രാത്രി കുറച്ച് പണിയുണ്ട്..! തി​രു​വോ​സ്തി​യും നേ​ർ​ച്ച​പ്പെ​ട്ടി​യും മോ​ഷ്ടി​ച്ച​യാ​ൾ പി​ടി​യി​ൽ; അ​ബു​ബ​ക്ക​ർ പി​ടി​യി​ലാ​യ​ത് മറ്റൊരു മോഷണശ്രമത്തി​നി​ടെ

പൂ​ച്ചാ​ക്ക​ൽ: ചേ​ർ​ത്ത​ല അ​രൂ​ക്കു​റ്റി പാ​ദു​വാ​പു​രം പ​ള്ളി ഉ​ൾ​പ്പെ​ടെ​യു​ള്ള ദേ​വാ​ല​യ​ങ്ങ​ളി​ൽ ക​ഴി​ഞ്ഞ ദി​വ​സ​ങ്ങ​ളി​ൻ തു​ട​ർ​ച്ച​യാ​യി ന​ട​ന്നി​രു​ന്ന മോ​ഷ​ണ കേ​സി​ലെ പ്ര​തി പി​ടി​യി​ലാ​യി.

പാ​ണാ​വ​ള്ളി പ​ഞ്ചാ​യ​ത്ത് ര​ണ്ടാം വാ​ർ​ഡി​ൽ തൃ​ച്ചാ​റ്റു​കു​ളം തു​ണ്ട​ത്തി​പ്പ​റ​മ്പി​ൽ അ​ബൂ​ബ​ക്ക​ർ (35 ) ആ​ണ് പി​ടി​യി​ലാ​യ​ത്.

അ​രൂ​ക്കു​റ്റി പാ​ദു​വാ​പു​രം സെ​ന്‍റ് ആ​ന്‍റ​ണീ​സ് ഇ​ട​വ​ക പ​ള്ളി​യു​ടെ കീ​ഴി​ലു​ള്ള സെ​ന്‍റ് ജേ​ക്ക​ബ് ചാ​പ്പ​ലി​ലെ തി​രു​വോ​സ്തി​യും നേ​ർ​ച്ച​പ്പെ​ട്ടി​യും മോ​ഷ്ടി​ച്ച് ച​തു​പ്പി​ൽ ഇ​ട്ടി​രു​ന്നു.

കൂ​ടാ​തെ മ​ധു​ര​ക്കു​ളം ക്ഷേ​ത്രം, കോ​ട്ടൂ​ർ ജു​മാ മ​സ്ജി​ദ്, കാ​ട്ടി​ല​മ​ഠം ക്ഷേ​ത്രം, മൂ​ലം​കു​ഴി ക്ഷേ​ത്രം എ​ന്നി​വി​ട​ങ്ങ​ളി​ലും ഇ​യാ​ൾ മോ​ഷ​ണം ന​ട​ത്തി​യി​ട്ടു​ണ്ട്.

കാ​ണി​ക്ക വ​ഞ്ചി​ക​ളി​ൽ നി​ന്നു മോ​ഷ്ടി​ച്ച പ​ണം ഇ​യാ​ളു​ടെ വീ​ട്ടി​ൽ നി​ന്നു പോ​ലീ​സ് ക​ണ്ടെ​ടു​ത്തു. പ്ലം​ബിം​ഗ് , ഇ​ല​ക്ട്രി​ക്ക​ൽ ജോ​ലി​ക​ൾ ചെ​യ്യു​ന്ന ഇ​യാ​ൾ രാ​ത്രി പ​ണി​യു​ണ്ടെ​ന്നും പ​റ​ഞ്ഞാ​ണ് പ​ണി​യാ​യു​ധ​ങ്ങ​ളു​മാ​യി വീ​ട്ടി​ൽനി​ന്ന് ഇ​റ​ങ്ങു​ന്ന​ത്.

സ്ഥ​ല​ത്തെ ഇ​ട​വ​ഴി​ക​ളെ​ല്ലാം അ​റി​യാ​വു​ന്ന ഇ​യാ​ൾ സൈ​ക്കി​ളി​ൽ സ​ഞ്ച​രി​ച്ചാ​ണ് മോ​ഷ​ണം ന​ട​ത്തി​യി​രു​ന്ന​തെ​ന്ന് പോ​ലീ​സ് പ​റ​യു​ന്നു.

അ​റ​സ്റ്റു ചെ​യ്ത പ്ര​തി​യു​മാ​യി മോ​ഷ​ണം ന​ട​ന്ന സ്ഥ​ല​ങ്ങ​ളി​ൽ പോ​ലീ​സ് തെ​ളി​വെ​ടു​പ്പ് ന​ട​ത്തി. പാ​ണാ​വ​ള​ളി
മ​ധു​ര​ക്കു​ളം ക്ഷേ​ത്ര​ത്തി​ൽ നി​ന്നു പൊ​ളി​ച്ച കാ​ണി​ക്ക വ​ഞ്ചി അ​മ്പ​ല​ക്കു​ള​ത്തി​ൽ നി​ന്നു ക​ണ്ടെ​ത്തി.

കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു. ചേ​ർ​ത്ത​ല ഡി​വൈ​എ​സ്പി ടി.​ബി. വി​ജ​യ​ന്‍റെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.

പ്ര​തി കൂ​ടു​ത​ൽ മോ​ഷ​ണ​ങ്ങ​ൾ ന​ട​ത്തി​യി​ട്ടു​ണ്ടോ എ​ന്ന​റി​യു​ന്ന​തി​നാ​യി ക​സ്റ്റ​ഡി​യി​ൽ വാ​ങ്ങു​മെ​ന്ന് പൂ​ച്ചാ​ക്ക​ൽ എ​സ്ഐ കെ.​ജെ. ജേ​ക്ക​ബ് പ​റ​ഞ്ഞു.

പി​ടി​യി​ലാ​യ​ത് മറ്റൊരു മോഷണശ്രമത്തി​നി​ടെ

പൂ​ച്ചാ​ക്ക​ൽ: കാ​ണി​ക്ക​പ്പെ​ട്ടി മോ​ഷ്ടാ​വ് പോ​ലീ​സി​ന്‍റെ വ​ല​യി​ൽ പെ​ട്ട​ത് കു​ട​പു​റം ക്ഷേ​ത്ര​ത്തി​ലെ കാ​ണി​ക്ക​പ്പെ​ട്ടി പൊ​ട്ടി​ക്കാ​ൻ പോ​കു​ന്ന​തി​നി​ടെ​യാ​ണെ​ന്ന് പോ​ലീ​സ്.

വ​ടു​ത​ല​യി​ൽ മോ​ഷ​ണം ന​ട​ന്ന പ​ശ്ചാ​ത്ത​ല​ത്തി​ൽ ജി​ല്ലാ പോ​ലീ​സ് മേ​ധാ​വി ജി.​ജ​യ​ദേ​വ് സെ​ന്‍റ് ജേ​ക്ക​ബ് ദേ​വാ​ല​യം സ​ന്ദ​ർ​ശി​ക്കു​ക​യും തു​ട​ർ​ന്ന് പൂ​ച്ചാ​ക്ക​ൽ സ്റ്റേ​ഷ​നി​ലെ​ത്തി മോ​ഷ്ടാ​വി​നെ പി​ടി​കൂ​ടാ​ൻ പ്ര​ത്യേ​ക അ​ന്വേ​ഷ​ണ സം​ഘ​ത്തെ നി​യോ​ഗി​ക്കു​ക​യൂം ചെ​യ്തു.

ചേ​ർ​ത്ത​ല സ​ബ്ഡി​വി​ഷ​നി​ലെ ഓ​രോ പോ​ലീ​സ് സ്റ്റേ​ഷ​നി​ൽ നി​ന്നു പ്ര​ത്യേ​കം പോ​ലീ​സു​കാ​രെ രാ​ത്രി പ​ട്രോ​ളിം​ഗി​നാ​യി മ​ഫ്തി​യി​ൽ മോ​ട്ടോ​ർ സൈ​ക്കി​ളി​ൽ നി​യോ​ഗി​ച്ച​യ‌​യ്ക്കു​ക​യാ​യി​രു​ന്നു.

ചേ​ർ​ത്ത​ല ഡി​വൈ​എ​സ്പി ടി.​ബി. വി​ജ​യ​ന്‍റെ നേ​തൃ​ത്വ​ത്തി​ലു​ള്ള പ്ര​ത്യേ​ക സ്‌​ക്വാ​ഡും രം​ഗ​ത്തി​റ​ങ്ങി.

ഒ​ടു​വി​ൽ ക​ഴി​ഞ്ഞ ദി​വ​സം രാ​ത്രി മോ​ഷ്ടാ​വി​നെ കു​ട​പു​റം ഭാ​ഗ​ത്തു കാ​ണു​ക​യും പോ​ലീ​സി​ന്‍റെ നേ​രെ ക​മ്പി​പ്പാ​ര വീ​ശി​യ ശേ​ഷം ഇ​യാ​ൾ ഓ​ടു​ക​യും ചെ​യ്തു.

തു​ട​ർ​ന്ന് പ്ര​ദേ​ശം വ​ള​ഞ്ഞ പോ​ലീ​സു​കാ​ർ വെ​ളു​പ്പി​നെ പ്ര​തി​യെ പി​ടി​കൂ​ടു​ക​യാ​യി​രു​ന്നു. ഇ​യാ​ളു​ടെ പ​ക്ക​ൽ നി​ന്നു മോ​ഷ​ണം ന​ട​ത്തു​ന്ന​തി​നു​ള്ള ഉ​പ​ക​ര​ണ​ങ്ങ​ളും സൈ​ക്കി​ളും പോ​ലീ​സ് ക​ണ്ടെ​ടു​ത്തു.