ബ്രഹ്മാണ്ഡ ചിത്രമായ മാമാങ്കത്തിൽ മമ്മൂട്ടിയുടെ നായികയാകാൻ ബോളിവുഡ് താരം പ്രാചി ദേശായി. വൺസ് അപോൺ എ ടൈം ഇൻ മുംബൈ, ബോൽ ബച്ചൻ, റോക്ക് ഓൺ തുടങ്ങിയ ചിത്രങ്ങളിലൂടെ ശ്രദ്ധേയയാണ് പ്രാചി.
ഉയരവും അയോധനകലകൾ പരിശീലിക്കാനുള്ള മെയ്‌വഴക്കവും ഉള്ള നടിയെ ആണ് അണിയറപ്രവർത്തകർ ചിത്രത്തിനായി അന്വേഷിച്ചത്. അങ്ങനെയാണ് ആ വേഷം പ്രായി ദേശായിക്ക് ലഭിച്ചത്. മേയ് 10ന് മാമാങ്കത്തിന്‍റെ 30 ദിവസം നീണ്ടു നിൽക്കുന്ന രണ്ടാം ഷെഡ്യൂൾ ആരംഭിക്കും.
മേയ് 11ന് മമ്മൂട്ടി ചിത്രീകരണത്തിൽ പങ്കെടുക്കും. മംഗലാപുരത്തായിരുന്നു ആദ്യഘട്ട ചിത്രീകരണം. കാവ്യ ഫിലിംസിന്‍റെ ബാനറിൽ സഞ്ജീവ് പിള്ള സംവിധാനം ചെയ്യുന്ന മാമാങ്കം വേണു കുന്നപ്പള്ളിയാണ് നിർമിക്കുന്നത്. നീരജ് മാധവ്, ധ്രുവൻ എന്നിവരും പ്രധാന വേഷങ്ങളിലെത്തുന്നു.
