കുളത്തുപ്പുഴ: കുളത്തുപ്പുഴ മടത്തറ പാതയിൽ ചരക്ക് ലോറിയുമായി കൂട്ടിഇടിച്ച് ബൈക്ക് യാത്രികനായ യുവാവിന് ഗുരുതര പരിക്ക് .കടയ്ക്കൽ കാരയ്ക്കാട് മധു വിലാസത്തിൽ വിഷ്ണുവിനെയാണ് ഗുരുതര പരിക്കുകളോടെ അശുപത്രിയിൽ പ്രവേശിപ്പിച്ചത്.
കുളത്തുപ്പുഴ തടി ടിപ്പോക്ക് സമീപത്തെ വളവിലായിരുന്നു അപകടം .
കടക്കലിൽ നിന്നു കുളത്തുപ്പുഴയിലേക്ക് വരികയായിരുന്ന ബൈക്ക് തമിഴ്നാട്ടിൽ നിന്നും തിരുവനന്തപുരം ആറ്റുകാൽ ക്ഷേത്രത്തിലേക്ക് പൊങ്കാലക്ക് ആവശ്യമായ സാധനങ്ങളുമായി പോയ ലോറിയുമായി കുട്ടിയിടിച്ചാണ് അപകടമുണ്ടായത്.
വളവ് തിരിയുന്നതിനിടെ ബൈക്ക് ലോറിയുടെ മുൻവശത്ത് ഇടിച്ചുകയറുകയും ബൈക്കും യുവാവും ലോറിയുടെ അടിയിൽ കുടുങ്ങുകയുമായിരുന്നു .നാട്ടുകാർ ഏറെ പരിശ്രമിച്ചെങ്കിലും പുറത്ത് എടുക്കാൻ കഴിഞ്ഞില്ല .
സ്ഥലത്ത് എത്തിയ കുളത്തുപ്പുഴ പോലിസ് അപകടത്തിൽപ്പെട്ട ലോറി മുന്നോട്ട് നീക്കിയാണ് പരിക്കേറ്റ യുവവിനെ പുറത്തെടുത്തത് .അരയക്ക് താഴെ ഗുരുതര പരിക്കേറ്റ യുവാവിനെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു.
