തന്റെ സൗന്ദര്യ രഹസ്യം തുറന്നു പറഞ്ഞ്, ലോകത്തെയും ആരാധകരെയും ഞെട്ടിച്ച്, ഓസ്‌കാര്‍ ജേതാവും വിഖ്യാത അഭിനേത്രിയുമായ സാന്ദ്ര ബുള്ളോക്. സ്വകാര്യ ടെലിവിഷന്‍ ചാനലിന് നല്‍കിയ അഭിമുഖത്തിലാണ് തന്റെ സൗന്ദര്യത്തിന്റെ രഹസ്യം സാന്ദ്ര വെളിപ്പെടുത്തിയത്. പെനിസ് ഫേഷ്യലാണ് തന്റെ സൗന്ദര്യ രഹസ്യമെന്നാണ് താരം വെളിപ്പെടുത്തിയത്.
ജനിച്ചു വീഴുന്ന കൊറിയന്‍ കുഞ്ഞുങ്ങളുടെ ചേലാകര്‍മ്മം ചെയ്‌തൊഴിവാക്കിയ ചര്‍മത്തില്‍ നിന്നുള്ള കോശങ്ങള്‍ ക്ലോണ്‍ ചെയ്തെടുത്താണ് ഫേഷ്യലായി ഉപയോഗിക്കുന്നതത്രേ. ഇതിനാലാണ് ഈ ഫേഷ്യലിന് പെനിസ് ഫേഷ്യല്‍ എന്ന് പേരും കൊടുത്തിരിക്കുന്നത്.
തന്റെ സൗന്ദര്യത്തിന്റെ രഹസ്യം ഈ ചികിത്സയാണെന്നും ഒരിക്കലെങ്കിലും ചെയ്തിട്ടുണ്ടെങ്കില്‍ ഇതിന്റെ ഗുണഫലം നിങ്ങള്‍ക്ക് മനസിലാവുമെന്നും താരം കൂട്ടിച്ചേര്‍ത്തു.
ഹോളിവുഡിലെ പല താരങ്ങളും സൗന്ദര്യ സംരക്ഷണത്തിനായി ഈ ഫേഷ്യല്‍ ഉപയോഗിക്കുന്നുണ്ടെന്നും സാന്ദ്ര വ്യക്തമാക്കി. ഇത്തരത്തിലുള്ള മൂലകോശം ഏറ്റവുമധികം സൂക്ഷിക്കുന്ന ബാങ്കുകള്‍ ഉള്ളത് ദക്ഷിണ കൊറിയയിലാണ്.
ഈ കോശങ്ങള്‍ കയറ്റി അയക്കുകയും ചെയ്യുന്നുണ്ട്. 2015-ല്‍ ലോകത്തിലെ ഏറ്റവും സുന്ദരിയായ സ്ത്രീയായി പീപ്പിള്‍ മാസിക തെരഞ്ഞെടുത്ത വ്യക്തിയാണ് സാന്ദ്രാ ബുള്ളോക്ക് എന്ന അമ്പത്തിമൂന്നുകാരി.
