എ​യ്സു​മാ​യി പാ​ലാ​യി​ൽ എ​ത്തി​യ മോ​ഷ്ടാ​വ് പി​ക്ക്അ​പ് വാ​നു​മാ​യി ക​ട​ന്നു; ഒടുവിൽ അപകടത്തിൽപ്പെട്ട് അബോധാവസ്ഥയിൽ

കോ​ട്ട​യം: തൃ​ശൂ​രി​ൽ നി​ന്ന് ത​ട്ടി​യെ​ടു​ത്ത എ​യ്സു​മാ​യി പാ​ലാ​യി​ൽ എ​ത്തി​യ മോ​ഷ്ടാ​വ് പി​ക്ക്അ​പ് വാ​നു​മാ​യി ക​ട​ന്നു. ഞാ​യ​റാ​ഴ്ച രാ​ത്രി 11 മ​ണി​യോ​ടെ പാ​ലാ​യി​ൽ നി​ന്ന് ത​ട്ടി​യെ​ടു​ത്ത പി​ക്ക് അ​പ് വാ​നു​മാ​യി പോ​യ മോ​ഷ്ടാ​വ് എ​റ​ണാ​ക​ളും റൂ​റ​ലി​ലെ വ​ട​ക്കേ​ക്ക​ര സ്റ്റേ​ഷ​ൻ പ​രി​ധി​യി​ൽ അ​പ​ക​ട​ത്തി​ൽ​പ്പെ​ട്ട് ഗു​രു​ത​രാ​വ​സ്ഥ​യി​ലാ​യി.

തൊ​ടു​പു​ഴ സ്വ​ദേ​ശി അ​നീ​ഷ് എ​ന്ന​യാ​ളാ​ണ് പി​ക്ക് അ​പ് മോ​ഷ്ടി​ച്ച് കൊ​ണ്ടു​പോ​കു​ന്ന​തി​നി​ടെ അ​പ​ക​ട​ത്തി​ൽ​പ്പെ​ട്ട് അ​ബോ​ധാ​വ​സ്ഥ​യി​ൽ ക​ഴി​യു​ന്ന​തെ​ന്ന് പാ​ലാ പോ​ലീ​സ് പ​റ​ഞ്ഞു. ഇ​യാ​ൾ പാ​ലാ​യി​ൽ ഉ​പേ​ക്ഷി​ച്ച എ​യ്സ് പോ​ലീ​സ് ക​സ്റ്റ​ഡി​യി​ലെ​ടു​ത്തു. ഇ​ത് തൃ​ശൂ​ർ മെ​ഡി​ക്ക​ൽ കോ​ള​ജി​ലെ മാ​ലി​ന്യം നീ​ക്കാ​ൻ ക​രാ​ർ എ​ടു​ത്ത​യാ​ളു​ടേ​താ​ണെ​ന്ന് തി​രി​ച്ച​റി​ഞ്ഞു.

സം​ഭ​വ​ത്തെ​ക്കു​റി​ച്ച് പോ​ലീ​സ് പ​റ​യു​ന്ന​തി​ങ്ങ​നെ: പാ​ലാ ക​ടു​തോ​ടി​ലെ ഒ​രു സ്ഥാ​പ​ന​ത്തി​ന്‍റെ ഉ​ട​മ​സ്ഥ​ത​യി​ലു​ള്ള​താ​ണ് പി​ക് അ​പ് വാ​ൻ. ഞാ​യ​റാ​ഴ്ച പി​ക്അ​പ് വാ​നി​ൽ പ​ച്ച​ക്ക​റി വി​ൽ​ക്കു​ന്ന​തി​നി​ടെ​യാ​ണ് ഡ്രൈ​വ​ർ സ​ന്തോ​ഷ് എ​യ്സു​മാ​യി എ​ത്തി​യ തൊ​ടു​പു​ഴ സ്വ​ദേ​ശി അ​നീ​ഷി​നെ പ​രി​ച​യ​പ്പെ​ട്ട​ത്. വൈ​കു​ന്നേ​രം പ​ച്ച​ക്ക​റി ക​ച്ച​വ​ടം ക​ഴി​ഞ്ഞ് പോ​കും​വ​ഴി അ​നീ​ഷ് വീ​ണ്ടു​മെ​ത്തി.

പി​ന്നീ​ട് എ​യ്സ് വ​ഴ​യി​ൽ പാ​ർ​ക്ക് ചെ​യ്ത ശേ​ഷം പി​ക്അ​പ് വാ​നി​ൽ ക​യ​റി യാ​ത്ര ചെ​യ്യു​ന്ന​തി​നി​ടെ ഡ്രൈ​വ​ർ സ​ന്തോ​ഷ് സി​ഗ​ര​റ്റ് വാ​ങ്ങാ​ൻ പു​റ​ത്തി​റ​ങ്ങി. ഈ ​ത​ക്ക​ത്തി​നാ​ണ് പി​ക്ക്അ​പ് വാ​നു​മാ​യി അ​നീ​ഷ് ക​ട​ന്ന​ത്. വാ​ൻ മോ​ഷ്ടി​ച്ച വി​വ​രം അ​പ്പോ​ൾ ത​ന്നെ പോ​ലീ​സി​നെ അ​റി​യി​ച്ചി​രു​ന്നു.

പോ​ലീ​സ് എ​ല്ലാ സ്ഥ​ല​ത്തേ​ക്കും വ​യ​ർ​ലെ​സ് സ​ന്ദേ​ശം ന​ല്കി​യ​തി​നെ തു​ട​ർ​ന്ന് വാ​ഹ​ന പ​രി​ശോ​ധ​ന ശ​ക്ത​മാ​ക്കി​യി​രു​ന്നു. പോ​ലീ​സ് പ​രി​ശോ​ധ​ന മ​റി ക​ട​ക്കാ​നാ​യി പാ​ഞ്ഞു പോ​കു​ന്പോ​ഴാ​കാം പി​ക്ക്അ​പ് അ​പ​ക​ട​ത്തി​ൽ​പ്പെ​ട്ട​തെ​ന്നു ക​രു​തു​ന്നു.