ന​ട​ക്കാ​ൻ വേ​റെ വ​ഴി നോ​ക്ക്! റോഡുകൾ നിറഞ്ഞ് വാഹനങ്ങൾ, ന​ട​പ്പാ​ത​ക​ളിൽ അ​ന​ധി​കൃ​ത ക​ച്ച​വ​ട​ക്കാ​രും; നടന്നു നീങ്ങാൻ കഴിയാതെ കാൽനടക്കാർ

കൊ​ച്ചി: റോ​ഡി​ൽ നി​റ​ഞ്ഞൊ​ഴു​കു​ന്ന വാ​ഹ​ന​ങ്ങ​ൾ. ന​ട​പ്പാ​ത​ക​ളി​ലാ​ക​ട്ടെ അ​ന​ധി​കൃ​ത ക​ച്ച​വ​ട​ക്കാ​രും. ന​ഗ​ര​ത്തി​ലെ തി​ര​ക്കേ​റി​യ ഇ​ട​ങ്ങ​ളി​ൽ അ​പ​ക​ട​ഭീ​തി​യി​ല്ലാ​തെ ന​ട​ന്നു​പോ​കാ​ൻ ക​ഴി​യാ​ത്ത ദു​ര​വ​സ്ഥ​യി​ലാ​ണു കാ​ൽ​ന​ട​യാ​ത്ര​ക്കാ​ർ. വ​ലി​യ തു​ക ചെ​ല​വ​ഴി​ച്ചു നി​ർ​മി​ച്ച ന​ട​പ്പാ​ത​ക​ൾ അ​ന​ധി​കൃ​ത ക​ച്ച​വ​ട​ക്കാ​രു​ടെ കൈ​യേ​റ്റം മൂ​ലം കാ​ൽ​ന​ട​യാ​ത്ര​ക്കാ​ർ​ക്കു അ​ന്യ​മാ​കു​ന്നു.

ന​ഗ​ര​ത്തി​നു വെ​ളി​യി​ൽ തി​ര​ക്കേ​റി​യ സ്ഥ​ല​ങ്ങ​ളാ​യ തൃ​പ്പൂ​ണി​ത്തു​റ​യി​ലും ആ​ലു​വ​യി​ലും കാ​ക്ക​നാ​ടു​മെ​ല്ലാം സ​മാ​ന പ്ര​ശ്ന​ങ്ങ​ളു​ണ്ട്. കൊ​ച്ചി ന​ഗ​ര​ത്തി​ൽ തി​ര​ക്കേ​റി​യ പാ​ർ​ക്ക് അ​വ​ന്യൂ റോ​ഡി​ലാ​ണു കാ​ൽ​ന​ട​ക്കാ​ർ ഏ​റ്റ​വും ബു​ദ്ധി​മു​ട്ടു​ന്ന​ത്. ര​ണ്ടു കി​ലോ​മീ​റ്റ​റി​നു​ള്ളി​ൽ നി​ര​വ​ധി സ്ഥാ​പ​ന​ങ്ങ​ളാ​ണ് ഇ​വി​ടെ പ്ര​വ​ർ​ത്തി​ക്കു​ന്ന​ത്. സു​ഭാ​ഷ് പാ​ർ​ക്ക്, ന​ഗ​ര​സ​ഭാ ഓ​ഫീ​സ്, ക​മ്മീ​ഷ​ണ​ർ ഓ​ഫീ​സ്, ജി​ല്ലാ കോ​ട​തി, ജ​ന​റ​ൽ ആ​ശു​പ​ത്രി, ബോ​ട്ടു ജെ​ട്ടി, കെ​എ​സ്ആ​ർ​ടി​സി സ്റ്റാ​ൻ​ഡ്, മൂ​ന്നു കോ​ള​ജു​ക​ൾ തു​ട​ങ്ങി​യ​വ പാ​ർ​ക്ക് അ​വ​ന്യൂ റോ​ഡി​ൽ അ​ടു​ത്ത​ടു​ത്താ​യി സ്ഥി​തി​ചെ​യ്യു​ന്നു.

ദി​വ​സ​വും നി​ര​വ​ധി ആ​ളു​ക​ളാ​ണ് ഇ​വി​ടേ​ക്കു വി​വി​ധ ആ​വ​ശ്യ​ങ്ങ​ൾ​ക്കാ​യി എ​ത്തു​ന്ന​ത്. പാ​ർ​ക്കു അ​വ​ന്യൂ റോ​ഡി​ലെ ന​ട​പ്പാ​ത​യി​ൽ പ്ര​വ​ർ​ത്തി​ക്കു​ന്ന അ​ന​ധി​കൃ​ത ക​ച്ച​വ​ട​ക്കാ​ർ കാ​ൽ​ന​ട​യാ​ത്ര​ക്കാ​രു​ടെ സു​ഗ​മ​മാ​യ യാ​ത്ര​യ്ക്കു ത​ട​സ​മാ​കു​ന്നു. പ​ല​പ്പോ​ഴും ന​ട​പ്പാ​ത ഉ​പേ​ക്ഷി​ച്ച് തി​ര​ക്കേ​റി​യ റോ​ഡി​ലേ​ക്കു ഇ​റ​ങ്ങി ന​ട​ക്കേ​ണ്ട അ​വ​സ്ഥ​യി​ലാ​ണു ജ​ന​ങ്ങ​ൾ. ഷ​ണ്‍​മു​ഖം റോ​ഡി​ലും ഈ ​അ​വ​സ്ഥ​യ്ക്കു മാ​റ്റ​മി​ല്ല. ശീ​ത​ള പാ​നീ​യ​ങ്ങ​ൾ വി​ൽ​ക്കു​ന്ന​വ​രും മ​റ്റു​മാ​ണ് ഇ​വി​ടെ അ​ധി​ക​വും.

മേ​ൽ​പ്പാ​ല നി​ർ​മാണ പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ന്ന​തി​നാ​ൽ വൈ​റ്റി​ല​യി​ൽ സു​ഗ​മ​മാ​യ സ​ഞ്ചാ​രം അ​സാ​ധ്യ​മാ​ണ്. ക​ലൂ​ർ, ക​ട​വ​ന്ത്ര, സൗ​ത്ത് എ​ന്നി​വി​ട​ങ്ങ​ളി​ലും കാ​ൽ​ന​ട​യാ​ത്ര​ക്കാ​ർ​ക്കു ദു​രി​തം മാ​ത്ര​മാ​ണു​ള്ള​ത്. മ​റൈ​ൻ ഡ്രൈ​വി​ലെ വാ​ക്ക് വേ​യും അ​ന​ധി​കൃ​ത ക​ച്ച​വ​ട​ക്കാ​രു​ടെ പി​ടി​യി​ലാ​ണ്. സൗ​ന്ദ​ര്യ വ​ത്ക​ര​ണ​ത്തി​ന്‍റെ ഭാ​ഗ​മാ​യി ജി​സി​ഡി​എ ഇ​വി​ടെ​നി​ന്നു ക​ച്ച​വ​ട​ക്കാ​രെ ഒ​ഴി​പ്പി​ച്ചി​രു​ന്നു​വെ​ങ്കി​ലും കോ​ട​തി​യി​ൽ​നി​ന്നു ക​ച്ച​വ​ട​ക്കാ​ർ സ്റ്റേ ​വാ​ങ്ങി.

ന​ട​വ​ഴി​യി​ൽ വാ​ഹ​ന​ങ്ങ​ളും

ന​ട​പ്പാ​ത​ക​ൾ കൈ​യേ​റു​ന്ന​തി​ൽ ഇ​രു​ച​ക്ര​വാ​ഹ​ന​ങ്ങ​ളും പി​ന്നി​ല​ല്ല. ഗ​താ​ഗ​ത​ക്കു​രു​ക്കി​ൽ ഒ​രു​നി​മി​ഷം പോ​ലും കാ​ത്തു​നി​ൽ​ക്കാ​ൻ ക്ഷ​മ​യി​ല്ലാ​തെ ഇ​വ​ർ ന​ട​പ്പാ​ത​ക​ൾ വ​ഴി വാ​ഹ​നം ക​യ​റ്റി വി​ടു​ന്നു. കാ​ൽ​ന​ട യാ​ത്ര​ക്കാ​ർ അ​പ​ക​ട​ത്തി​ൽ​പ്പെ​ടാ​തി​രി​ക്കാ​ൻ മാ​റി​ക്കൊ​ടു​ക്കു​ക​യേ നി​വൃ​ത്തി​യു​ള്ളു. സി​ഗ്ന​ലു​ക​ളി​ലും ഇ​തു​ത​ന്നെ​യാ​ണ് അ​വ​സ്ഥ.

പാ​ലാ​രി​വ​ട്ടം സി​ഗ്ന​ലി​ലെ ന​ട​പ്പാ​ത​യി​ൽ വ​ച്ച് ഇ​രു​ച​ക്ര​വാ​ഹ​നം ത​ട്ടി ഒ​രാ​ഴ്ച മു​ന്പു വീ​ട്ട​മ്മ​യ്ക്കു പ​രി​ക്കേ​റ്റി​രു​ന്നു. ന​ട​പ്പാ​ത​ക​ൾ കൈ​യ​ട​ക്കി​യു​ള്ള പാ​ർ​ക്കിം​ഗും ന​ഗ​ര​ത്തി​ലെ പ​തി​വു കാ​ഴ്ച​യാ​ണ്. ന​ട​പ്പാ​ത​ക​ൾ ബാ​രി​ക്കേ​ഡു​ക​ൾ ഉ​പ​യോ​ഗി​ച്ചു വേ​ർ​തി​രി​ക്കാ​ത്ത​താ​ണ് ഇ​തി​നു കാ​ര​ണം. ജ​ന​റ​ൽ ആ​ശു​പ​ത്രി​ക്കു സ​മീ​പ​വും ക​ട​വ​ന്ത്ര​യി​ലു​മെ​ല്ലാം കാ​ൽ​ന​ട​ക്കാ​രു​ടെ വ​ഴി ത​ട​സ​പ്പെ​ടു​ത്തി​യു​ള്ള പാ​ർ​ക്കിം​ഗ് പ​തി​വു​കാ​ഴ്ച​യാ​ണ്.

ഫ്ള​ക്സു​ക​ളു​ടെ ഇ​രി​പ്പി​ടം

ന​ഗ​ര​ങ്ങ​ളി​ൽ നി​റ​ഞ്ഞു​നി​ൽ​ക്കു​ന്ന ഫ്ള​ക്സു​ക​ളും ക​ട്ടൗ​ട്ടു​ക​ളും ഏ​റെ​യും ന​ട​പ്പാ​ത​യി​ലാ​ണ്. ഇ​വ നി​റ​യ്ക്കു​ന്ന കാ​ര്യ​ത്തി​ൽ രാ​ഷ്ടീ​യ പാ​ർ​ട്ടി​ക​ളെ​ന്നോ, സാ​മൂ​ഹ്യ സാം​സ്കാ​രി​ക സം​ഘ​ട​ന​ക​ളെ​ന്നോ വ്യ​ത്യാ​സ​മി​ല്ല. പോ​സ്റ്റു​ക​ളി​ലും ബാ​രി​ക്കേ​ഡു​ക​ളി​ലും സ്ഥാ​പി​ക്കു​ന്ന ഫ്ള​ക്സു​ക​ളും ക​ട്ടൗ​ട്ടു​ക​ളും ന​ട​പ്പാ​ത​യി​ലേ​ക്ക് ഇ​ള​കി​വീ​ണു മാ​ർ​ഗ​ത​ട​സ​വും അ​പ​ക​ട​ങ്ങ​ളും സൃ​ഷ്ടി​ക്കു​ന്നു.

ഷ​ണ്‍​മു​ഖം റോ​ഡി​ലും ബാ​ന​ർ​ജി റോ​ഡി​ലും നോ​ർ​ത്തി​ലും മ​റ്റൊ​രു കാ​ഴ്ച​യും കാ​ണാം. ഇ​ത​ര സം​സ്ഥാ​ന​ക്കാ​ർ കൂ​ട്ട​മാ​യി ന​ട​പ്പാ​ത കൈ​യേ​റി​യി​രി​ക്കു​ന്ന​താ​ണ് ഇ​വി​ട​ത്തെ കാ​ഴ്ച. മേ​ന​ക​യ്ക്കു സ​മീ​പം ന​ട​പ്പാ​ത​യി​ലാ​ണ് ഇ​വ​ർ ഭ​ക്ഷ​ണം വ​രെ പാ​കം ചെ​യ്യു​ന്ന​ത്. മ​ദ്യ​ല​ഹ​രി​യി​ൽ ഇ​വ​ർ കാ​ൽ​ന​ട​യാ​ത്ര​ക്കാ​രോ​ട് മോ​ശ​മാ​യി സം​സാ​രി​ക്കു​ന്ന​താ​യും പ​രാ​തി​യു​ണ്ട്.

ന​ട​പ്പാ​ത​ക​ൾ ഫ്രീ​യാ​കാ​ൻ

ന​ട​പ്പാ​ത​ക​ൾ വ​ഴി​യു​ള്ള യാ​ത്ര സു​മ​ഗ​മ​മാ​ക്കാ​ൻ അ​ധി​കൃ​ത​രു​ടെ ഇ​ട​പെ​ട​ലു​ക​ൾ ഉ​ണ്ടാ​കാ​റി​ല്ലെ​ന്നു പ​റ​യാ​നാ​വി​ല്ല. വ​ർ​ഷ​ത്തി​ൽ ഒ​രി​ക്ക​ലോ മ​റ്റോ ഇ​വ​ർ ന​ട​പ​ടി​ക​ളു​മാ​യെ​ത്തും. കു​റെ​യൊ​ക്കെ ഒ​ഴി​പ്പി​ക്കും. പി​റ്റേ​ദി​വ​സം മു​ത​ൽ പ​ഴ​യ​പ​ടി​യാ​കു​ക​യും ചെ​യ്യും. തു​ട​ർ​ച്ച​യാ​യ ന​ട​പ​ടി​ക​ളും നി​രീ​ക്ഷ​ണ​ങ്ങ​ളു​മു​ണ്ടാ​യാ​ൽ മാ​ത്ര​മെ ന​ട​പ്പാ​ത​ക​ൾ ഫ്രീ ​ആ​കൂ. അ​തി​നു​ള്ള ഉ​ത്ത​ര​വാ​ദി​ത്വ​ബോ​ധ​വും ഇ​ച്ഛാ​ശ​ക്തി​യും അ​ധി​കൃ​ത​ർ കാ​ട്ടേ​ണ്ടി​യി​രി​ക്കു​ന്നു.