ഇഡിഹാ​ജ​രാ​ക്കാ​ൻ നി​ർ​ദേശി​ച്ച രേ​ഖ​ക​ൾ ശേ​ഖ​രി​ക്കാ​നാ​യി​ല്ല; എ.​സി. മൊ​യ്‌​തീ​ൻ ഇ​ന്നും ഇ​ഡി​ക്കു മു​ന്നി​ലേക്കില്ല

വ​ട​ക്കാ​ഞ്ചേ​രി/തൃ​ശൂ​ർ: ക​രു​വ​ന്നൂ​ർ സ​ഹ​ക​ര​ണ ബാ​ങ്ക് വാ​യ്പാ ത​ട്ടി​പ്പി​ലെ ക​ള്ള​പ്പ​ണ ഇ​ട​പാ​ട് കേ​സി​ൽ സി​പി​എം നേ​താ​വും കു​ന്നം​കു​ളം എം​എ​ൽ​എ​യു​മാ​യ എ.​സി. മൊ​യ്തീ​ൻ ഇ​ന്ന് എ​ൻ​ഫോ​ഴ്‌​സ്‌​മെ​ന്‍റ് ഡ​യ​റ​ക്ട​റേ​റ്റിന് (ഇഡി) മു​ന്നി​ൽ ഹാ​ജ​രാ​കി​ല്ല.

ഇഡിഹാ​ജ​രാ​ക്കാ​ൻ നി​ർ​ദേശി​ച്ച രേ​ഖ​ക​ൾ ശേ​ഖ​രി​ക്കാ​നാ​യി​ല്ലെ​ന്ന് ചൂ​ണ്ടി​ക്കാ​ട്ടി​ ഇന്നു ഹാ​ജ​രാ​കാ​ൻ സാ​ധി​ക്കി​ല്ലെ​ന്നു മൊ​യ്തീ​ൻ അ​റി​യി​ച്ചി​ട്ടുണ്ട്.

ക​ഴി​ഞ്ഞ വെ​ള്ളി​യാ​ഴ്ച ഹാ​ജ​രാ​ക​ണ​മെ​ന്നാ​വ​ശ്യ​പ്പെ​ട്ട് ഇ​ഡി നേ​ര​ത്തെ നോ​ട്ടീ​സ​യ​ച്ചെ​ങ്കി​ലും മൊ​യ്തീ​ൻ അന്നും അ​സൗ​ക​ര്യം അ​റി​യി​ക്കു​ക​യാ​യി​രു​ന്നു.

തു​ട​ർ​ന്നാ​ണ് ഇന്നു ഹാ​ജ​രാ​കാ​ൻ ആ​വ​ശ്യ​പ്പെ​ട്ട് ഇ​ഡി വീ​ണ്ടും നോ​ട്ടീ​സ് ന​ൽ​കി​യ​ത്. നാ​ളെ പു​തു​പ്പ​ള്ളി​യി​ൽ ഉപതെ​ര​ഞ്ഞെ​ടു​പ്പ് ന​ട​ക്കു​ന്ന പ​ശ്ചാ​ത്ത​ല​ത്തി​ൽ ഹാ​ജ​രാ​കേ​ണ്ട​തി​ല്ലെ​ന്ന പാ​ർ​ട്ടി നി​ർ​ദേ​ശ​ത്തെ തു​ട​ർ​ന്നാ​ണ് മൊ​യ്തീ​ൻ ഇ​ന്ന് ഹാ​ജ​രാ​കാതിരിക്കുന്നതെന്നാണു സൂചന.

കോ​ടി​ക​ളു​ടെ ത​ട്ടി​പ്പ് ന​ട​ന്ന കേ​സി​ൽ ബി​നാ​മി​ക​ൾ​ക്ക് ലോ​ൺ അ​നു​വ​ദി​ക്കാ​ൻ നി​ർ​ദേ​ശി​ച്ച​ത് എ.​സി. മൊ​യ്തീ​ൻ ആ​ണെ​ന്നാ​ണ് ഇഡി​യു​ടെ ക​ണ്ടെ​ത്ത​ൽ.

വീ​ട്ടി​ൽ റെ​യ്ഡ് ന​ട​ത്തി​യ​തി​ന് പി​ന്നാ​ലെ മൊ​യ്തീ​ന്‍റെ ര​ണ്ട് ബാ​ങ്ക് അ​ക്കൗ​ണ്ടു​ക​ൾ ഇ​ഡി മ​ര​വി​പ്പി​ച്ചി​രു​ന്നു. ഓ​ഗ​സ്റ്റ് 22ന് ​മൊ​യ്തീ​ന്‍റെ തൃ​ശൂ​രി​ലെ വീ​ട്ടി​ൽ 22 മ​ണി​ക്കൂ​ർ നീ​ണ്ട റെ​യ്ഡാ​ണ് ഇ​ഡി ന​ട​ത്തി​യ​ത്.