തൃശൂരി​ൽ  ആം​ബു​ല​ൻ​സും ഓ​ട്ടോ ടാ​ക്സി​യും കൂ​ട്ടി​യി​ടി​ച്ച് യുവാവ് മ​രി​ച്ചു; അപകടത്തിൽപ്പെട്ടത് മ​ക​നെ ഡോ​ക്ട​റെ കാ​ണി​ച്ചു മ​ട​ങ്ങു​ക​യാ​യി​രു​ന്ന കു​ടും​ബം

അ​രി​മ്പൂ​ർ: തൃ​ശൂ​ർ-വാ​ടാ​ന​പ്പ​ള്ളി സം​സ്ഥാ​നപാ​ത​യി​ൽ മ​ക​നെ ഡോ​ക്ട​റെ കാ​ണി​ച്ചു മ​ട​ങ്ങു​ക​യാ​യി​രു​ന്ന കു​ടും​ബാം​ഗ​ങ്ങ​ൾ സ​ഞ്ച​രി​ച്ച ഓ​ട്ടോ ടാ​ക്സി​യും രോ​ഗി​യു​മാ​യി പോ​കുകയായിരു​ന്ന ആം​ബു​ല​ൻ​സും കൂ​ട്ടി​യി​ടി​ച്ചുണ്ടാ​യ അ​പ​ക​ട​ത്തി​ൽ യുവാവായ ഓ​ട്ടോ ടാ​ക്സി ഡ്രൈ​വ​ർ മ​രി​ച്ചു.

മൂ​ന്നു​വ​യ​സു​ള്ള കുട്ടിയടക്കം മൂന്നു പേർക്കു ഗുരുതര പരിക്കേറ്റു. ഇ​ന്നു പു​ല​ർ​ച്ചെ ഒ​ന്ന​ര​യ്ക്ക് എ​റ​വ് ക​പ്പ​ൽപ്പ​ള്ളി​ക്കു സ​മീ​പ​മാ​യി​രു​ന്നു അ​പ​ക​ടം.

ഓ​ട്ടോ ഓ​ടി​ച്ചി​രു​ന്ന ഇ​രി​ങ്ങാ​ല​ക്കു​ട പ​ടി​യൂ​ർ സ്വ​ദേ​ശി ച​ളി​ങ്ങാ​ട് സു​കു​മാ​ര​ന്‍റെ മ​ക​ൻ ജി​ത്തു (28) ആ​ണ് മ​രി​ച്ച​ത്. ജി​ത്തു​വി​ന്‍റെ ഭാ​ര്യ നീ​തു (23), ഇ​വ​രു​ടെ മ​ക​ൻ അ​ദ്രി​നാ​ഥ് (മൂന്ന്), നീ​തു​വി​ന്‍റെ പി​താ​വ് ചി​റ്റൂ​ർ വീ​ട്ടി​ൽ ക​ണ്ണ​ൻ (55) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്.

പ​രി​ക്കേ​റ്റ​വ​രെ തൃ​ശൂ​ർ ജൂ​ബി​ലി മി​ഷ​ൻ ഹോ​സ്പി​റ്റ​ലി​ൽ പ്ര​വേ​ശി​പ്പി​ച്ചു. ആം​ബു​ല​ൻ​സി​ലു​ണ്ടാ​യി​രു​ന്ന ആ​ർ​ക്കും പ​രി​ക്കി​ല്ല.

ഒ​ള​രി​യി​ലെ സ്വ​കാ​ര്യ ആ​ശു​പ​ത്രി​യി​ൽ മ​ക​നെ ഡോ​ക്ട​റെ കാ​ണി​ച്ച​ശേ​ഷം ഓ​ട്ടോയിൽ മ​ട​ങ്ങു​ക​യാ​യി​രു​ന്നു ജി​ത്തു​വും കു​ടും​ബ​വും.

പു​ത്ത​ൻപീടി​ക പാ​ദു​വ ആ​ശു​പ​ത്രി​യി​ൽനി​ന്ന് രോ​ഗി​യു​മാ​യി പോ​യി​രു​ന്ന ആം​ബു​ല​ൻ​സും ഓ​ട്ടോ ടാ​ക്സി​യും ത​മ്മി​ൽ കൂ​ട്ടി​യി​ടി​ക്കു​ക​യാ​യി​രു​ന്നു.

ഇ​ടി​യു​ടെ ആ​ഘാ​ത​ത്തി​ൽ ഓ​ട്ടോ പൂ​ർ​ണമാ​യി ത​ക​ർ​ന്നു. ആം​ബു​ല​ൻ​സി​ന്‍റെ മു​ൻ​ഭാ​ഗ​വും ത​ക​ർ​ന്ന നി​ല​യി​ലാ​ണ്.ഓ​ടി​യെ​ത്തി​യ നാ​ട്ടു​കാ​രാ​ണ് ആദ്യം ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്.

ഓ​ട്ടോ വെ​ട്ടി​പ്പൊ​ളി​ച്ചാ​ണ് വാ​ഹ​ന​ത്തി​ലു​ള്ള​വ​രെ പു​റ​ത്തെ​ടു​ത്ത​ത്. മ​രി​ച്ച​യാ​ളു​ടെ ത​ല ത​ക​ർ​ന്ന നി​ല​യി​ലാ​യി​രു​ന്നു. ഓ​ട്ടോ​യി​ൽ ഡ്രൈ​വ​റ​ട​ക്കം നാ​ലു പേ​രാ​ണ് ഉ​ണ്ടാ​യി​രു​ന്ന​ത്. അ​ന്തി​ക്കാ​ട് പോ​ലീ​സും ഫ​യ​ർ​ഫോ​ഴ്സും സ്ഥ​ല​ത്തെ​ത്തി.