അ​ഭി​ഭാ​ഷ​ക​ന്‍റെ കൊ​ല​പാ​ത​കം ; പോ​ലീ​സി​ന്‍റെ വാ​ദങ്ങൾ പൊളിയുന്നു; സംഭവ സ്ഥലത്തെ ദൃശ്യങ്ങൾ ഒപ്പിയെടുത്ത് സിസി ടിവി; ദൃ​ശ്യ​ങ്ങ​ൾ കോ​ട​തി​യി​ൽ സ​മ​ർ​പ്പി​ച്ചു

ചെ​ങ്ങ​ന്നൂ​ർ: വീ​ട്ടി​ലെ മാ​ലി​ന്യം പൊ​തു​സ്ഥ​ല​ത്ത് എ​റി​ഞ്ഞ​തു​മാ​യി ബ​ന്ധ​പ്പെ​ട്ടു​ണ്ടാ​യ ത​ർ​ക്ക​ത്തി​ൽ അ​ഭി​ഭാ​ഷ​ക​ൻ കൊ​ല്ല​പ്പെ​ട്ട സം​ഭ​വ​ത്തി​ൽ പോ​ലീ​സി​ന്‍റെ വാ​ദം തെ​റ്റാ​ണെ​ന്ന് തെ​ളി​യു​ന്നു. ഇ​ത് സം​ബ​ന്ധി​ച്ച ദൃ​ശ്യ​ങ്ങ​ൾ കീ​ഴ്ചേ​രി​മേ​ൽ പ്ലാ​പ്പ​ള്ളി വീ​ട്ടി​ൽ കൂ​ട്ടൂ​സ് വി​ല്ല​യി​ൽ ജി. ​ശ്രീ​കു​മാ​ർ (കു​ട്ടൂ​സ്) ഹൈ​ക്കോ​ട​തി​യി​ൽ സ​മ​ർ​പ്പി​ച്ചു.

പു​ത്ത​ൻ​കാ​വ് അ​ങ്ങാ​ടി​ക്ക​ൽ ശാ​ലേം ന​ഗ​റി​ൽ കു​റ്റി​ക്കാ​ട്ട് തൈ​ക്കൂ​ട്ട​ത്തി​ൽ അ​ഡ്വ. ഏ​ബ്ര​ഹാം വ​ർ​ഗീ​സി​ന്‍റെ (ബേ​ബി​ക്കു​ട്ടി 65) കൊ​ല​ക്കേ​സ് സം​ബ​ന്ധി​ച്ച പോ​ലീ​സ് ന​ട​പ​ടി ഇ​തോ​ടെ വി​വാ​ദ​മാ​കു​ക​യാ​ണ്.

ചി​ല​രെ ര​ക്ഷ​പെ​ടു​ത്താ​ൻ വേ​ണ്ടി പോ​ലീ​സ് ഒ​ത്തു​ക​ളി​ക്കു​കയാണെന്ന ആ​രോ​പ​ണ​മാ​ണ് ഇ​തോ​ടെ ഉ​യ​രു​ന്ന​ത്. മാ​ർ​ച്ച് ആ​റി​നു​ണ്ടാ​യ സം​ഭ​വ​ത്തി​ൽ അ​ങ്ങാ​ടി​ക്ക​ൽ പു​ത്ത​ൻ​കാ​വ് ന​ട ക്ഷേ​ത്ര​ത്തി​ന് സ​മീ​പം പൗ​വ്വ​ത്ത് വീ​ട്ടി​ൽ അ​ര​വി​ന്ദ് (33) റി​മാ​ൻ​ഡി​ലാ​യി​രു​ന്നു.

ഇ​യാ​ളെ മാ​ത്രം പ്ര​തി​ചേ​ർ​ത്ത ന​ട​പ​ടി അ​ന്നേ ചോ​ദ്യം ചെ​യ്യ​പ്പെ​ട്ടി​രു​ന്നു. അ​ര​വി​ന്ദ് മാ​ത്ര​മാ​ണ് കൊ​ല​പാ​ത​ക​ത്തി​ന് ഉ​ത്ത​ര​വാ​ദി എ​ന്നാ​യി​രു​ന്നു ആ​ദ്യം തൊ​ട്ടേ സ്ഥാ​പി​ച്ച​ത്. മാ​ലി​ന്യ​മെ​റി​ഞ്ഞ് ക​ട​ന്ന അ​ഡ്വ. ഏ​ബ്ര​ഹാ​മി​നെ പി​ടി​കൂ​ടാ​ൻ സു​ഹൃ​ത്തു​ക്ക​ളെ അ​ര​വി​ന്ദ് വി​ളി​ച്ചു വ​രു​ത്തി​യ​താ​ണെ​ന്നും ഇ​വ​ർ നി​ര​പ​രാ​ധി​ക​ളാ​ണെ​ന്നു​മാ​ണ് പോ​ലീ​സ് പ​റ​ഞ്ഞി​രു​ന്ന​ത്.

പ​ക്ഷേ അ​ര​വി​ന്ദി​നൊ​പ്പം കൂ​ട്ടു​കാ​രും ഒ​രേ പോ​ലെ കു​റ്റ​ക്കാ​രെ​ന്ന് ശ്രീ​കു​മാ​ർ കോ​ട​തി​യി​ൽ സ​മ​ർ​പ്പി​ച്ച വീ​ഡി​യോ​യി​ൽ വ്യ​ക്ത​മാ​കു​ന്നു​ണ്ടെ​ന്നാ​ണ് സൂ​ച​ന. അ​ര​വി​ന്ദും കൂ​ട്ടു​കാ​രും സ്കൂ​ട്ട​റി​ലെ​ത്തി​യ ഏ​ബ്ര​ഹാ​മി​നെ ശ്രീ​കു​മാ​റി​ന്‍റെ വീ​ടി​ന്‍റെ മു​ന്നി​ൽ വെ​ച്ച് ബൈ​ക്ക് കു​റു​കെ വ​ച്ചു ത​ട​യു​ന്ന​ത് വീ​ഡി​യോ​യി​ൽ കാ​ണാം.

ബൈ​ക്കു​ക​ൾ​ക്കി​ട​യി​ലൂ​ടെ വെ​ട്ടി​ച്ചു ക​ട​ന്ന് ഏ​ബ്ര​ഹാം പ്രാ​ണ​ര​ക്ഷാ​ർ​ഥം പോ​കു​ന്ന​തും മ​റ്റു​ള്ള​വ​ർ ഇ​യാ​ളു​ടെ പി​ന്നാ​ലെ പാ​യു​ന്ന​തും വീ​ഡി​യോ​യി​ൽ ഉ​ണ്ട്. ത​ന്‍റെ വീ​ട്ടി​ൽ നി​ന്നും ദൃ​ശ്യ​ങ്ങ​ള​ട​ങ്ങി​യ ഹാ​ർ​ഡ് ഡി​സ്ക് കൈ​ക്ക​ലാ​ക്കാ​നും ന​ശി​പ്പി​ക്കാ​നും പോ​ലീ​സ് ശ്ര​മി​ക്കു​ന്ന​താ​യി ശ്രീ​കു​മാ​ർ ഹൈ​ക്കോ​ട​തി​യി​ൽ സ​മ​ർ​പ്പി​ച്ച റി​ട്ടി​ൽ പ​റ​യു​ന്നു.

ദൃ​ശ്യ​ങ്ങ​ൾ പോ​ലീ​സ് ന​ശി​പ്പി​ച്ചാ​ൽ ബാ​ക്കി​യു​ള്ള​വ​ർ കേ​സി​ൽ നി​ന്ന് ര​ക്ഷ​പെ​ടു​മെ​ന്ന​തി​നാ​ൽ കോ​ട​തി​യു​ടെ നി​ർ​ദ്ദേ​ശം അ​നു​സ​രി​ച്ചു മാ​ത്ര​മേ യ​ഥാ​ർ​ഥ ദൃ​ശ്യ​ങ്ങ​ൾ പോ​ലീ​സി​ന് ന​ൽ​കാ​നാ​വൂ എ​ന്നാ​ണ് ശ്രീ​കു​മാ​ർ കോ​ട​തി​യി​ൽ ധ​രി​പ്പി​ച്ചി​രി​ക്കു​ന്ന​ത്.

ശ്രീ​കു​മാ​റി​ന്‍റെ വീ​ട്ടി​ലെ ദൃ​ശ്യ​ങ്ങ​ൾ കൈ​ക്ക​ലാ​ക്കാ​ൻ ശ്ര​മി​ച്ച​തി​ന്‍റെ കാ​ര്യ​കാ​ര​ണ​ങ്ങ​ൾ വി​ശ​ദ​മാ​യി റി​പ്പോ​ർ​ട്ടാ​യി സ​മ​ർ​പ്പി​ക്ക​ണ​മെ​ന്ന് അ​ന്വേ​ഷ​ണ ഉ​ദ്യോ​ഗ​സ്ഥ​നാ​യ സി​ഐ. എം. ​സു​ധി​ലാ​ലി​നോ​ട് കോ​ട​തി ആ​വ​ശ്യ​പ്പെ​ട്ടി​ട്ടു​ണ്ട്.