മാവേലിക്കര:കുറത്തികാട് ഹൈസ്കൂൾ ജംഗ്ഷന് സമീപം സ്വകാര്യ ബസും സ്കൂൾ ബസും കൂട്ടിയിടിച്ച് ഏഴ് പേർക്ക് പരിക്ക്. ഇന്ന് രാവിലെ 7 മണിയോടെയായിരുന്നു അപകടം. കുറത്തികാട് എസ്.എൻ.സെന്‍റട്രൽ ്സ്കൂളിന്‍റെ ബസും എതിരെ വന്ന സ്വാമി എന്ന സ്വകാര്യ ബസുമാണ് അപകടത്തിൽ പെട്ടത്. ഈ സമയം സ്കൂൾ ബസിൽ വിദ്യാർത്ഥികൾ ഇല്ലാതിരുന്നത് വൻ ദുരന്തം ഒഴിവാക്കി. സ്വകാര്യബസിന്‍റെ അമിത വേഗതയാണ് അപകടത്തിന് കാരണമായതെന്ന് ദൃക്സാക്ഷികൾ പറയുന്നു.
സ്കൂൾ ബസ് ്രെഡെവർ കുറത്തികാട് വരേണിക്കൽ വിളയിൽ സോജൻ(34), സ്കൂൾ ബസിലെ സഹായി ചെറുകുന്നം അജിഭവനത്തിൽ ബേബിവർഗീസ്(77), സ്വകാര്യ ബസിലെ യാത്രികരായ കുറത്തികാട് കോയിക്കലേത്ത് വടക്കതിൽ സിന്ധു(46), കുറത്തികാട് തച്ചൻപറന്പിൽ സിന്ധു(42), ഭരണിക്കാവ് ഓലിക്കൽ തറയിൽ പൊന്നമ്മ(56), തൂത്തുകുടി സ്വദേശി രവി(45) സ്വാകാര്യ ബസ് ്രെഡെവർ വെട്ടിയാർ സ്വദേശി കൃഷ്ണപിള്ള(49) എന്നിവർക്കാണ് പരിക്കേറ്റത്.
ഗുരുതരമായി പരിക്കേറ്റ ബേബിവർഗീസിനെ കോട്ടയം മെഡിക്കൽ കോളേജിലേക്കും സ്വകാര്യ ബസ് യാത്രിക കുറത്തികാട് കോയിക്കലേത്ത് വടക്കതിൽ സിന്ധുവിനെ വണ്ടാനം മെഡിക്കൽ കോളേജ് ആശുപത്രിയിലേക്കും കൊണ്ടുപോയി. മറ്റുള്ളവർ മാവേലിക്കര ജില്ലാ ആശുപത്രിയിൽ ചികിത്സയിലാണ്. കുറത്തികാട് പോലീസ് കേസെടുത്തു.
