മട്ടന്നൂർ: സ്വകാര്യ ബസിൽ വച്ച് പ്രായപൂർത്തിയാകാത്ത സ്കൂൾ വിദ്യാർഥിയെ ശല്യം ചെയ്ത 55 കാരനെ മട്ടന്നൂർ പോലീസ് അറസ്റ്റ്ചെയ്തു. കൂത്തുപറമ്പ് പുറക്കളത്തെ പി.പി. അബൂട്ടിയെ (55) യാണ് മട്ടന്നൂർ എസ്ഐ ശിവൻ ചോടോത്തും സംഘവും അറസ്റ്റ്ചെയ്തത്. ഇന്നലെ വൈകുന്നേരമായിരുന്നു സംഭവം. സ്കൂൾ വിട്ട് വിദ്യാർഥി വീട്ടിലേക്ക് ബസിൽ യാത്ര ചെയ്യുന്നതിനിടെയാണ് അബൂട്ടി ശല്യം ചെയ്തത്.
വിദ്യാർഥി ബഹളം വച്ചതിനെ തുടർന്നു യാത്രക്കാർ അബൂട്ടിയെ പിടികൂടി പോലീസിൽ ഏൽപ്പിക്കുകയായിരുന്നു. പോസ്കോ നിയമപ്രകാരമാണ് പ്രതിയെ പോലീസ് അറസ്റ്റ്ചെയ്തത്. ഇയാളെ ഇന്നു മട്ടന്നൂർ ജുഡീഷ്യൽ ഒന്നാംക്ലാസ് മജിസ്ട്രേറ്റ് കോടതിയിൽ ഹാജരാക്കും.
