നൂ​റി​ലേ​റെ ശി​ഷ്യ​രു​ള്ള ഗു​രു​വി​നു പ്രാ​യം 24; ചെ​ന്പുക്കാ​വി​നു മേ​ള​പ്ര​മാ​ണി​യാ​യി അ​ഭി​ഷേ​കി​നി​ത് ര​ണ്ടാ​മൂ​ഴം

സ്വ​ന്തം ലേ​ഖ​ക​ൻ

തൃ​ശൂ​ർ: ചെ​ണ്ട​വാ​ദ​ന​ത്തി​ൽ നൂ​റി​ലേ​റെ ശി​ഷ്യ​ർ. തൃ​ശൂ​രി​ൽ ന​ട​ന്ന സം​സ്ഥാ​ന സ്കൂ​ൾ ക​ലോ​ത്സ​വ​ത്തി​ൽ ചെ​ണ്ട​മേ​ള​ത്തി​ൽ ഒ​ന്നാം സ്ഥാ​നം നേ​ടി​യ ഡോ​ണ്‍ ബോ​സ്കോ​യു​ടെ പ​രി​ശീ​ല​ക​ൻ. പ​ത്തു​വ​ർ​ഷ​മാ​യി തൃ​ശൂ​ർ പൂ​ര​ത്തി​ൽ പാ​റ​മേ​ക്കാ​വി​ന്‍റെ തെ​ക്കോ​ട്ടി​റ​ക്ക​ത്തി​ന്‍റെ മേ​ള​നി​ര​യി​ൽ…. 23-ാം വ​യ​സി​ൽ ആ​ദ്യ​മാ​യി തൃ​ശൂ​ർ പൂ​ര​ത്തി​ന്‍റെ ചെ​റു​പൂ​ര​ങ്ങ​ളി​ൽ മേ​ള​പ്ര​മാ​ണി​യാ​യി ക​ട​ന്നെ​ത്തി​യ അ​ഭി​ഷേ​കി​നി​ത് മേ​ള​പ്ര​മാ​ണ​ത്തി​ന്‍റെ ര​ണ്ടാ​മൂ​ഴം. നെ​ല്ല​ങ്ക​ര കൂ​വ​ള​ത്തു വീ​ട്ടി​ൽ ശി​വ​ദാ​സി​ന്‍റെ​യും ബീ​ന​യു​ടെ​യും മൂ​ത്ത മ​ക​നാ​യ അ​ഭി​ഷേ​ക് പൂ​ര​ത്തി​ന്‍റെ ന്യൂ​ജെ​ൻ മേ​ള​ക്കാ​രു​ടെ കൂ​ട്ട​ത്തി​ൽ പ്ര​ധാ​നി​യാ​ണ്.

ചെ​ന്പൂക്കാ​വ് കാ​ർ​ത്യാ​യി​നി ക്ഷേ​ത്ര​ത്തി​ലെ ചെ​റു​പൂ​ര​ത്തി​ന് ഇ​ത് ര​ണ്ടാംത​വ​ണ​യാ​ണ് അ​ഭി​ഷേ​ക് മേ​ള​പ്ര​മാ​ണം വ​ഹി​ക്കു​ന്ന​ത്. പൂ​ര​ത്തി​ലെ ഏ​റ്റ​വും പ്രാ​യം​കു​റ​ഞ്ഞ മേ​ള​പ്ര​മാ​ണി​മാ​രി​ൽ തു​ട​ർ​ച്ച​യാ​യി ര​ണ്ടുത​വ​ണ പ്ര​മാ​ണം വ​ഹി​ക്കു​ക​യെ​ന്ന ഖ്യാ​തി അ​ഭി​ഷേ​കി​ന് സ്വ​ന്ത​മെ​ന്ന​തു ചെ​ന്പു​ക്കാ​വി​ന് അ​ഭി​മാ​ന​മേ​കു​ന്നു.

അ​ഭി​ഷേ​ക് ആ​റാംക്ലാ​സി​ൽ പ​ഠി​ക്കു​ന്പോഴാണ് പാ​റ​മേ​ക്കാ​വ് ക​ലാ​ക്ഷേ​ത്ര​ത്തി​ൽ മേ​ളം അ​ഭ്യ​സി​ക്കാ​ൻ തു​ട​ങ്ങി​യ​ത്. ക​ലാ​മ​ണ്ഡ​ലം ശി​വ​ദാ​സ്, പാ​റ​മേ​ക്കാ​വ് അ​ജീ​ഷ്, പാ​റ​മേ​ക്കാ​വ് അ​നീ​ഷ് എ​ന്നി​വ​രു​ടെ ശി​ക്ഷ​ണ​ത്തി​ൽ മേ​ളം അ​ഭ്യ​സി​ച്ച അ​ഭി​ഷേ​ക് 2008ൽ ​അ​ര​ങ്ങേ​റ്റം ക​ഴി​ഞ്ഞ് ആ ​വ​ർ​ഷംത​ന്നെ തൃ​ശൂ​ർ പൂ​ര​ത്തി​ൽ ത​ന്‍റെ സാ​ന്നിധ്യം നെ​യ്ത​ല​ക്കാ​വ് ചെ​റു​പൂ​ര​ത്തി​ലൂ​ടെ അ​റി​യി​ച്ചു. 10 വ​ർ​ഷ​മാ​യി പാ​റ​മേ​ക്കാ​വി​ന്‍റെ തെ​ക്കോ​ട്ടി​റ​ക്ക​ത്തി​ലും അ​ഭി​ഷേ​ക് പ​ങ്കെ​ടു​ക്കു​ന്നു​ണ്ട്.

പ​ത്തുവ​ർ​ഷ​ത്തെ മേ​ളസ​പ​ര്യ​യി​ൽ അ​ഭി​ഷേ​കി​ന് അ​ഭി​മാ​നി​ക്കാ​ൻ മ​റ്റു പ​ല കാ​ര​ണ​ങ്ങ​ളു​മു​ണ്ട്. ത​നി​ക്കു കി​ട്ടി​യ അ​റി​വ് മ​റ്റു​ള്ള​വ​ർ​ക്കു പ​ക​ർ​ന്നു കൊ​ടു​ക്കാ​ൻ ക​ഴി​വു​ള്ള അ​ഭി​ഷേ​കി​നു നൂ​റി​ലേ​റെ ശി​ഷ്യ പ​ര​ന്പ​ര ഉ​ണ്ട്. ഈ ​കാ​ല​യ​ള​വി​ൽത​ന്നെ പാ​റ​മേ​ക്കാ​വി​ലും, ഭ​ക്ത​പ്രി​യം ശ്രീ​കൃ​ഷ്ണ ക്ഷേ​ത്രം, കു​തി​രാ​ൻ ശാ​സ്താ ക്ഷേ​ത്രം, നെ​ല്ല​ങ്ക​ര ദു​ർ​ഗ ഭ​ഗ​വ​തി ക്ഷേ​ത്രം എ​ന്നി​വി​ട​ങ്ങ​ളി​ലും പ്ര​മാ​ണി​യാ​യിത്ത​ന്നെ അ​ഭി​ഷേ​കി​ന് മേ​ളം ന​യി​ക്കാ​നാ​യി.

ചെ​ന്പൂക്കാ​വി​ന്‍റെ ചെ​റു​പൂ​ര​ത്തി​ൽ അ​ഭി​ഷേ​ക് ചെ​ണ്ട അ​ഭ്യ​സി​പ്പിച്ച് മേ​ള​രം​ഗ​ത്തു സ​ജീ​വ​മാ​യ പാ​റ​മേ​ക്കാ​വ് ക​ലാ​ക്ഷേ​ത്ര​ത്തി​ലെ മു​പ്പ​തോ​ളം ക​ലാ​കാ​ര​ൻ​മാ​ർ അ​ണി​നി​ര​ക്കു​ന്നു​വെ​ന്ന​തും കൗ​തു​കം.

ഡോ​ണ്‍​ബോ​സ്കോ സ്കൂ​ളി​നെ മൂ​ന്നു​ത​വ​ണ സം​സ്ഥാ​ന ക​ലോ​ത്സ​വ​ത്തി​ൽ പ​ങ്കെ​ടു​പ്പി​ക്കു​ക​യും തൃ​ശൂ​രി​ൽ ന​ട​ന്ന ക​ലോ​ത്സ​വ​ത്തി​ൽ ഒ​ന്നാം സ്ഥാ​നം നേ​ടി​യെ​ടു​ക്കു​ക​യും ചെ​യ്തി​ട്ടു​ണ്ട് അ​ഭി​ഷേ​ക്. പാ​റ​മേ​ക്കാ​വ് ക്ഷേ​ത്ര​ത്തി​ൽ ന​ട​ക്കു​ന്ന ദേ​ശ​പ്പാ​ട്ടു​ക​ളി​ൽ ചെ​ന്പു​ക്കാ​വി​നുവേ​ണ്ടി 22-ാം വ​യ​സി​ൽ മേ​ള​പ്ര​മാ​ണി​യാ​യി​ട്ടു​ണ്ട്.

തൃ​ശൂ​ർ പൂ​ര​ത്തി​ന് വ​ട​ക്കു​ന്നാ​ഥ ക്ഷേ​ത്ര​ത്തി​ന​ക​ത്ത് ആ​രം​ഭി​ക്കു​ന്ന ഏ​ക മേ​ളം ചെ​ന്പൂക്കാ​വ് കാ​ർ​ത്യാ​യി​നി ദേ​വി​യു​ടെ പൂ​ര​ത്തി​ന്‍റെ​താ​ണ്. തെ​ക്കേ​ഗോ​പു​രന​ട​യ്ക്കു സ​മീ​പ​ത്തുനി​ന്ന് രാ​വി​ലെ ഒ​ന്പ​തി​ന് ആ​രം​ഭി​ക്കു​ന്ന മേ​ളം തെ​ക്കേ​ഗോ​പു​ര​ന​ട വ​ഴി താ​ഴേ​ക്കി​റ​ങ്ങി ഗോ​പു​ര​ത്തി​നു താ​ഴെ കൊ​ട്ടി​ക്ക​ലാ​ശി​ക്കും.

മേ​ള​ത്തി​ൽ എ​ന്തെ​ങ്കി​ലും പു​തി​യ പ​രീ​ക്ഷ​ണ​ങ്ങ​ളൊ​ന്നും കൊ​ണ്ടു​വ​രു​ന്നി​ല്ലെ​ന്നും പാ​ണ്ടി​മേ​ള​മാ​ണ് കൊ​ട്ടു​ന്ന​തെ​ന്നും അ​ത് അ​തി​ന്‍റെ പൂ​ർ​ണ​ത​യി​ൽ കൊ​ട്ടു​മെ​ന്നും അ​ഭി​ഷേ​ക് പ​റ​ഞ്ഞു.പേ​രുകേ​ട്ട തൃ​ശൂ​ർ പൂ​ര​ത്തി​ലെ മേ​ള​പ്ര​മാ​ണ​ങ്ങ​ളി​ലേ​ക്ക് യു​വ​നി​ര ക​ട​ന്നെ​ത്തു​ന്പോ​ൾ അ​തി​നു തു​ട​ക്കം കു​റി​ച്ച അ​ഭി​ഷേ​ക് ര​ണ്ടാ​മൂ​ഴം ഗം​ഭീ​ര​മാ​ക്കാ​നു​ള്ള ഒ​രു​ക്ക​ത്തി​ലാ​ണ്.