കൊച്ചി: പാചകം ചെയ്യുന്നതിനിടെ മിക്‌സി പൊട്ടിത്തെറിച്ച് ഗായികയും നടിയുമായ അഭിരാമി സുരേഷിന് പരിക്ക്. മിക്‌സിയുടെ ബ്ലേഡ് കയ്യിൽ കൊണ്ടാണ് അഭിരാമിക്ക് പരിക്കേറ്റത്.
കയ്യിലെ അഞ്ച് വിരലിനും പരിക്കേറ്റു. ഫേസ്ബുക്ക് വീഡിയോയിലൂടെയാണ് താരം പരിക്ക് പറ്റിയ കാര്യം അറിയിച്ചത്. മിക്‌സി പൊട്ടിത്തെറിക്കാനുണ്ടായ കാരണം വ്യക്തമല്ല. അപകടം നടന്ന് കുറച്ചു സമയത്തേക്ക് ബോധമുണ്ടായില്ല എന്താണ് സംഭവിച്ചതെന്നു പോലും ഓർമയില്ലെന്ന് താരം പറഞ്ഞു.
പ്രേക്ഷകർക്ക് ഏറെ പ്രിയപ്പെട്ട ഗായികമാരാണ് അഭിരാമി സുരേഷും സഹോദരി അമൃത സുരേഷും. താരത്തിനു സ്വന്തമായി യൂട്യൂബ് ചാനൽ ഉണ്ട്.
പാചക വീഡിയോ, യാത്രകൾ എന്നിവയുൾപ്പെടുത്തി വീഡിയോ ഇടാറുള്ളതാണ് അഭിരാമി സുരേഷ്. ഈ അപകടം കൊണ്ടൊന്നും താൻ പിന്തിരിഞ്ഞ് പോകില്ലെന്നും പൂർവാധികം ശക്തിയോടെ താൻ തിരികെ എത്തുമെന്നും അഭിരാമി പറഞ്ഞു. ആരും പേടിക്കണ്ടെന്നും കാര്യമായ മുറിവല്ലെന്നും താരം കൂട്ടിച്ചേർത്തു.വീഡിയോ കാണാൻ ഇവിടെ ക്ലിക് ചെയ്യുക.
