കടുത്തുരുത്തി: വാഹനമിടിച്ചതിനെ തുടർന്ന് സാരമായി പരിക്കു പറ്റി എഴുന്നേൽക്കാനാവാതെ കിടക്കുന്ന തെരുവ് നായ നൊന്പര കാഴ്ച്ചയായി. കുറുപ്പന്തറ ബസ് സ്റ്റാൻഡിലാണ് നായ കിടക്കുന്നത്. രണ്ട് ദിവസം മുന്പ് സ്കൂട്ടർ ഇടിച്ചതിനെ തുടർന്ന് പരിക്കേറ്റു കിടന്ന നായയുടെ ശരീരത്തിലൂടെ മറ്റു വാഹനം കയറിയിറങ്ങിയതായി ഇവിടത്തെ ടാക്സി ഡ്രൈവർമാർ പറയുന്നു.
ഇതോടെ നടുവൊടിഞ്ഞു എഴുന്നേൽക്കാൻ പോലുമാവാത്ത അവസ്ഥയിലായി നായയെന്നും ഇവർ പറഞ്ഞു. പഞ്ചായത്ത് ഉൾപെടെയുള്ള അധികാരികളെയെല്ലാം വിവരം അറിയിച്ചിട്ടും നായ്ക്കും ചികിത്സ ലഭ്യമാക്കാൻ ആരുമെത്തിയില്ലെന്നും ഇവർക്ക് പരാതിയുണ്ട്.
