കൊച്ചി: മഹാരാജാസ് കോളജിലെ ബിരുദ വിദ്യാർഥിയായിരുന്ന അഭിമന്യുവിനെ കൊലപ്പെടുത്തിയ കേസിൽ ഒരാൾക്കെതിരേ കൊച്ചി സിറ്റി പോലീസ് ലുക്ക് ഒൗട്ട് സർക്കുലർ പുറപ്പെടുവിച്ചു. എന്നാൽ, ഇയാളുടെ പേരോ മറ്റ് വിവരങ്ങളോ പോലീസ് പുറത്തുവിട്ടിട്ടില്ല. രാജ്യത്തെ എല്ലാ വിമാനത്താവളങ്ങളിലെയും പോർട്ടിലെയും എമിഗ്രഷൻ വിഭാഗത്തിനാണു പ്രതിയെ സംബന്ധിച്ച വിവരം കൈമാറിയിട്ടുള്ളത്. വിമാനത്താവളംവഴിയോ തുറമുഖങ്ങൾ വഴിയോ രാജ്യം വിട്ടുപോകാതിരിക്കാനുള്ള നടപടികളുടെ ഭാഗമായാണു ലുക്ക് ഒൗട്ട് സർക്കുലർ പുറപ്പെടുവിച്ചിട്ടുള്ളത്.
