മാവേലിക്കര: മാവേലിക്കര സ്വദേശിയായ 17 കാരിയെ പീഡിപ്പിച്ചു ഗര്‍ഭിണിയാക്കിയ കേസില്‍ പ്രതിയായ കൊട്ടാരക്കര ഇട്ടിവ തുടയന്നൂര്‍ വാഴവിള ടി. വിഷ്ണു (22) വിനെയാണ് മാവേലിക്കര പോലീസ് അറസ്റ്റ് ചെയ്തു.
പെണ്‍കുട്ടി 10-ാം ക്ലാസ് പരീക്ഷ കഴിഞ്ഞു നില്‍ക്കുമ്പോള്‍ 2020 മേയില്‍ ഫേസ്ബുക്ക് വഴി പ്രതി പെണ്‍കുട്ടിയെ പരിചയപ്പെട്ടു. തുടര്‍ന്ന് പലതവണ പെണ്‍കുട്ടിയുടെ വീട്ടില്‍ ആളില്ലാത്ത സമയംഎത്തി കുട്ടിയെ പീഡിപ്പിച്ചു.
ഇയാളുടെ പീഡനത്തില്‍ ഗര്‍ഭിണിയായ കുട്ടി ഇയാളുടെ വീട്ടില്‍ എത്തി ബഹളമുണ്ടാക്കി.തുടര്‍ന്ന് കൊല്ലം റൂറല്‍ ചൈല്‍ഡ് ലൈന്‍ റിപ്പോര്‍ട്ട് നല്‍കിയതനുസരിച്ച് കൊല്ലം ചൈല്‍ഡ് വെല്‍ഫയര്‍ കമ്മിറ്റി കുട്ടിയുടെ സംരക്ഷണം ഏറ്റെടുത്ത് കൊട്ടിയത്തെ സ്ഥാപനത്തില്‍ പാര്‍പ്പിച്ചു.
തുടര്‍ന്ന് കൊല്ലം സിഡബ്ല്യൂസിയുടെ റിപ്പോര്‍ട്ടിന്‍റെ അടിസ്ഥാനത്തില്‍ മാവേലിക്കര പോലീസ് സ്റ്റേഷനില്‍ കേസ് രജിസ്റ്റര്‍ ചെയ്യുകയായിരുന്നു.
ജില്ലാ പോലീസ് മേധാവി ചൈത്ര തെരേസ ജോണിന്‍റെ നിര്‍ദേശപ്രകാരം ചെങ്ങന്നൂര്‍ ഡിവൈഎസ്പി ബിനുകുമാറിന്‍റെ നേതൃത്വത്തിൽ രൂപീകരിച്ച പ്രത്യേക അന്വേഷണ സംഘമാണ് പ്രതിയെ പിടികൂടിയത്. മാവേലിക്കര കോടതിയില്‍ ഹാജരാക്കി റിമാന്‍ഡ് ചെയ്തു.
