പു​ല​ർ​ച്ചെ ന​ഗ​ര​ത്തി​ൽ മധ്യവയസ്കനെ കാർ ഇടിപ്പിച്ചു തെറിപ്പിച്ചശേഷം നിർത്താതെ പോയി; അന്വേഷണം നടക്കുന്ന തിനിടെ ഡ്രൈവർ കീഴടങ്ങി; ഗുരുതരപരി ക്കേറ്റ രാജുവിനെ ആശുപത്രിയിൽ പ്രവേശിപ്പിച്ചു

കോ​ട്ട​യം: പു​ല​ർ​ച്ചെ ന​ഗ​ര​മ​ധ്യ​ത്തി​ൽ കാ​റി​ടി​ച്ച് ഓ​ട്ടോ ഡ്രൈ​വ​ർ​ക്ക് ഗുരു​ത​ര പ​രി​ക്ക്. ഇ​ടി​ച്ച കാ​ർ നി​ർ​ത്താ​തെ പോ​യെ​ങ്കി​ലും പി​ന്നീ​ട് ഡ്രൈ​വ​ർ പോ​ലീ​സി​ന് കീ​ഴ​ട​ങ്ങി. കാ​ർ ട്രാ​ഫി​ക് പോ​ലീ​സ് ക​സ്റ്റ​ഡി​യി​ലെ​ടു​ത്തു. ഗാ​ന്ധി​ സ്ക്വ​യ​റി​ൽ ഇ​ന്നു പു​ല​ർ​ച്ചെ അ​ഞ്ചേ​കാ​ലി​നാ​ണ് അ​പ​ക​ടം. കാ​രാ​പ്പു​ഴ കാ​ർ​ത്തി​ക ഭ​വ​നി​ൽ രാ​ജു (61)വി​നാ​ണ് പ​രി​ക്കേ​റ്റ​ത്. ഇ​യാ​ളെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ത​ല​യ്ക്കേ​റ്റ പ​രി​ക്ക് ഗു​രു​ത​ര​മാ​യ​തി​നെ തു​ട​ർ​ന്ന് സ​ർ​ജ​റി വി​ഭാ​ഗം തീ​വ്ര പ​രി​ച​ര​ണ വി​ഭാ​ഗ​ത്തി​ൽ കി​ട​ത്തി​യി​രി​ക്കു​ക​യാ​ണ്.

തി​രു​ന​ക്ക​ര ബ​സ് സ​റ്റാ​ൻ​ഡ് ഭാ​ഗ​ത്ത് ഓ​ട്ടോ​റി​ക്ഷ നി​ർ​ത്തി​യ ശേ​ഷം പ​ത്രം വാ​ങ്ങു​ന്ന​തി​നാ​യി റോ​ഡ് മു​റി​ച്ചു​ക​ട​ക്കു​ന്പോ​ൾ തെ​ക്കു നി​ന്ന് പാ​ഞ്ഞെ​ത്തി​യ കാ​ർ ഓ​ട്ടോ ഡ്രൈ​വ​റെ ഇ​ടി​ച്ചു തെ​റി​പ്പി​ക്കു​ക​യാ​യി​രു​ന്നു​വെ​ന്നു പ​റ​യു​ന്നു. അ​പ​ക​ട​മു​ണ്ടാ​ക്കി​യ കാ​ർ ബേ​ക്ക​ർ ജം​ഗ്ഷ​ൻ ഭാ​ഗ​ത്തേ​ക്ക് പാ​ഞ്ഞു​പോ​യി.

അ​പ​ക​ട വി​വ​ര​മ​റി​ഞ്ഞ് കാ​ർ ക​ണ്ടെ​ത്താ​നാ​യി പോ​ലീ​സ് അ​ന്വേ​ഷ​ണം ന​ട​ത്തു​ന്ന​തി​നി​ടെ ഡ്രൈ​വ​ർ പോ​ലീ​സി​ന് കീ​ഴ​ട​ങ്ങി. പൂ​വ​ൻ​തു​രു​ത്ത് സ്വ​ദേ​ശി ശ്രീ​നാ​ഥ് (32) ആ​ണ് കീ​ഴ​ട​ങ്ങി​യ​ത്. പു​തി​യ കാ​ർ കോ​ടി​മ​ത​യി​ൽ ക​ണ്ടെ​യ്ന​റി​ൽ നി​ന്ന് ഇ​റ​ക്കി​യ ശേ​ഷം തെ​ള്ള​ക​ത്തു​ള്ള ഷോറൂ​മി​ലേ​ക്ക് കൊ​ണ്ടു​പോ​കു​ന്പോ​ഴാ​ണ് അ​പ​ക​ട​മു​ണ്ടാ​യ​ത്.

അ​പ​ക​ട​ത്തി​നു ശേ​ഷം ഷോ​റൂ​മി​ലെ​ത്തി വി​വ​രം ധ​രി​പ്പി​ച്ച​പ്പോ​ൾ ഷോറൂം അ​ധി​കൃ​ത​രാ​ണ് പോ​ലീ​സി​ന് കീ​ഴ​ട​ങ്ങാ​ൻ ഡ്രൈ​വ​റോ​ട് നി​ർ​ദേ​ശി​ച്ച​ത്. കോ​ട്ട​യം ട്രാ​ഫി​ക് പോ​ലീ​സ് കേ​സ് ര​ജി​സ്റ്റ​ർ ചെ​യ്തു. കാ​ർ ഡ്രൈവറെ പി​ന്നീ​ട് അ​റ​സ്റ്റു ചെ​യ്തു.