യു​വ​തി​യു​ടെ ഉ​ച്ച​ത്തി​ലു​ള്ള ക​ര​ച്ചി​ൽ കേ​ട്ട നാ​ട്ടു​കാ​ർ കാ​ർ ത​ട​ഞ്ഞു! അ​ഭി​ഭാ​ഷ​ക​ൻ കുടുങ്ങി; സംഭവത്തെക്കുറിച്ച് പറയുന്നത് ഇങ്ങനെ…

തി​രു​വ​ന​ന്ത​പു​രം: മ​ദ്യാ​സ​ക്തി​യി​ൽ യു​വ​തി​യെ കാ​റി​നു​ള്ളി​ൽ വ​ച്ച് മ​ർ​ദി​ച്ച കേസിൽ അ​ഭി​ഭാ​ഷ​ക​നെ മ്യൂ​സി​യം പോ​ലീ​സ് അ​റ​സ്റ്റു ചെ​യ്തു.

പാ​റ്റൂ​ർ സ്വ​ദേ​ശി​യും വ​ഞ്ചി​യൂ​ർ കോ​ട​തി​യി​ലെ അ​ഭി​ഭാ​ഷ​ക​നു​മാ​യ അ​ശോ​കാ​ണ്(31) അ​റ​സ്റ്റി​ലാ​യ​ത്. മു​ൻ മ​ന്ത്രി​യു​ടെ പേ​ഴ്സ​ണ​ൽ സ്റ്റാ​ഫ് അം​ഗ​ത്തി​ന്‍റെ മ​ക​നാ​ണ് അ​റ​സ്റ്റി​ലാ​യ അ​ശോ​ക്.

ക​ഴി​ഞ്ഞ ദി​വ​സം രാ​ത്രി ലോ ​കോ​ള​ജ് ജം​ഗ്ഷ​നി​ലൂ​ടെ സ​ഞ്ച​രി​ച്ച കാ​റി​ൽ നി​ന്നും യു​വ​തി​യു​ടെ ഉ​ച്ച​ത്തി​ലു​ള്ള ക​ര​ച്ചി​ൽ കേ​ട്ട നാ​ട്ടു​കാ​ർ കാ​ർ ത​ട​ഞ്ഞ​തോ​ടെ​യാ​ണ് സം​ഭ​വ​ങ്ങ​ൾ​ക്കു തു​ട​ക്കം. കാ​ർ നി​ർ​ത്തി പു​റ​ത്തി​റ​ങ്ങി​യ​പ്പോ​ഴും പെ​ണ്‍​കു​ട്ടി നി​ല​വി​ളി​ക്കു​ന്നു​ണ്ടാ​യി​രു​ന്നു.

ഇ​തി​നി​ടെ യു​വാ​വ് പെ​ണ്‍​കു​ട്ടി​യെ നാ​ട്ടു​കാ​രു​ടെ മു​ന്നി​ൽ വ​ച്ച് വീ​ണ്ടും മ​ർ​ദി​ച്ചു. ഇ​തോ​ടെ നാ​ട്ടു​കാ​രും യു​വാ​വും ത​മ്മി​ൽ വാ​ക്കേ​റ്റം ഉ​ണ്ടാ​യി.

താ​ൻ വ​ക്കീ​ലാ​ണെ​ന്നും മു​ൻ മ​ന്ത്രി​യു​ടെ പേ​ഴ്സ​ണ​ൽ സ്റ്റാ​ഫി​ന്‍റെ മ​ക​നാ​ണെ​ന്നും ഇ​യാ​ൾ ഉ​ച്ച​ത്തി​ൽ പ​റ​യു​ന്നു​ണ്ടാ​യി​രു​ന്നു. നാ​ട്ടു​കാ​ർ കൂ​ടി​യ​തോ​ടെ ഇ​യാ​ൾ കാ​റി​ൽ ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും നാ​ട്ടു​കാ​ർ ത​ട​ഞ്ഞു.

ഇ​തി​നി​ടെ ഇ​വി​ടെ എ​ത്തി​യ ര​ണ്ടു യു​വ​തി​ക​ൾ സം​ഭ​വം ഒ​ത്തു​തീ​ർ​പ്പാ​ക്കാ​ൻ ശ്ര​മം ന​ട​ത്തി. എ​ന്നാ​ൽ നാ​ട്ടു​കാ​ർ സ​മ്മ​തി​ച്ചി​ല്ല. നാ​ട്ടു​കാ​ർ ത​ന്നെ പോ​ലീ​സി​ൽ വി​വ​രം അ​റി​യി​ച്ചു.

മ്യൂ​സി​യം പോ​ലീ​സ് സ്റ്റേ​ഷ​നി​ൽ നി​ന്നും പോ​ലീ​സെ​ത്തി യു​വാ​വി​നെ​യും പെ​ണ്‍​കു​ട്ടി​യെ​യും സ്റ്റേ​ഷ​നി​ലേ​ക്ക് മാ​റ്റു​ക​യാ​യി​രു​ന്നു.

അ​ശോ​കി​ന്‍റെ അ​ടു​ത്ത സു​ഹൃ​ത്താ​ണ് പ​ത്ത​നം​ത്തി​ട്ട സ്വ​ദേ​ശി​നി​യും ടെ​ക്നോ​പാ​ർ​ക്കി​ലെ ഒ​രു ക​ന്പ​നി​യി​ലെ ജീ​വ​ന​ക്കാ​രി​യു​മാ​യ യു​വ​തി. യു​വ​തി​യെ കാ​ണു​ന്ന​തി​നാ​യി യു​വ​തി താ​മ​സി​ക്കു​ന്ന സ്ഥ​ല​ത്തെ​ത്തി​യ​താ​ണ് സു​ഹൃ​ത്താ​യ അ​ശോ​ക്.

ന​ന്നാ​യി മ​ദ്യ​പി​ച്ചാ​ണ് അ​ശോ​ക് യു​വ​തി താ​മ​സി​ക്കു​ന്ന സ്ഥ​ല​ത്തെ​ത്തി​യ​ത്. തു​ട​ർ​ന്ന് ഇ​തേ​ചൊ​ല്ലി ഇ​രു​വ​രും കാ​റി​നു​ള്ളി​ലിരു​ന്ന് വാ​ക്ക്ത​ർ​ക്കം ആ​രം​ഭി​ച്ചു.

ഇ​തേ​തു​ട​ർ​ന്നാ​ണ് അ​ശോ​ക് യു​വ​തി​യെ മ​ർ​ദി​ച്ച​ത്. കാ​റി​നു​ള്ളി​ൽ നി​ന്നും യു​വ​തി​യു​ടെ നി​ല​വി​ളി കേ​ട്ടാ​ണ് നാ​ട്ടു​കാ​ർ കൂ​ടി​യ​ത്. തു​ട​ർ​ന്ന് സ്കൂ​ട്ട​ർ കു​റു​കെ നി​ർ​ത്തി നാ​ട്ടു​കാ​രി​ലൊ​രാ​ൾ കാ​ർ ത​ട​യു​ക​യാ​യി​രു​ന്നു. അ​ശോ​കി​ന്‍റെ അ​റ​സ്റ്റ് മ്യൂ​സി​യം പോ​ലീ​സ് രേ​ഖ​പ്പെ​ടു​ത്തി.

യു​വ​തി​യോ​ട് ഇ​യാ​ൾ അ​പ​മ​ര്യാ​ദ​യാ​യി പെ​രു​മാ​റാ​ൻ ശ്ര​മി​ച്ച​പ്പോ​ൾ ത​ട​ഞ്ഞ​താ​ണ് സം​ഭ​വ​ങ്ങ​ൾ​ക്ക് കാ​ര​ണ​മെ​ന്നു പോ​ലീ​സ് പ​റ​യു​ന്നു. ഇ​രു​വ​രെ​യും മെ​ഡി​ക്ക​ൽ പ​രി​ശോ​ധ​ന​യ്ക്കു വി​ധേ​യ​രാ​ക്കി. പൊ​തു സ്ഥ​ല​ത്തു ബ​ഹ​ള​മു​ണ്ടാ​ക്ക​ൽ,

സ്ത്രീ​ക​ൾ​ക്കെ​തി​രെ​യു​ള്ള ആ​ക്ര​മ​ണം, മ​ദ്യ​പി​ച്ചു വാ​ഹ​ന​മോ​ടി​ക്ക​ൽ തു​ട​ങ്ങി​യ വ​കു​പ്പു​ക​ൾ പ്ര​കാ​ര​മാ​ണ് യു​വാ​വി​നെ​തി​രെ കേ​സെ​ടു​ത്ത​ത്.​അ​റ​സ്റ്റ് ചെ​യ്ത പ്ര​തി​യെ കോ​ട​തി​യി​ൽ ഹാ​ജ​രാ​ക്കി.