പഴയന്നൂർ: ആന ഇടഞ്ഞോടിയത് പരിഭ്രാന്തി പരത്തി. ചിറയ്ക്കൽ ശബരീനാഥ് എന്ന ആനയാണ് നടത്തിക്കൊണ്ടുപോകുന്നതിനിടെ പഴയന്നൂർ വെള്ളാർകുളം അയ്യപ്പക്ഷേത്രത്തിനടുത്തുവെച്ച് ഇടഞ്ഞോടിയത്. ഇന്നുരാവിലെ 7.45ഓടെയാണ് സംഭവം. ആനയെ നടത്തിക്കൊണ്ടുപോകുന്നതിനിടെ ഒരാൾ പഴം നൽകാൻ ശ്രമിച്ചപ്പോൾ പാപ്പാൻ വേണ്ടെന്ന് പറഞ്ഞതിനെ തുടർന്നാണ് ആന ഇടഞ്ഞോടിയതെന്ന് പറയുന്നു.
ജനവാസ മേഖലയിലൂടെ ഓടിയ ആനയെ പിന്നീട് കോഴിക്കാട് പൂനം ഭാഗത്ത് കൊടവംപാടത്ത് പ്രകാശന്‍റെ റബർ റബർ തോട്ടത്തിൽ വെച്ച് തളച്ചു. ആനയെ കയറ്റിക്കൊണ്ടുവന്നിരുന്ന വാഹനംകായാന്പൂവം ഭാഗത്ത് വെച്ച് കേടായതിനെ തുടർന്നാണ് ആനയെ തിരുവില്വാമല ആക്കപറന്പ് ഭാഗത്തേക്ക് ഉത്സവത്തിന് നടത്തിക്കൊണ്ടുപോയിരുന്നത്. ആനപ്പുറത്തുണ്ടായിരുന്ന പാപ്പാൻ വിനു രാഹുലിനെ വലിച്ച് താഴെയിട്ടെങ്കിലും പരിക്കേൽക്കാതെ രക്ഷപ്പെട്ടു. വനപാലകരും പോലീസും സ്ഥലത്തെത്തി തുടർനടപടികൾ സ്വീകരിച്ചു
