കായംകുളം: വള്ളികുന്നത്ത് 15 വയസുകാരൻ അഭിമന്യുവിന്‍റെ മരണത്തിൽ പ്രതികരിച്ച് പിതാവ് അമ്പിളി കുമാർ. അഭിമന്യു രാഷ്ട്രീയക്കാരനല്ലെന്നും അതേസമയം, അഭിമന്യുവിന്‍റെ സഹോദരൻ ഡിവൈഎഫ്ഐ പ്രവർത്തകനാണെന്നും അദ്ദേഹം പറഞ്ഞു.
ഒരു പ്രശ്നത്തിനും പോകാത്തയാളാണ് അഭിമന്യു. എന്തിനാണ് അവനെ കൊലപ്പെടുത്തിയതെന്ന് അറിയില്ലെന്നും അദ്ദേഹം വ്യക്തമാക്കി.
അതേസമയം, സംഭവത്തിൽ രണ്ടു പേരെ പോലീസ് കസ്റ്റഡിയിലെടുത്തു. പ്രതിയെന്ന സംശയിക്കുന്ന സഞ്ജയ് ദത്തിന്‍റെ പിതാവിനെയും സഹോദരനെയുമാണ് പോലീസ് പിടികൂടിയത്. എന്നാൽ സഞ്ജയ് ദത്തിനെ പിടികൂടിയിട്ടില്ല.
