എ​റ​ണാ​കു​ളം-കോട്ടയം റൂട്ടിൽ എല്ലാവരെയും നോക്കി കൊതിക്കല്ല്; ച​രി​ത്രം പേ​റു​ന്ന മൂ​ക​സാ​ക്ഷി​യായ കൊതിക്കല്ലിനെക്കുറിച്ചറിയാം

ക​ടു​ത്തു​രു​ത്തി: കോ​ട്ട​യം ജി​ല്ല​യി​ലെ നീ​ർ​പ്പാ​റ ജം​ഗ്ഷ​നി​ൽ നി​ന്ന് എ​റ​ണാ​കു​ളം ജി​ല്ല​യി​ലേക്കും തി​രി​ച്ചും യാ​ത്ര ചെ​യ്യു​ന്ന​വ​രി​ൽ പ​ല​ർ​ക്കു​മ​റി​യി​ല്ല ച​രി​ത്ര​ത്തി​ന്‍റെ ഓ​ർ​മ​ക്കു​റി​പ്പു​ക​ളാ​യ അ​ട​യാ​ള​ങ്ങ​ൾ പി​ന്നി​ട്ടി​ട്ടാ​ണ് ത​ങ്ങ​ൾ സ​ഞ്ച​രി​ക്കു​ന്ന​തെ​ന്ന വി​വ​രം.

നൂ​റ്റാ​ണ്ടു​ക​ൾ പി​ന്നി​ട്ടി​ട്ടും നീ​ർ​പ്പാ​റ​യി​ൽ ഇ​ന്നും അ​വ​ശേ​ഷി​ക്കു​ന്ന കൊ​തി​ക്ക​ല്ലു​ക​ൾ രാ​ജ​ഭ​ര​ണ​ത്തി​ന്‍റെ ച​രി​ത്രം പേ​റു​ന്ന മൂ​ക​സാ​ക്ഷി​ക​ളാ​ണ്. തി​രു​വി​താം​കൂ​ർ-​കൊ​ച്ചി രാ​ജ്യ​ങ്ങ​ളെ വേ​ർ​തി​രി​ക്കാ​നാ​യി സ്ഥാ​പി​ച്ച അ​തി​ർ​ത്തി ക​ല്ലു​ക​ളാ​ണ് കൊ​തി​ക്ക​ല്ലുക​ൾ എ​ന്ന​റി​യ​പ്പെ​ടു​ന്ന​ത്.

ര​ണ്ട​ടി വീ​തി​യി​ൽ സ​മ​ച​തു​രാ​കൃ​തി​യി​ൽ ര​ണ്ട് മീ​റ്റ​റി​ല​ധി​കം നീ​ള​മു​ള്ള ക​രി​ങ്ക​ൽ തു​ണി​ന്‍റെ (കൊ​തി​ക്ക​ല്ല്) ഒ​രു മീ​റ്റ​റോ​ളം ഭാ​ഗ​മാ​ണ് മ​ണ്ണി​ന് മു​ക​ളി​ൽ കാ​ണു​ന്ന​ത്. ക​ല്ലി​ന്‍റെ ഒ​രു ഭാ​ഗ​ത്ത് കൊ​ച്ചി​യെ​ന്നും മ​റു​ഭാ​ഗ​ത്ത് തി​രു​വി​താം​കൂ​റെ​ന്നും രേ​ഖ​പ്പെടു​ത്തി​യി​രു​ന്ന​തി​നാ​ലാ​ണ് കൊ​തി​ക്ക​ല്ലു​ക​ളെ​ന്ന പേ​രു വ​ന്ന​തെ​ന്ന് പ​ഴ​മ​ക്കാ​ർ ചൂ​ണ്ടി​ക്കാ​ട്ടു​ന്നു. കൊ​തി​ക്ക​ല്ലു​ക​ളി​ൽ വി​ര​ലി​ലെ​ണ്ണാ​വു​ന്ന​വ മാ​ത്ര​മാ​ണി​ന്ന് ശേ​ഷി​ക്കു​ന്ന​ത്.

ക​ല്ലി​ലെ എ​ഴു​ത്തു​ക​ൾ​ക്ക് മ​ങ്ങ​ലേ​റ്റ് തു​ട​ങ്ങി​യി​ട്ടു​ണ്ട്. മാ​ർ​ത്താ​ണ്ഡ​വ​ർ​മ്മ​യു​ടെ നി​ർ​ദേ​ശ​പ്ര​കാ​രം ദി​വാ​ൻ രാ​മ​യ്യ​ർ ദ​ള​വ നി​ർ​മി​ച്ച ഇ​ല്ലി​ക്കോ​ട്ട​യു​ടെ ഭാ​ഗ​മാ​യാ​ണ് കൊ​തി​ക്ക​ല്ലു​ക​ൾ സ്ഥാ​പി​ച്ച​ത്. രാ​ജ്യ​സു​ര​ക്ഷ​യ്ക്കും വി​വി​ധ ഉ​ത്പ​ന്ന​ങ്ങ​ൾ കൊ​ച്ചി​യി​ലേ​ക്ക് ക​ട​ത്തു​ന്ന​ത് ത​ട​യു​ന്ന​തി​നു​മാ​യി​ട്ടാ​യി​രു​ന്നു പ​ത്തൊ​ൻ​പ​താം നൂ​റ്റാ​ണ്ടി​ന്‍റെ മ​ധ്യ​ത്തോ​ടെ ഇ​ല്ലി​ക്കോ​ട്ട നി​ർ​മി​ച്ച​ത്.

വെ​ള്ളൂ​ർ പ​ഞ്ചാ​യ​ത്തി​ലെ തൊ​ട്ടൂ​ർ ചാ​ലാ​ശേ​രി മു​ത​ൽ ചെ​ന്പ് പ​ഞ്ചാ​യ​ത്തി​ലെ കീ​ച്ചേ​രി വാ​ലാ​ത്ത​ല വ​രെ​യു​ള്ള പ​ത്ത് കി​ലോ​മീ​റ്റ​ർ ദൂ​ര​ത്തി​ലാ​ണ് ഇ​ല്ലി​ക്കോ​ട്ട സ്ഥാ​പി​ച്ച​ത്.

തി​രു​വി​താം​കൂ​ർ-​കൊ​ച്ചി അ​തി​ർ​ത്തി​യി​ൽ തി​രു​വി​താം​കൂ​റി​ന്‍റെ ഭാ​ഗ​ത്ത് 12 അ​ടി​യി​ല​ധി​കം ആ​ഴ​ത്തി​ലും പ​ത്ത​ടി​യി​ല​ധി​കം വീ​തി​യി​ലും ച​രി​ച്ചു കി​ട​ങ്ങ് നി​ർ​മി​ച്ചാ​ണ് കോ​ട്ട കെ​ട്ടി​യ​ത്. കോ​ട്ട നി​ർ​മാ​ണ​ത്തി​നാ​യി മാ​റ്റി​യ മ​ണ്ണി​ൽ ഇ​ല്ലി​ച്ചെ​ടി വ​ച്ചു​പി​ടി​പ്പി​ച്ച​തി​നാ​ലാ​ണ് ഇ​ത് ഇ​ല്ലി​ക്കോ​ട്ട എ​ന്ന​റി​യ​പ്പെ​ട്ടി​രു​ന്ന​തെ​ന്ന് നാ​ട്ടു​കാ​ർ പ​റ​യു​ന്നു.

കാ​ർ​ഷി​ക വി​ള​ക​ളും പു​ക​യി​ല ഉ​ത്പ​ന്ന​ങ്ങ​ളും വി​ല​ക്കു​റ​വാ​യി​രു​ന്ന തി​രു​വി​താം​കൂ​റി​ൽ നി​ന്നും വി​ല കൂ​ടു​ത​ൽ ല​ഭി​ച്ചി​രു​ന്ന കൊ​ച്ചി​യി​ലേ​ക്ക് ക​ട​ത്തു​ന്ന​ത് ത​ട​യാ​നാ​യി കോ​ട്ട​യോ​ട് ചേ​ർ​ന്ന് ചെ​ക്ക് പോ​സ്റ്റു​ക​ളും എ​ക്സൈ​സ് സ്റ്റേ​ഷ​നു​ക​ളും ഉ​ണ്ടാ​യി​രു​ന്നു.

വാ​ച്ച​റും പെ​റ്റീ ഓ​ഫീ​സ​റും ഉ​ൾ​പെ​ടെ നി​ര​വ​ധി ഉ​ദ്യോ​ഗ​സ്ഥ​ർ ഇ​വി​ടെ ജോ​ലി ചെ​യ്തി​രു​ന്നു. വെ​ള്ളൂ​ർ പു​ലി​മു​ഖ​ത്തും നീ​ർ​പാ​റ​യി​ലും ഉ​ണ്ടാ​യി​രു​ന്ന എ​ക്സൈ​സ് ഓ​ഫീ​സു​ക​ളും ഇ​ല്ലി​ക്കോ​ട്ട​യും കാ​ല​പ്പ​ഴ​ക്ക​ത്താ​ൽ നാ​മാ​വ​ശേ​ഷ​മാ​യി.

രാ​ജ​ഭ​ര​ണ​കാ​ല​ത്തെ ശേ​ഷി​പ്പു​ക​ളാ​യ കൊ​തി​ക്ക​ല്ലു​ക​ളെ​ങ്കി​ലും സം​ര​ക്ഷി​ച്ചി​ല്ലെ​ങ്കി​ൽ തി​രു​വി​താം​കൂ​ർ-​കൊ​ച്ചി അ​തി​ർ​ത്തി​യി​ലെ കോ​ട്ട​യും രാ​ജ​ഭ​ര​ണ​കാ​ല​ത്തെ വി​വ​ര​ങ്ങ​ളും പു​തു​ത​ല​മു​റ​യ്ക്ക് വി​സ്മൃ​തി​യി​ലാ​ണ്ട വെ​റും കേ​ട്ടു​കേ​ൾ​വി മാ​ത്ര​മാ​കും.