സ്കൂ​ൾ വി​ദ്യാ​ർ​ഥി​നി​ക​ളെ പി​ന്തു​ട​ർ​ന്ന് ശ​ല്യം  ചെയ്യൽ;  യുവാവിനെ ഭയന്ന് കുട്ടികൾ കടയിൽ അഭയം തേടി; പൂവാലന്‍റെ ദൃശ്യം പോലീസിന്

മാ​ങ്കാം​കു​ഴി: സ്കൂ​ൾ വി​ദ്യാ​ർ​ഥി​നി​ക​ളെ പി​ന്തു​ട​ർ​ന്ന് ശ​ല്യം ചെ​യ്ത പൂ​വാ​ല​ന്‍റെ ദൃ​ശ്യം സി​സി​ടി​വി​യി​ൽനി​ന്ന് പോ​ലീ​സി​ന് ല​ഭി​ച്ചു. ഇ​തോ​ടെ ഇ​യാ​ളെ പി​ടി​കൂ​ടാ​ൻ കു​റ​ത്തി​കാ​ട് പോ​ലീ​സ് അ​ന്വേ​ഷ​ണം ഉൗ​ർ​ജി​ത​മാ​ക്കി. മാ​വേ​ലി​ക്ക​ര പ്രൈ​വ​റ്റ് ബ​സ് സ്റ്റാ​ൻ​ഡ് മു​ത​ൽ മാ​ങ്കാം​കു​ഴി ജം​ഗ്ഷ​ൻ വ​രെ ഇ​യാ​ൾ പെ​ണ്‍​കു​ട്ടി​ക​ളെ പി​ന്തു​ട​ർ​ന്ന് ശ​ല്യം ചെ​യ്യു​ക​യാ​യി​രു​ന്നു. ഇ​ന്ന​ലെ വൈ​കു​ന്നേ​രം 5.30ഓ​ടെ​യാ​ണ് സം​ഭ​വം.

മാ​വേ​ലി​ക്ക​ര പ്രൈ​വ​റ്റ് സ്റ്റാ​ൻ​ഡി​ൽ വ​ച്ച് ഇ​യാ​ൾ വി​ദ്യാ​ർ​ഥി​നി​ക​ളു​ടെ സം​ഘ​ത്തെ ശ​ല്യം ചെ​യ്യാ​ൻ ശ്ര​മി​ക്കു​ക​യും വി​ദ്യാ​ർ​ഥി​നി​ക​ൾ ക​യ​റു​ന്ന ബ​സി​ൽ ക​യ​റാ​ൻ ശ്ര​മി​ക്കു​ക​യും ചെ​യ്തു. വി​ദ്യാ​ർ​ഥി​നി​ക​ൾ ബ​സ് മാ​റി ക​യ​റാ​ൻ ശ്ര​മി​ച്ചെ​ങ്കി​ലും ഇ​യാ​ൾ ആ ​ബ​സി​ലും ക​യ​റാ​ൻ ശ്ര​മി​ച്ചു. വി​ദ്യാ​ർ​ഥി​നി​ക​ൾ സ​ഹ​പാ​ഠി​ക​ളോ​ട് വി​വ​രം പ​റ​ഞ്ഞ​തി​നെ തു​ട​ർ​ന്ന് ഇ​യാ​ൾ അ​വി​ടെ​നി​ന്ന് അ​പ്ര​ത്യ​ക്ഷ​മാ​യി.

തു​ട​ർ​ന്ന് വി​ദ്യാ​ർ​ഥി​നി​ക​ൾ ക​യ​റി​യ ബ​സി​നു പി​ന്നാ​ലെ സ്കൂ​ട്ട​റി​ൽ ഇ​യാ​ൾ പി​ന്തു​ട​രു​ക​യു​മാ​യി​രു​ന്നു. ബ​സ് മാ​ങ്കാം​കു​ഴി ജം​ഗ്ഷ​നി​ൽ എ​ത്തി വി​ദ്യാ​ർ​ഥി​നി​ക​ൾ ബ​സി​ൽ നി​ന്നി​റ​ങ്ങി​യ​പ്പോ​ഴും ഇ​യാ​ൾ ന​ട​ന്നു​നീ​ങ്ങി​യ കു​ട്ടി​ക​ളെ സ്കൂ​ട്ട​റി​ൽ പി​ന്തു​ട​ർ​ന്ന് ശ​ല്യം ചെ​യ്തു. ഒ​ടു​വി​ൽ വി​ദ്യാ​ർ​ഥി​നി​ക​ൾ നി​ല​വി​ളി​ച്ച് ഭ​യ​ന്നോ​ടു​ക​യും ജം​ഗ്ഷ​ന് സ​മീ​പ​മു​ള്ള ക​ട​യി​ൽ അ​ഭ​യം തേ​ടു​ക​യും നാ​ട്ടു​കാ​രെ​യും ര​ക്ഷ​ക​ർ​ത്താ​ക്ക​ളെ​യും വി​വ​ര​മ​റി​യി​ക്കു​ക​യും ചെ​യ്തു.

സം​ഭ​വ​മ​റി​ഞ്ഞ് സ്ഥ​ല​ത്ത് നാ​ട്ടു​കാ​ർ ത​ടി​ച്ചു​കൂ​ടി. ഇ​യാ​ൾ കു​റ​ച്ചു ദൂ​രം സ്കൂ​ട്ട​റി​ൽ പോ​യ ശേ​ഷം പെ​ണ്‍​കു​ട്ടി​ക​ൾ നി​ൽ​ക്കു​ന്ന ക​ട​യു​ടെ സ​മീ​പ​ത്തേ​ക്ക് വീ​ണ്ടും സ്കൂ​ട്ട​റി​ൽ വ​രു​ന്ന​ത് ക​ണ്ട വി​ദ്യാ​ർ​ഥി​നി​ക​ൾ ഇ​യാ​ളെ തി​രി​ച്ച​റി​യു​ക​യും നാ​ട്ടു​കാ​ർ ഇ​യാ​ളെ പി​ടി​കൂ​ടാ​ൻ ശ്ര​മി​ക്കു​ക​യും ചെ​യ്തെ​ങ്കി​ലും ഇ​യാ​ൾ ര​ക്ഷ​പ്പെ​ട്ടു.

സം​ഭ​വ​മ​റി​ഞ്ഞ് കു​റ​ത്തി​കാ​ട് എ​എ​സ്ഐ അ​ബ്ദു​ൽ​ല​ത്തീ​ഫും സം​ഘ​വും സ്ഥ​ല​ത്തെ​ത്തി. ഇ​യാ​ളു​ടെ സി​സി​ടി​വി ദൃ​ശ്യ​ങ്ങ​ൾ മാ​ങ്കാം​കു​ഴി ജം​ഗ്ഷ​ന് സ​മീ​പ​മു​ള്ള ര​ണ്ട് വ്യാ​പാ​ര സ്ഥാ​പ​ന​ങ്ങ​ളി​ൽ നി​ന്നും പോ​ലീ​സി​ന് ല​ഭി​ച്ചു. ചു​വ​ന്ന മാ​സ്ട്രോ സ്കൂ​ട്ട​റി​ലാ​ണ് ഇ​യാ​ളെ​ത്തി​യ​ത്. ഇ​യാ​ളെ പി​ടി​കൂ​ടാ​ൻ പോ​ലീ​സ് അ​ന്വേ​ഷ​ണം ഉൗ​ർ​ജി​ത​മാ​ക്കി​യി​രി​ക്കു​ക​യാ​ണ്.