തിരുവനന്തപുരം: ബൈക്കുകളിൽ മൂന്നുപേർ ചേർന്നുള്ള യാത്ര അപകടം പെരുകാൻ കാരണമാകുന്നതിനാൽ കർശന നടപടിയെടുക്കണമെന്ന് സംസ്ഥാന പോലീസ് മേധാവി നിർദേശിച്ചു.
നിയമവിരുദ്ധമായി ട്രിപ്പിൾ റൈഡിംഗ് നടത്തുന്നതു ഭൂരിപക്ഷവും ചെറുപ്പക്കാരാണ്. അവർക്കു മാത്രമല്ല, കാൽനടയാത്രക്കാർക്കും മറ്റു വാഹനയാത്രികർക്കും ഇത് അപകട സാധ്യതയാണ്.
ഇത്തരം സംഘങ്ങൾ യാത്രക്കാരെയും വാഹനങ്ങളെയും ഇടിച്ചിട്ടു കടന്നുകളയുന്ന സംഭവങ്ങളും റിപ്പോർട്ട് ചെയ്യുന്നുണ്ട്. അതിനാൽ പരിശോധന കർശനമാക്കും.
പരിശോധനാ വേളയിൽ മാന്യമായ പെരുമാറ്റം ഉറപ്പാക്കണമെന്നും ജില്ലാ പോലീസ് മേധാവികൾക്കും മറ്റ് ഉദ്യോഗസ്ഥർക്കും പോലീസ് മേധാവി നിർദേശം നൽകി.
