അ​ബ്ദു​ൾ അ​സീ​സി​നു തൊ​ണ്ണൂ​റ്റി​യ​ഞ്ചാം വയസിലും വിശ്രമമില്ല; രോ​ഗം പി​ടി​പെ​ട്ട്  ഒരു ദിവസം പോലും ആ​ശു​പ​ത്രി​യി​ൽ കിടന്നിട്ടില്ല; അസീസിന്‍റെ ജീവിതവഴിയിലൂടെ…

വ​ട​ക്ക​ഞ്ചേ​രി: തൊ​ണ്ണൂ​റ്റി​യ​ഞ്ചു വ​യ​സി​നി​ട​യ്ക്ക് ഒ​രു​ദി​വ​സം​പോ​ലും രോ​ഗം പി​ടി​പെ​ട്ട് ആ​ശു​പ​ത്രി​യി​ൽ കി​ട​ക്കാ​ത്ത അ​പൂ​ർ​വം ചി​ല​രി​ൽ ഒ​രാ​ളാ​ണ് വ​ട​ക്ക​ഞ്ചേ​രി സാ​മൂ​ഹ്യാ​രോ​ഗ്യ​കേ​ന്ദ്ര​ത്തി​നു മു​ന്നി​ലെ ക​ട ന​ട​ത്തി​പ്പു ചു​മ​ത​ല​ക്കാ​ര​നാ​യ അ​ബ്ദു​ൾ അ​സീ​സ്. അ​ബ്ദു​ൾ അ​സീ​സ് ഇ​ക്കാ​ര്യം വെ​ളി​പ്പെ​ടു​ത്തു​ന്പോ​ൾ പെ​ട്ടെ​ന്നാ​ർ​ക്കും അ​ത് വി​ശ്വ​സി​ക്കാ​നാ​കി​ല്ല. കാ​ര​ണം ഇ​ന്നു പ​ല​രും വീ​ട്ടി​ൽ വി​ശ്ര​മി​ക്കു​ന്ന​തി​നേ​ക്കാ​ൾ കൂ​ടു​ത​ൽ സ​മ​യം ആ​ശു​പ​ത്രി​ക​ളി​ലാ​ണ് ത​ങ്ങു​ന്ന​ത്.

വ​യ​സ് 95 ആ​യെ​ന്നു ക​രു​തി വ​യ്യ​ല്ലോ​യെ​ന്നു പ​റ​ഞ്ഞ് വീ​ടി​നു​ള്ളി​ൽ ച​ട​ഞ്ഞു​കൂ​ടി​യി​രി​ക്കാ​നൊ​ന്നും അ​ബ്ദു​ൾ അ​സീ​സ് ത​യാ​റ​ല്ല. വീ​ടി​നോ​ടു ചേ​ർ​ന്ന ക​ട​യു​ടെ മു​ഖ്യ​ചു​മ​ത​ല​ക്കാ​ര​നാ​ണ് അ​ബ്ദു​ൾ അ​സീ​സ്. ക​ട​യെ​ന്നു പ​റ​ഞ്ഞാ​ൽ അ​ത് ഒ​രു സൂ​പ്പ​ർ​മാ​ർ​ക്ക​റ്റ് പോ​ലെ​യാ​ണ്. കാ​ണാ​ൻ വ​ലി​യ ഗ​മ​യൊ​ന്നും ഇ​ല്ലെ​ന്നേ​യു​ള്ളൂ.സ്റ്റേ​ഷ​ന​റി, ബേ​ക്ക​റി, പ​ല​ച്ച​ര​ക്ക്, പ​ച്ച​ക്ക​റി, പ​ഴം തു​ട​ങ്ങി ഇ​വി​ടെ കി​ട്ടാ​ത്ത ഒ​ന്നും ത​ന്നെ​യി​ല്ല. വാ​ഴ​പ്പ​ഴ​ങ്ങ​ളു​ടെ മൊ​ത്ത​വി​ല്പ​ന ത​ന്നെ​യു​ണ്ട് ഇ​വി​ടെ.

രാ​വി​ലെ തു​ട​ങ്ങു​ന്ന പ​ണി​തി​ര​ക്കു​ക​ൾ​ക്ക് ശ​മ​ന​മാ​ക​ണ​മെ​ങ്കി​ൽ അ​ർ​ധ​രാ​ത്രി​യാ​ക​ണം. ഇ​തി​നി​ട​യ്ക്ക് അ​ഞ്ചു​നേ​ര​ത്തെ നി​സ്കാ​ര സ​മ​യ​ത്തു മാ​ത്ര​മാ​ണ് ക​ട​യി​ൽ​നി​ന്നും മാ​റി​നി​ല്ക്കു​ക. വി​ശ്ര​മ​മെ​ല്ലാം അ​ത്ര മ​തി​യെ​ന്നാ​ണ് അ​ബ്ദു​ൾ അ​സീ​സ് പ​റ​യു​ന്ന​ത്. വേ​ന​ലാ​യ​തി​നാ​ൽ വീ​ടി​നു​പി​റ​കി​ലെ പ​റ​ന്പു​ന​ന​യും ഇ​പ്പോ​ൾ അ​ധി​ക ഡ്യൂ​ട്ടി​യാ​ണ്.

അ​ള്ളാ​ഹു​വി​ന്‍റെ കൃ​പ​കൊ​ണ്ട് ഇ​പ്പോ​ഴും യാ​തൊ​രു അ​സു​ഖ​വു​മി​ല്ല. വാ​പ്പ​യ്ക്ക് ന​ല്ല ഓ​ർ​മ​ശ​ക്തി​യാ​ണെ​ന്നാ​ണ് ക​ട​യി​ലു​ള്ള മ​ക​ൻ കാ​സി​മും പ​റ​യു​ന്നു. ക​ച്ച​വ​ടം സം​ബ​ന്ധി​ച്ച പ​ല കാ​ര്യ​ങ്ങ​ളും 46-കാ​ര​നാ​യ കാ​സിം മ​റ​ക്കു​ന്ന സ​മ​യ​ത്ത് വാ​പ്പ​യാ​ണ് ഓ​രോ കാ​ര്യ​വും ഓ​ർ​മ​പ്പെ​ടു​ത്തി​കൊ​ടു​ക്കു​ക.

ക​ട​യി​ൽ ഒ​ന്നി​ന്‍റെ​യും ര​ണ്ടി​ന്‍റെ​യും കോ​യി​നു​ക​ൾ വ​ന്നാ​ൽ അ​ത് എ​ത്ര​യാ​ണെ​ന്നു മ​ക​ൻ കാ​സിം ക​ണ്ടു​പി​ടി​ക്കും മു​ന്പേ അ​ബ്ദു​ൾ അ​സീ​സ് ത​രം​തി​രി​ച്ച് കൊ​ടു​ക്കും. ഓ​ർ​മ​ശ​ക്തി​പോ​ലെ ക​ണ്ണി​നും ന​ല്ല ബ്രൈ​റ്റ്ന​സാ​ണെ​ന്നാ​ണ് കാ​സിം പ​റ​യു​ന്ന​ത്. കേ​ൾ​വി​യും ഒ​ട്ടും പി​റ​കി​ല​ല്ല.

ആ​ശു​പ​ത്രി വീ​ടി​നു തൊ​ട്ടു​മു​ന്നി​ൽ ത​ന്നെ​യാ​ണെ​ങ്കി​ലും ആ ​സ്ഥാ​പ​ന​വു​മാ​യി വ​ലി​യ അ​ടു​പ്പ​മൊ​ന്നും അ​ബ്ദു​ൾ അ​സീ​സ് ചെ​റു​പ്പം​മു​ത​ലേ കാ​ണി​ക്കാ​റി​ല്ല. എ​ന്നാ​ൽ ആ​ശു​പ​ത്രി​യി​ലെ ഡോ​ക്ട​ർ​മാ​രും ജീ​വ​ന​ക്കാ​രും സാ​ധ​ന​ങ്ങ​ൾ വാ​ങ്ങാ​ൻ ക​ട​യി​ലെ​ത്തും. വി​ശേ​ഷ​ങ്ങ​ൾ പ​ര​സ്പ​രം കൈ​മാ​റും. ചി​ല സ്ഥാ​പ​ന​ങ്ങ​ളു​മാ​യി അ​ത്ര​ബ​ന്ധം മ​തി​യെ​ന്നാ​ണ് അ​ബ്്ദു​ൾ അ​സീ​സി​ന്‍റെ ക​മ​ന്‍റ്.

ഏ​തു​ഭ​ക്ഷ​ണ​വും ക​ഴി​ക്കും. ഇ​ന്ന​ത് വേ​ണ​മെ​ന്ന നി​ർ​ബ​ന്ധ​മി​ല്ല. പ​ക്ഷേ, അ​മി​താ​ഹാ​ര​മി​ല്ല. വീ​ട്ടി​ൽ ഒ​രു​ക്കു​ന്ന ക​ഞ്ഞി തു​ട​ങ്ങി​യ ഭ​ക്ഷ​ണ​ങ്ങ​ളോ​ടാ​ണ് താ​ത്പ​ര്യം. അ​തി​ൽ കൃ​ത്രി​മ​ത്വം കു​റ​യു​മെ​ന്നാ​ണ് അ​ബ്ദു​ൾ അ​സീ​സ് പ​റ​യു​ന്ന​ത്.
ര​ണ്ടു​വ​ർ​ഷം​മു​ന്പാ​ണ് ഭാ​ര്യ സ​ബൂ​റ മ​രി​ച്ച​ത്. കാ​സിം ഉ​ൾ​പ്പെ​ടെ മൂ​ന്നു​മ​ക്ക​ൾ. സ​ഫി​യ, ന​ഫീ​സ എ​ന്നി​വ​രാ​ണ് മ​റ്റു മ​ക്ക​ൾ.