ചെ​ക്ക് പോ​സ്റ്റി​ൽ പ​രി​ശോ​ധ​ന​യി​ല്ല; വി​ഷമ​ത്സ്യ​വും മാ​യം​ക​ല​ർ​ന്ന പാ​ലും കേ​ര​ള​ത്തി​ലേ​ക്ക്; പ്ര​ധാ​ന വി​പ​ണ​ന​കേ​ന്ദ്രം ത​മി​ഴ്നാ​ട്ടി​ലെ തൂ​ത്തു​ക്കു​ടി​

കു​മ​ളി: സം​സ്ഥാ​ന​ത്ത് ഭ​ക്ഷ്യ പ​രി​ശോ​ധ​ന ക​ർ​ശ​ന​മാ​ക്കി​യ​പ്പോ​ൾ കു​മ​ളി, ക​ന്പം​മെ​ട്ട് ചെ​ക്ക് പോ​സ്റ്റു​ക​ൾ വ​ഴി വി​ഷം ക​ല​ർ​ന്ന ലോ​ഡു​ക​ണ​ക്കി​ന് മ​ത്സ്യം കേ​ര​ള​ത്തി​ലേ​ക്ക് ക​ട​ത്തു​ന്നു.

ത​മി​ഴ്നാ​ട്, ക​ർ​ണാ​ട​ക സം​സ്ഥാ​ന​ങ്ങ​ളി​ൽ​നി​ന്നു​മാ​ണ് ശീ​തീ​ക​ര​ണ സം​വി​ധാ​ന​മു​ള​ള കൂ​റ്റ​ൻ ലോ​റി​ക​ളി​ൽ കു​മ​ളി​വ​ഴി മീ​ൻ എ​ത്തി​ക്കു​ന്ന​ത്. ചെ​റി​യ വാ​ഹ​ന​ങ്ങ​ളി​ലും എ​ത്തി​ക്കു​ന്നു​ണ്ട്. കു​മ​ളി, ക​ന്പം​മെ​ട്ട് ചെ​ക്ക് പോ​സ്റ്റു​ക​ളി​ൽ പ​രി​ശോ​ധ​ന ഇ​ല്ലാ​ത്ത​താ​ണ് ഇ​തു​വ​ഴി​യു​ള്ള ക​ട​ത്ത് വ​ർ​ധി​ക്കാ​ൻ കാ​ര​ണം. ത​മി​ഴ്നാ​ട്ടി​ലെ തൂ​ത്തു​ക്കു​ടി​യാ​ണ് പ്ര​ധാ​ന വി​പ​ണ​ന​കേ​ന്ദ്രം.

തൂ​ത്തു​ക്കു​ടി​യി​ൽ​നി​ന്നു​ള്ള ലോ​ഡു​ക​ൾ പു​ല​ർ​ച്ചെ​ത​ന്നെ കേ​ര​ള​ത്തി​ന്‍റെ വി​വി​ധ കേ​ന്ദ്ര​ങ്ങ​ളി​ലെ​ത്തും. ഹൈ​റേ​ഞ്ചി​ൽ വി​റ്റ​ഴി​ക്ക​പ്പെ​ടു​ന്ന​ത് തൂ​ത്തു​ക്കു​ടി മ​ത്സ്യ​മാ​ണ്. അ​മോ​ണി​യം, ഫോ​ർ​മ​ലി​ൻ രാ​സ​പ​ദാ​ർ​ഥ​ങ്ങ​ൾ ചേ​ർ​ത്ത മ​ത്സ്യം കാ​ഴ്ച​ക്ക് ന​ല്ല​താ​ണെ​ങ്കി​ലും രു​ചി തീ​ർ​ത്തു​മി​ല്ല.

ഗു​ണ​നി​ല​വാ​ര​മി​ല്ലാ​ത്ത പാ​ലും കു​പ്പി​വെ​ള്ള​വും കു​മ​ളി, ക​ന്പം​മെ​ട്ടു​വ​ഴി ക​ട​ത്തു​ന്നു​ണ്ട്. രാ​സ​പ​ദാ​ർ​ഥ​ങ്ങ​ൾ ചേ​ർ​ത്ത പാ​ൽ പ​ല​ത​വ​ണ ചെ​ക്ക് പോ​സ്റ്റു​ക​ളി​ൽ പി​ടി​കൂ​ടി​യെ​ങ്കി​ലും സ്ഥി​ര​മാ​യ പ​രി​ശോ​ധ​നാ സം​വി​ധാ​നം ഉ​ണ്ടാ​യി​ട്ടി​ല്ല. ത​മി​ഴ്നാ​ട്ടി​ൽ​നി​ന്നും എ​ത്തി​ക്കു​ന്ന കു​പ്പി​വെ​ള്ള​ങ്ങ​ളി​ൽ കോ​ളി​ഫാം ബാ​ക്ടീ​രി​യ​യു​ടെ അ​ള​വ് കൂ​ടു​ത​ലാ​ണെ​ന്ന് ക​ണ്ടെ​ത്തി​യി​ട്ടു​ണ്ട്. കേ​ര​ള​ത്തി​ൽ ഇ​ത്ത​രം കു​പ്പി​വെ​ള്ളം സു​ല​ഭ​മാ​ണ്.