വീ​ട്ട​മ്മ വെ​ടി​യേ​റ്റു മ​രി​ച്ച സം​ഭ​വം: ദു​രൂ​ഹ​ത​യെ​ന്നു ബ​ന്ധു​ക്ക​ൾ; തോ​ക്ക് കാ​ട്ടി​ൽ നി​ന്നു കി​ട്ടി​യ​താ​ണെ​ന്ന മകന്‍റെ മൊ​ഴി​ അ​വി​ശ്വ​സ​നീ​യം

പേ​രാ​മ്പ്ര: കോഴിക്കോട് പൂഴിത്തോട്ടിൽ മകന്‍റെ കൈയിലെ തോക്കിൽ നിന്നും വെടിയേറ്റ് വീട്ടമ്മ മരിച്ച സംഭവത്തിൽ സംശയമുയർത്തി ബന്ധുക്കൾ. സംഭവത്തിൽ ദുരൂഹതയുണ്ടെന്ന് ബന്ധുക്കൾ പോലീസിനെ അറിയിച്ചു. ഇതിന്‍റെ അടിസ്ഥാനത്തിൽ പോലീസ് അന്വേഷണം തുടങ്ങി.

മ​രി​ച്ച ഷൈ​ജി​യു​ടെ മൃ​ത​ദേ​ഹം മെ​ഡി​ക്ക​ൽ കോ​ള​ജി​ലെ പോ​സ്റ്റ്മോ​ർ​ട്ട​ത്തി​നു ശേ​ഷം ഇ​ന്നു ഉ​ച്ച​ക്കു​ ര​ണ്ടി​ന് ച​ക്കി​ട്ട​പാ​റ പ​ഞ്ചാ​യ​ത്ത് പൊ​തു​ശ്മ​ശാ​ന​ത്തി​ൽ സം​സ്ക​രി​ക്കും. മ​ക​ന്‍റെ കൈ​യി​ലു​ണ്ടാ​യി​രു​ന്ന തോ​ക്കി​ൽ നി​ന്നു വെ​ടി​യു​തി​ർ​ന്നാ​ണു ഷൈ​ജി മ​രി​ക്കാ​നി​ട​യാ​യ​തെ​ന്ന നി​ഗ​മ​ന​ത്തി​ൽ സം​ശ​യ​മു​ണ്ട്. തോ​ക്ക് എ​ങ്ങ​നെ പ്രാ​യ​പൂ​ർ​ത്തി​യാ​കാ​ത്ത മ​ക​ന്‍റെ പ​ക്ക​ലെ​ത്തിയെ​ന്നതി​നെ​ക്കു​റി​ച്ചും അ​ന്വേ​ഷ​ണം വേ​ണമെന്നും ബന്ധുക്കൾ ആവശ്യപ്പെടുന്നു.

തോ​ക്ക് കാ​ട്ടി​ൽ നി​ന്നു കി​ട്ടി​യ​താ​ണെ​ന്ന മൊ​ഴി​ക​ൾ അ​വി​ശ്വ​സ​നീ​യ​മാ​ണെന്നാണ് ബന്ധുക്കൾ പോലീസിന് നൽകിയിരിക്കുന്ന മൊഴി. ഷൈ​ജി​യു​ടെ മാ​റി​ലാ​ണു വെ​ടി​യേ​റ്റി​രി​ക്കു​ന്ന​ത്. മ​ര​ണം ന​ട​ന്ന വീ​ട്ടി​ലെ ക​ട്ടി​ലി​ൽ നി​ന്നു ര​ണ്ടു ഹെ​ഡ് ലൈ​റ്റു​ക​ളും ക​ണ്ടെ​ത്തി​യി​രു​ന്നു.

മ​ല​യോ​ര​ങ്ങ​ളി​ൽ തോ​ക്ക് കൈ​വ​ശം വച്ചി​രു​ന്ന​വ​ർ സ​ർ​ക്കാ​ർ നി​ർ​ദ്ദേ​ശ​ത്തെ തു​ട​ർ​ന്നു അ​താ​തു പോ​ലീ​സ് സ്റ്റേ​ഷ​നു​ക​ളി​ൽ വ​ർ​ഷ​ങ്ങ​ൾ​ക്കു മു​മ്പു​ത​ന്നെ ഏ​ൽ​പ്പി​ച്ചി​രു​ന്നു. പൂ​ഴി​ത്തോ​ട്ടി​ൽ വെ​ടി​യു​തി​ർ​ന്ന തോ​ക്കി​ന്‍റെ യ​ഥാ​ർ​ഥ ഉ​ട​മ​ക​ളെ നി​യ​മ​ത്തി​നു മു​ന്നി​ൽ കൊ​ണ്ടു​വ​ര​ണ​മെ​ന്നും പ്രാ​യ​പൂ​ർ​ത്തി​യാ​കാ​ത്ത കു​ട്ടി​യെ മ​റ​യാ​ക്കി ആ​രെ​യും ര​ക്ഷ​പ്പെ​ടാ​ൻ അ​നു​വ​ദി​ക്ക​രു​തെ​ന്നും ബ​ന്ധു​ക്ക​ൾ ആവശ്യപ്പെട്ടു.

പേ​രാ​മ്പ്ര സിഐ കെ.​പി.സു​നി​ൽ​കു​മാ​ർ, പെ​രു​വ​ണ്ണാ​മൂ​ഴി സ​ബ് ഇ​ൻ​സ്പെ​ക്ട​ർ കെ.​കെ.​രാ​ജേ​ഷ് എന്നിവരുടെ നേതൃത്വത്തിലാണ് അന്വേഷണം പുരോഗമിക്കുന്നത്.