ കടന്നു.
