എരുമേലി: എരുമേലിയില്‍ നിയന്ത്രണംതെറ്റി ശബരിമല തീര്‍ഥാടകരുടെ ബസ് തോട്ടില്‍ പതിച്ചു. അപകടത്തിൽ ഡ്രൈവര്‍ ഉള്‍പ്പടെ രണ്ടു പേര്‍ക്കു പരിക്കേറ്റു.
ഒരു മണിക്കൂര്‍ നടത്തിയ ശ്രമത്തിനൊടുവില്‍ ബസിന്‍റെ ഒരു ഭാഗം വെട്ടിപ്പൊളിച്ചാണ് ഡ്രൈവറെ പുറത്തെടുത്തത്.
ഇന്നു പുലര്‍ച്ചെ നാലിനാണു സംഭവം. പാര്‍ക്കിംഗ് ഗ്രൗണ്ടില്‍വച്ചു നിയന്ത്രണം നഷ്ടമായ ബസ് തോട്ടിൽ പതിക്കുകയായിരുന്നു. തമിഴ്നാട് ധര്‍മപുരിയില്‍നിന്നു വന്ന തീര്‍ഥാടകസംഘം സഞ്ചരിച്ച ബസാണ് അപകടത്തില്‍പ്പെട്ടത്.
പാര്‍ക്കിംഗ് ഗ്രൗണ്ടില്‍നിന്നു യാത്ര പുറപ്പെടുന്നതിനിടെ ബസിന്‍റെ എയര്‍ ബ്രേക്ക് സംവിധാനം പ്രവര്‍ത്തനരഹിതമായതാണ് അപകടത്തിനു കാരണമെന്നു പറയുന്നു.
