ബിഷ്കെക്: കേരള ബ്ലാസ്റ്റേഴ്സ് മുൻ താരം അബ്നീത് ഭാരതി ഇനി കിർഗിസ്ഥാൻ ക്ലബിൽ. 24കാര നായ താരവുമായി കിർഗിസ്ഥാൻ പ്രീമിയർ ലീഗ് (ഒന്നാം ഡിവിഷൻ) ക്ലബായ ടാലന്‍റ് എഫ്സി കരാർ ഒപ്പിട്ടു. ക്ലബ് ഔദ്യോഗികമായി ട്രാൻസ്ഫർ പ്രഖ്യാപിച്ചു.
അബ്നീത് ഭാരതി മുമ്പ് ചെക്ക് റിപ്പബ്ലിക്കിലെ രണ്ടാം ഡിവിഷൻ ക്ലബായ എഫ്കെ വാർൻസ്ദോഫിലും കളിച്ചിരുന്നു. നേരത്തെ സ്പെയിനിൽ റയൽ വല്ലഡോയിഡിനായി കളിച്ചിട്ടുള്ള താരമാണ് അബ്നീത്. വല്ലഡോയിഡിൽ അവരുടെ അണ്ടർ 19 ടീമിന്‍റെ ഭാഗമായിരുന്നു താരം.
