കോട്ടയത്ത് ഹൈപ്പർമാർക്കറ്റിൽ വൻ തീപിടിത്തം; കോടികളുടെ നഷ്ടം; സ​മീ​പ​ത്തെ ലോ​ഡ്ജി​ലെ താ​മ​സ​ക്കാ​രെ ഒ​ഴി​പ്പി​ച്ചു

കോ​ട്ട​യം: ക​ള​ക്ട​റേ​റ്റി​നു സ​മീ​പം കെ.​കെ.​റോ​ഡ് സൈ​ഡി​ൽ പ്ര​വ​ർ​ത്തി​ക്കു​ന്ന ഹൈ​പ്പ​ർ മാ​ർ​ക്ക​റ്റി​ന് തീ ​പി​ടി​ച്ച് കോ​ടി​ക​ളു​ടെ ന​ഷ്ടം. ഇ​ന്നു പു​ല​ർ​ച്ചെ മൂ​ന്നി​നാ​ണ് തീ​പി​ടിത്തമു​ണ്ടാ​യ​ത്.​ഒ​ന്പ​താ​യി​ട്ടും തീ ​അ​ണ​യ്ക്കാ​നാ​യി​ട്ടി​ല്ല. കോ​ട്ട​യ​ത്തി​നു പു​റ​മെ ച​ങ്ങ​നാ​ശേ​രി, പാ​ന്പാ​ടി, കാ​ഞ്ഞി​ര​പ്പ​ള്ളി, ക​ടു​ത്തു​രു​ത്തി എ​ന്നീ ഫ​യ​ർ​സ്റ്റേ​ഷ​നു​ക​ളി​ൽ നി​ന്നു​ള്ള വ​ണ്ടി​ക​ൾ കൂ​ടി തീ​യ​ണ​യ്ക്കാ​ൻ എ​ത്തി. കെ.​കെ.​റോ​ഡി​ൽ ക​ള​ക്ട​റേ​റ്റ് ജം​ഗ്ഷ​നി​ൽ നി​ന്ന് ബ​സേ​ലി​യ​സ് കോ​ള​ജ് ഭാ​ഗ​ത്തേ​ക്കു​ള്ള വാ​ഹ​ന ഗ​താ​ഗ​തം ത​ട​ഞ്ഞി​രി​ക്കു​ക​യാ​ണ്.

ക​ള​ക്ട​റേ​റ്റ് ജം​ഗ്ഷ​നി​ലെ പെ​ട്രോ​ൾ പ​ന്പി​ന് എ​തി​ർ​വ​ശ​ത്തു​ള്ള ക​ണ്ട​ത്തി​ൽ റ​സി​ഡ​ൻ​സി​യി​ൽ പ്ര​വ​ർ​ത്തി​ക്കു​ന്ന പേ​ ലെസ് ഹൈ​പ്പ​ർ​മാ​ർ​ക്ക​റ്റി​നാ​ണ് തീ ​പി​ടി​ച്ച​ത്. തീ ​പി​ടി​ത്ത​ത്തി​ന്‍റെ കാ​ര​ണം വ്യ​ക്ത​മാ​യി​ട്ടി​ല്ല. തീ ​കെ​ട്ടി​ട​ത്തി​ന്‍റെ മ​റ്റു ഭാ​ഗ​ങ്ങ​ളി​ലേ​ക്ക് പ​ട​രു​ന്ന​ത് നി​യ​ന്ത്രി​ച്ചി​ട്ടു​ണ്ട്.

നാ​ലു നി​ല​യി​ലു​ള്ള കെ​ട്ടി​ട​ത്തി​ൽ ര​ണ്ടാ​മ​ത്തെ നി​ല​യി​ലാ​ണ് ഹൈ​പ്പ​ർ​മാ​ർ​ക്ക​റ്റ് പ്ര​വ​ർ​ത്തി​ക്കു​ന്ന​ത്. മു​ക​ളി​ൽ തു​ണി​ക്ക​ട​യും അ​തി​നു മു​ക​ളി​ൽ ലോ​ഡ്ജു​മാ​ണ്. തീ​പ​ട​ർ​ന്ന​യു​ട​ൻ ലോ​ഡ്ജി​ലെ താ​മ​സ​ക്കാ​രെ ഒ​ഴി​പ്പി​ച്ചു. ത​റ നി​ര​പ്പി​ലു​ള്ള ഭാ​ഗ​ത്ത് ഹോ​ട്ട​ൽ, കം​പ്യൂ​ട്ട​ർ സ്ഥാ​പ​നം, അ​ഭി​ഭാ​ഷ​ക ഓ​ഫീ​സ്, ത​യ്യ​ൽ​ക്ക​ട തു​ട​ങ്ങി​യ​വ പ്ര​വ​ർ​ത്തി​ക്കു​ന്നു. മു​പ്പ​ത് ജീ​വ​ന​ക്കാ​ർ ഹൈ​പ്പ​ർ​മാ​ർ​ക്ക​റ്റി​ൽ ജോ​ലി ചെ​യ്യു​ന്നു​ണ്ട്. തി ​പി​ടിത്ത വി​വ​രം അ​റി​ഞ്ഞ് ജീ​വ​ന​ക്കാ​ർ എ​ത്തി​യി​ട്ടു​ണ്ട്.

പാ​ലാ പൈ​ക സ്വ​ദേ​ശി ജോ​ഷി​യു​ടെ ഉ​ട​മ​സ്ഥ​ത​യി​ലു​ള്ള​താ​ണ് ഹൈ​പ്പ​ർ​മാ​ർ​ക്ക​റ്റ്. ന​ഷ്ടം അ​ഞ്ചു കോ​ടി​യി​ൽ അ​ധി​കം വ​രു​മെ​ന്ന് ഉ​ട​മ പ​റ​ഞ്ഞു. തീ ​പി​ടി​ച്ച​ത് എ​ങ്ങ​നെ​യെ​ന്ന് അ​റി​യി​ല്ലെ​ന്നും ഉ​ട​മ പ​റ​ഞ്ഞു. രാ​വി​ലെ എ​ട്ടു​മ​ണി​ക്ക് തു​റ​ക്കു​ന്ന ഹൈ​പ്പ​ർ​മാ​ർ​ക്ക​റ്റ് രാ​ത്രി 11 നാ​ണ് അ​ട​യ്ക്കു​ന്ന​ത്. ഇ​ന്ന​ലെ​യും പ്ര​വ​ർ​ത്ത​ന​മു​ണ്ടാ​യി​രു​ന്നു.