കൊച്ചി: മധ്യപ്രദേശിലെ ജബൽപുരിലെ ആയുധശാലയിലേക്ക് പോയ കരസേനയുടെ വാഹനം കൊച്ചിയിൽ അപകടത്തിൽ‌പ്പെട്ടു. കുണ്ടന്നൂർ പാലത്തിൽവച്ച് വ്യാഴാഴ്ച പുലർച്ചെയാണ് സംഭവം. ഇതേതുടർന്ന് ആയുധങ്ങളടങ്ങിയ വാഹനം കൊച്ചി നാവിക ആസ്ഥാനത്തേക്ക് മാറ്റി.
കൊച്ചി തുറമുഖത്തെത്തിച്ച ആയുധശേഖരം ജബൽപൂരിലെ സൈനിക ആസ്ഥാനത്തേക്ക് കൊണ്ടുപോകാനായിരുന്നു കരസേനയുടെ നീക്കം. എന്നാൽ കുണ്ടന്നൂർ പാലത്തിൽവച്ച് കരസേനയുടെ ലോറി എതിരെവന്ന കാറിൽ ഇടിച്ചാണ് അപകടമുണ്ടായത്.
സംഭവത്തെ തുടർന്ന് പോലീസും നാവികസേന ഉദ്യോഗസ്ഥരും സ്ഥലത്തെത്തി ആയുധങ്ങളടങ്ങിയ ലോറി നാവികസേന ആസ്ഥാനത്തേക്ക് മാറ്റി.
